BU HKAWM 26:55 - Jinghpaw Hanson Version Bible

⁵⁵ Rai timung, dai hpe hpaida hte karan na rai myit dai; kaji kawa amyu mying hkan nna lamu ga sali hkam la na rai mu ai.

BU HKAWM 26:55 ပူးပေါင်းရင်းမြစ်များ

GA SHAGAWP 16:33

Hpaida hpe lahpyen e ru dagup bang timung, Yehowa gaw de a lam mahkra hpe up nga ai.

GA SHAGAWP 18:18

Hpaida gaw htailai hkat ai hpe jasim chye nna, Wa-ngan ni a amu hpe mye lu nga ai.

EZEKELA 47:22

Nanhte mung, nanhte hta shingbyi nga nna, nanhte hte rau htinggaw rawn ai tsasam masha ni mung, dai mungdan hta sali wunli lu la hkra, nanhte gaw hpaida da ai hte, dai hpe karan la na myit dai; tsasam masha ni gaw, dai mungdan hta shangai wa ai Israela kashu kasha majing zawn, rai na mara ai: shanhte gaw Israela amyu masha ni hte rau, sali wunli hkam la na mara ai.

BU HKAWM 26:56

Hpaida hta ang ai hte maren masha law n law hkan nna, lamu ga karan na rai myit dai,” ngu nna tsun wu ai.

BU HKAWM 33:54

Nanhte a amyu lakung dap hkan nna, hpaida da ai hte dai lamu ga karan la na rai myit dai; law ai ni hpe law ai sali ga, n law ai ni hpe n law ai sali ga karan jaw na rai myit dai; langai hte langai hpaida ang ai hte maren lamu ga lu la na rai myit dai; kaji kawa amyu mying hkan nna, nanhte sali ga lu la na rai myit dai.

BU HKAWM 34:13

Bai Mawshe Israela kashu kasha ni hpe, “Ndai hte gaw Yehowa hkang da ai hte maren, hpaida da ai hte dai amyu jahku e chyen mi hpe karan jaw na lamu ga rai nga ai:

BU HKAWM 36:2

“Nang madu hpaida da ai hte Israela kashu kasha ni hpe dai sali ga karan jaw na lam, Yehowa hkang da nit dai; bai, anhte a hpunau Zelohpa a matu sali ga shi a shayi sha ni hpe jaw na lam, Yehowa nang Madu hpe hkang da nit dai.

KASA 1:26

Shaloi shanhte hpaida hte lata nna, dai hpaida gaw Mahtia hta ang wa ai: dai kaw nna shi gaw dai kasa shi langai hta shang lawm wa ai.

KOLOSE 1:12

nhtoi hta rawng nga ai chyoi pra ai ni a sali wunli a daw mi dagraw lu myit ga, nanhte hpe ging dan shangun ai Kawa kaw shakawn kungdawn na rai timung, anhte hpyi nem nga ga ai.

YAWSHU 11:23

Yehowa Mawshe hpe tsun da ai hte maren Yawshu gaw dai mung ting kabye la nna, Israela masha ni a amyu lakung langai hte langai hpe Sali ga karan ya wu ai. Dai mungdan mung majan sim mat ai.

YAWSHU 14:2

Yehowa Mawshe hpe hkang da wu ai hte maren, hpaida hte dai amyu jahku hte chyen mi hpe karan ya mu ai.

YAWSHU 17:14

Shaloi Yawsep a kashu kasha ni Yawshu hpe, “Yehowa ngai hpe shaman ya ai hte, amyu kaba rai nga nngai she rai yang me, hkambum ga langai sha ngai e a jaw ai gaw, hpa majaw rai ta?” ngu nna tsun mu ai.

YAWSHU 18:6

Nanhte gaw dai mungdan hpe hkambum sanit di ka karan nna, dai ka da ai laika ngai hpang de la wa na rai myit dai: shaloi ngai gaw anhte a Karai Kasang Yehowa a man e nanhte a matu hpaida da na nngai.

YAWSHU 19:1

Lahkawng lang na hpaida hta jaw ai gaw, Simun kashu kasha lakung lama ni a matu rai nga ai: shanhte a lamu ga gaw Yuda kashu kasha ni a sali ga hta lawm nga ai.

YAWSHU 19:10

Bai, masum lang na hpaida hta jaw ai gaw Zebulun kashu kasha lakung lama ni a matu rai nga ai: shanhte a lamu ga jarit gaw Sarid du hkra rai nga ai;

YAWSHU 19:17

Bai, mali lang na hpaida hta jaw ai gaw, Yeshahka kashu kasha lakung ni a matu rai nga ai:

YAWSHU 19:24

Bai, manga lang na hpaida hta jaw ai gaw, Ashe a kashu kasha lakung lama ni a matu rai nga ai.

YAWSHU 19:32

Bai, kru lang na hpaida hta jaw ai gaw, Naphtali a kashu kasha lakung lama ni a matu rai nga ai.

YAWSHU 19:40

Bai, sanit lang na, hpaida hta jaw ai gaw, Dan a kashu kasha lakung lama ni a matu rai nga ai.