BU HKAWM 27:18 - Jinghpaw Hanson Version Bible

¹⁸ Shing rai Yehowa gaw Mawshe hpe, “Myit su Wenyi rawng ai Nun a kasha Yawshu hpe shaga la nna, shi a ntsa e na lata mara u:

Jinghpaw Common Language Bible 2009

¹⁸ Dai Madu gaw Mawshe hpe, “Atsam ningja hte hpring ai Nun a kasha Yawshu hpe woi la nna shi a baw ntsa hta na a lata mara u;

BU HKAWM 27:18 ပူးပေါင်းရင်းမြစ်များ

NINGPAWT NINGHPANG 41:38

Dai rai nna Hpara-u gaw, Karai Kasang a wenyi rawng ai ndai wa zawn re ai masha gaw, anhte kanang mu tam na ga ta? Ngu nna shi a agyi salang ni hpe tsun wu ai.

1 HKAWHKAM LABAU 7:27

Nun a kasha Yawshu rai nga ma ai.

PRU MAT 17:9

Dai majaw Mawshe gaw, “Yawshu hpe, Masha lata la nna Amalek ni hpe gasat na pru su; hpawt de, Karai Kasang a dawhkrawng lang nna, dai kawng pungding e ngai tsap nga na ring ngai,” ngu nna tsun wu ai.

Daniela 5:14

Chyoi pra ai hpara ni a Wenyi nang hta rawng nna, myit leng ai, chye chyang ai hte nyan kaja nang hta hpring nga ai, nga nna kajai ai shi ngai na nngai.

BU HKAWM 11:17

Shaloi ngai yu sa nna, dai yang e nang hte ga matut na ring ngai: nang hta dung ai Wenyi hta na ngai la nna shanhte a ntsa e mara ya na we ai; ndai amyu a lit nang chyu sha gun hpai na n rai, shanhte nang hpe gun hpai karum na rai ma ai.

BU HKAWM 13:16

Dai gaw Hkanan mung kin-yu sa yu na matu, Mawshe shangun dat ai ni a amying rai nga ai. Mawshe chyawm gaw Nun a kasha Hoshea hpe Yawshu ngu nna shamying wu ai.

BU HKAWM 13:8

Ehprim amyu hta na Nun a kasha Hoshea.

BU HKAWM 27:23

Yehowa Mawshe hpe hkang dat wu ai hte maren, shi a ntsa e lata mara ai hte ahkang aya jaw da wu ai.

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

KASA 13:3

Dai hte maren shanhte gaw lusha gam let, akyu hpyi nna, shan a ntsa e lata mara jaw ngut jang, shan hpe dat mu ai.

KASA 19:6

Ya Pawlu shanhte a ntsa e lata mara jang, Chyoi pra ai Wenyi shanhte a ntsa e du nna, shanhte ga amyu kaga tsun nna myihtoi htoi ma ai.

KASA 6:3

Dai majaw, hpunau ni e, nanhte hta na sari rawng nna, Chyoi pra ai Wenyi hte hpaji byeng-ya hta myit kup ai masha marai sanit lata tawn mu; dai ni hpe ndai amu madu shangun na matu, anhte san da nme ga.

KASA 6:6

kasa ni a man e shadun tawn da mu ai; shanhte akyu hpyi ngut jang, shanhte hpe lata mara jaw da mu ai.

TARA JAHPRANG 1:37

Nanhte a jaw e Yehowa gaw ngai hpe mung pawt nna, ‘Nang pyi dai mungdan hta shang lu na n rai:

TARA JAHPRANG 3:21

Shaloi e Yawshu hpe mung, ‘Nanhte a Karai Kasang Yehowa ndai hkawhkam yan hta galaw ai lam yawng mayawng hpe nang hkum nan mu manit dai: ndai hte maren nang du hkawm sa wa ai mungdan shagu hta Yehowa galaw ya na ra ai.

