BU HKAWM 27:17 - Jinghpaw Hanson Version Bible

¹⁷ ndai shawa hpung a man e pru pru shang shang rai lu nna, shanhte hpe shapraw lu ai hte jashawn la lu ai wa langai ngai hpe, shanhte a ntsa e san da ya u ga law,” ngu nna hpyi wu ai.

Jinghpaw Common Language Bible 2009

¹⁷ shanhte hpe majan gasat yang woi hkang lu ai masha langai mi san da ya u law; shaloi na a shawa hpung gaw rem ai wa n nga ai sagu zawn n rai mat mu ga,” ngu nna hpyi tsun wu ai.

BU HKAWM 27:17 ပူးပေါင်းရင်းမြစ်များ

2 SAMUELA 5:2

Moi shawng de, anhte a ntsa e Shawlu naw up nga yang nna, nang hkum nan Israela amyu hpe, woi pru woi shang ai wa rai nga nit dai: Yehowa mung, ‘Nang gaw nye a amyu Israela hpe, woi rem na wa hte nye amyu Israela ntsa e Du magam nang tai lu na ndai,’ nga nna nang madu hpe tsun nit dai,” ngu nna sa shang sa wang wu ai.

1 HKAWHKAM 22:17

Shaloi shi gaw, “Sagu rem wa n nga ai sagu ni zawn, Israela masha ni yawng bum ga hkan e bra nga ma ai hpe, ngai mu nngai; Yehowa mung, Ndai ni gaw madu n lu ma ai; langai hte langai tinang a nta de ngwipyaw ai hte nhtang wa manu ga, nga ai,” ngu wu ai.

1 HKAWHKAM 3:7

Ya chyawm gaw nye a Karai Kasang Yehowa e, nang gaw nye wa Dawi a malai, na a mayam wa hpe hkawhkam shatai ndai: ngai wa gaw ma kaji naw rai nga nna, shang wa na pru wa na lam n chye nngai.

2 HKAWHKAM 11:8

Langai hte langai gaw tinang a ri nhtu lang let, hkawhkam grup yin e sin nga nna, shang mashang kadai hpe mung sat kau mu: hkawhkam wa gaw shang wa pru wa yang, hkan sin nga mu,” ngu nna hkang dat mu ai.

2 HKAWHKAM LABAU 1:10

Dai amyu masha ni a man e ngai pru pru shang shang rai lu n ga, hpaji byeng-ya hte chye chyang ai myit ngai hpe jaw e law; ndai daram galu kaba ai, na a amyu hpe, kadai wa jeyang lu na rai nga a ta? ngu nna Karai Kasang hpe hpyi wu ai.

2 HKAWHKAM LABAU 18:16

Shaloi shi gaw, “Sagu rem wa n nga ai sagu ni zawn, Israela masha ni yawng bum ga hkan e bra nga ma ai hpe ngai mu nngai:” Yehowa mung, “Ndai ni gaw madu n lu ma ai: langai hte langai tinang a nta de ngwipyaw ai hte nhtang wa manu ga,” nga ai, ngu wu ai.

EZEKELA 34:5

Sagu rem wa n nga ai majaw, sagu ni bra wa nna, ayai nga yang, pa ga na matse labye yawng a shat tai ma ai.

ZEHKARIA 10:2

Terahpim sumla ni chyawm gaw, ga kaman tsun nna, shaba wawt ai ni, masu ai shingran mu ma ai; shanhte gaw n teng ai yup mang htai dan nna, shanhte a shalan shabran ai ga, kaman lila rai nga ai: dai re ai majaw, mung masha ni gaw, sagu zawn lam dam nna, sagu rem wa n nga ai majaw, ruyak ai hkrum ma ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

MAHTE 10:6

Israela amyu hta na dam mat wa ai sagu ni kaw she shawng sa wa mu.

MAHTE 15:24

Shi htan nna, “Israela nta na dam mat wa ai sagu ni a matu sha, ngai hpe shangun dat nngai,” nga ai.

MAHTE 9:36

Dai shawa hpawng ni hpe mu jang, shi shanhte hpe matsan dum da mu ai: kaning rai nme law, shanhte gaw, sagu rem ai wa n nga ai majaw, ru tsang hkrum ai hte bra mat wa ai sagu hte bung nga ma ai.

MARKU 6:34

Shing rai shi pru nna masha wunawng kaba mu mada ai hte shanhte gaw rem ai wa n nang ai sagu hpung hte bung nga ma ai majaw, shi shanhte hpe matsan dum nna, law law wa sharin shaga ya mu ai.

YAWHAN 10:9

Ngai gaw chyinghka hku rai nga nngai: ngai hta shang ai wa gaw, hkye hkrang la hkrum na wu ai rai nna, shang wa pru wa rai lu ai hte, udat shara mu na wu ai.

TARA JAHPRANG 31:2

Shi shanhte hpe tsun wu ai gaw, “Ngai gaw dai ni asak latsa e hkun ning du ni ai: ya kaw nna nanhte a man e ngai n hkawm n sa lu ni ai: Yehowa mung, ‘Nang ndai Yawdan hka n rap lu na ndai,’ ngu ni ai.

1 PETRU 2:25

Kaning rai nme law, nanhte nlang sagu zawn lam dam mat myit timung, ya gaw, dai Sagu rem wa hte nanhte a myit masin a Hpung up wa hpang de, nhtang wa manit dai.

1 SAMUELA 18:13

Dai rai nna Shawlu gaw shi kaw na jahka nhtawm, marai hkying mi up ai bu shatai wu ai; Dawi mung, masha ni a man e pru pru shang shang rai nga ai.

1 SAMUELA 8:20

anhte hpe tara dara ya na hte, majan shani e anhte hpe woi awn nna gasat lu na matu, anhte a ntsa e up na hkawhkam anhte ra ga ai,” nga ma ai.