BU HKAWM 27:14 - Jinghpaw Hanson Version Bible

¹⁴ kaning rai nme law, Zin nam mali e shawa hpung gaw ngai hpe gumlau ai shaloi, nan mung nye a ga hte nhtan shai nna, dai hka kau shanhte a man e ngai hpe n shagrau n sha a ai yubak lu myit dai,” ngu nna tsun wu ai. Dai hka chyawm gaw, Zin nam mali, Kadesha shara na Meriba ngu ai hka rai nga ai.

Jinghpaw Common Language Bible 2009

¹⁴ Shawa hpung ting dai Meriba shara e ngai hpe aput angun nga nna nhtan shai hkat nga yang, shanhte a man e nye a chyoi pra ai daru magam n-gun hkam la na ningdang kau myit dai,” ngu nna tsun wu ai. (Meriba gaw Zin Nam Mali na Kadesha shara hta pru ai hka hpawk rai nga ai.)

BU HKAWM 27:14 ပူးပေါင်းရင်းမြစ်များ

PRU MAT 17:7

Dai Kaw e Israela kashu kasha ni gaw, “Yehowa anhte hta nga nga ai kun, n nga nga ai kun,” nga nna Yehowa hpe chyam dinglik yu ai hte ndang kalang hkat ai lam a majaw, shara dai hpe ‘Masa’ ngu nna mung, ‘Meriba’ ngu nna mung shamying mu ai.

BU HKAWM 13:21

Shing rai shanhte gaw Zin ngu ai mali kaw nna, Hamat mare pru ai lam na Rehab mare du hkra, Hkanan mung hpe kin-yu lung yu ma ai.

BU HKAWM 20:1

Ya Israela kashu kasha ni a hpung nlang hte gaw, shata langai ngu na hta Zin ngu ai nam mali de du nna, amyu masha ni gaw Kadesha shara e nga nga ma ai: dai yang e Miriam si nna lup makoi ma ai.

BU HKAWM 20:24

Arun gaw shi a amyu hpawng nga ai de wa na rai sai; Meriba ngu ai hka makau e nan nye a ga hpe nhtan jashai myit dai majaw, Israela kashu kasha ni hpe ngai jaw ai mung de, shi shang lu na n rai.

BU HKAWM 20:5

Egutu mung na anhte hpe shapraw la nhtawm, ndai ruyak ai shara de hpa majaw anhte hpe gawt wa myit ta? ya ndai yang yi hkauna galaw n mai; maihpang si, tsabyi si, hkainu si mung hkai sha n mai; lu na ntsin pyi n nga ai,” ngu nna aput mu ai.

BU HKAWM 27:15

Dai rai nna Mawshe gaw Yehowa hpe,

KASA 7:51

Du ja nna, masin hte ana hpe matu n gadoi ai ni e, nanhte galoi mung Chyoi pra ai Wenyi hpe hkap daw myit dai; nanhte a nji nwa ni galaw ai zawn, nanhte mung a galaw nga myit dai.

TARA JAHPRANG 1:37

Nanhte a jaw e Yehowa gaw ngai hpe mung pawt nna, ‘Nang pyi dai mungdan hta shang lu na n rai:

TARA JAHPRANG 4:22

Dai rai nna, ndai ga e ngai si na ni ai; Yawdan hka ngai rap lu sa na n rai; nanhte chyawm gaw rap sa wa nna dai mai kaja ai mungdan shang sha lu na manit dai.