TARA JAHPRANG 3:28

Yawshu hpe mahtang hkang da nna, shi hpe shaja da u, shadaw shangang tawn u: shi gaw ndai amyu a man e hkawm sa nna, nang mu da na rin dai mungdan hta Sali wunli woi dagraw lu na ra ai,’ nga nna ngai hpe hkang da nngai.

TARA JAHPRANG 31:14

Bai, Yehowa Mawshe hpe tsun wu ai gaw, “Nang si na nhtoi du magang ra ai: Yawshu hpe shaga la su; ngai shi hpe hkang da we ga, shawa sum de pru sa marit,” ngu wu ai. Dai rai nna Mawshe yan Yawshu pru sa nna shawa sum de sa nga ma ai.

TARA JAHPRANG 31:23

Nun a kasha Yawshu hpe mung, “N-gun da ting u, myit nden shaja u; ngai dagam da ai mungdan de Israela kashu kasha ni hpe nang woi shawn na rai ndai; nang hte rau ngai nga nga na ring ngai,” ngu nna hkang da wu ai.

TARA JAHPRANG 31:3

Na a Karai Kasang Yehowa gaw na a shawng e rap sa wa nhtawm, dai mung na masha amyu nlang hpe shamyit kau nna shanhte a shara e nanhte shang sha lu na marin dai: Yehowa tsun da sai hte maren, Yawshu gaw na a man e rap lu na ra ai.

TARA JAHPRANG 34:9

Ya Nun a kasha Yawshu gaw hpaji byeng-ya Wenyi hpring ai wa rai nga ai: kaning rai nme law, shi a baw hta Mawshe e lata mara ya nu ai rai nna, Yehowa Mawshe hpe hkang da ya wu ai hte maren, Israela kashu kasha ni mung Yawshu a ga madat mara nga ma ai.

1 TIMOHTI 4:14

Hpung salang ni a lata mara da let, myihtoi ga hte nang hpe jaw da nna, nang hta rawng ai maka hpe hkum hprai kau nga u.

1 TIMOHTI 5:22

Kadai wa a ntsa e mung lata alawan hkum mara ya u; masha kaga a yubak hta hkum bawk lawm nga u: tinang dai san seng nga u.

HEBRE 6:2

baptisma hkam ai hte seng ai sharin shaga ai lam, lata mara jaw ai lam, si ai kaw na bai hkrung rawt ai lam hte htani htana dawdan hkrum ai lam hte hta, anhte npawt nhpang naw n gaw nan nga ai sha, dai hpe tawn da nna, hkum tsup re ai de dep hkra hkan shachyut nga ga.

YAWSHU 1:17

Lam shagu hta Mawshe a ga madat ai zawn, na a ga mung madat na ra ai: na a Karai Kasang Yehowa Mawshe hte rau nga ai zawn, nang hte rau nga nga u ga.

TARA AGYI 11:29

Shaloi Yehowa a Wenyi Yephta kaw du nna, shi gaw Gilead mung hte Manashe mung lai sa wa nhtawm, Gilead mung na Mizpa shara mung du wu ai: dai kaw na Amon kashu kasha ni hpang de hpyen rawt sa wa ai.

TARA AGYI 3:10

Yehowa a Wenyi shi hta dung nga ai rai nna, shi gaw Israela masha ni hta tara dara ya nga ai: hpyen gasat mung shi woi awn nna, Yehowa gaw Mesopotami hkawhkam Hkushan-re-shahtim hpe shi a lata de ap kau wu ai: shi a lata hte dai hkawhkam hpe dang kau wu ai.

1 SAMUELA 16:18

Shaloi shabrang langai mi tsun ai gaw, “Betlehem masha Yese a kasha langai mi gaw ngai mu yu se ai; dai wa gaw tingse dum shapyaw chye ai hte, nden ja nna majan gasat kung ai wa, mungga hpaji rawng nna ahpraw tsawm ai wa rai nga ai; Yehowa mung shi hte rau nga nga ai;” ngu nna tsun dan wu ai.