BU HKAWM 26:62 - Jinghpaw Hanson Version Bible

⁶² Shanhte hta na asak shata mi hta jan ai jahpan hta hti lawm ai lasha nlang hte gaw mun lahkawng e hkying masum rai ma ai: shanhte gaw Israela kashu kasha ni hte rau lamu ga sali n lu la na re ai majaw, Israela kashu kasha ni a jahpan hta n lawm ma ai.

Jinghpaw Common Language Bible 2009

⁶² Lewi masha ni hta shata mi shing n rai shata mi hta jan ai jahpan hta hti lawm ai ni gaw 23,000 rai nga ai. Shanhte gaw Israela amyu hta sali wunli hpa mung n hkam la lu ma ai majaw kaga Israela masha ni a jahpan hta na kaga san ginhka da hkrum nga ma ai.

BU HKAWM 26:62 ပူးပေါင်းရင်းမြစ်များ

BU HKAWM 1:47

Rai timung, Lewi amyu gaw, kaji kawa nta hkan nna hti ai jahpan hta n lawm ma ai.

BU HKAWM 1:49

Lewi amyu hpe nang hti kayau lu na n rai; Israela kashu kasha ni a jahpan hta shanhte hpe shalawm lu na n rai;

BU HKAWM 26:63

Ndai gaw Mawshe yan hkinjawng Eleaza lata hte Moba pa Yawdan hka kau Yerihko tawtap e jahpan la ai Israela kashu kasha ni rai ma ai.

BU HKAWM 3:39

Yehowa hkang da ai hte maren, Mawshe yan Arun hti nna Lewi kashu kasha ni hta kaji kawa dap hkan nna hti lawm ai asak shata mi hta jan ai lasha ma yawng hte gaw, mun lahkawng e hkying lahkawng rai nga ai.

BU HKAWM 4:27

Gershon a kashu kasha ni gaw, tinang galaw na hte gun hpai na amu shagu hta, Arun hte shi a shadang sha ni karan hpajang ya ai hte maren, lit gun hpai na rai ma ai: nanhte shanhte a matu tinang lit tawn da na rai mu ai.

BU HKAWM 4:48

Mawshe yan Arun hte Israela agyi salang ni hti la ai jahpan hta lawm ai ni yawng hte gaw hkying matsat e manga tsa matsat shi rai nga ma ai.

TARA JAHPRANG 10:9

Dai re ai majaw Lewi masha ni gaw kahpu kanau ni zawn kumhtaw madu lu na n rai, Sali wunli dagraw sha lu na n rai; na a Karai Kasang Yehowa shi hpe tsun dan ai hte maren, Yehowa gaw shi a Sali wunli rai nga ai.)

YAWSHU 13:14

Lewi amyu hpe chyawm gaw lamu ga Sali n jaw wu ai: Yehowa shanhte hpe tsun da ai hte maren, Israela Karai Kasang Yehowa hpe wan hte nawng jau ai hkungga gaw, shanhte a sali rai malu ai.

YAWSHU 13:33

Lewi amyu hpe chyawm gaw Mawshe sali n jaw wu ai; Yehowa shanhte hpe tsun dan mu ai hte maren, Israela Karai Kasang Yehowa gaw shanhte a sali wunli rai nga ai.

YAWSHU 14:3

Amyu lahkawng hte chyen mi hpe gaw, Yawdan hka wora hkran de Mawshe jaw da nu ai: Lewi amyu hpe gaw sali ga karan ai hta n shalawm mu ai.