BU HKAWM 26:10 - Jinghpaw Hanson Version Bible

¹⁰ shan gaw, Kora manang ni tsa e manga shi hte hpe wan e hkru kau nna, kumla tai ma ai shaloi e, aga gaw shi a n-gup mahka nna Kora hte rau mayu kau hkrum ai hte dai ni hta si lawm mat ai yan rai ma ai.

Jinghpaw Common Language Bible 2009

¹⁰ Shan gaw Kora hte shi a hpang hkan nang ai ni masha 250 hte hpe wan hte hkru kau ai shaloi aga gaw ga mahka wa nna Kora hte rau mayu kau hkrum ai hte dai ni hta si lawm ai yan mung rai nga ai. Shan gaw amyu masha ni a matu shadum jahprang la na kasi kumla langai tai wa masai.

BU HKAWM 26:10 ပူးပေါင်းရင်းမြစ်များ

PRU MAT 16:35

Israela kashu kasha ni gaw masha nga ai ga de du ai du hkra, mali shi ning tup manna muk sha ma ai; Hkanan mung a lamu ga jarit du ai du hkra shanhte manna sha nna nga ma ai.

YEREMIA 29:22

shing rai, Babelon hkawhkam gaw wan hte sat kau ai, Zedekia hte Ahab zawn, Yehowa nang hpe shatai u ga, nga nna Babelon mare hta bawng dung hkrum ai Yuda masha ni mahkra gaw, shan a amying hpe dagam dala shara shatai na mara ai:

EZEKELA 14:8

ngai dai wa hpe hkap daw nna, mauhpa shara, kumla hte ga malai shatai let, nye a amyu masha ni hta na shi hpe shapraw kau nna, ngai Yehowa rai nga ai hpe, nanhte chye lu na marin dai.

BU HKAWM 16:2

shawa hpung hta arawng sadang lu ai hte, dai hpung hta lawm ai, hpung agyi ngu na, Israela kashu kasha marai ni tsa e manga shi hte Mawshe hpe rawt gumlau mu ai:

BU HKAWM 16:38

tinang asak jasum na matu shut ai lam hkan ai ni a wan ban ni hpe tawn hkungri magap ai magri pa dup shangun na, hkinjawng Arun a kasha Eleaza hpe hkang dat u: dai wan ban ni gaw Yehowa man e nawng jau sai majaw, chyoi pra nga ai rai nna, dai hte gaw Israela kashu kasha ni hta kumla tai nga na rai nga ai,” ngu wu ai.

BU HKAWM 17:3

Lewi amyu a dawhkrawng hta Arun a amying ka shakap mu: shing rai amyu lakung du langai mi a dawhkrawng langai ngai rai na rai nga ai.

BU HKAWM 27:3

“Anhte a wa gaw nam mali e si mat sai; rai timung, shi gaw Yehowa hpe rawt gumlau ai Kora hpung masha ni hta lawm ai n rai: shi dai shi a mara hta si wa sai; shi hta shadang sha mung n nga lu ai.

TARA JAHPRANG 11:6

Rubin lakung Eliaba kasha Dahtan yan Abiram hpe di ai lam hpe mung; ga gaw shi a n-gup mahka nna shanhte hte shanhte a nta masha, shanhte a sum, shanhte lu malu hte hkan nang ai ni yawng hpe Israela amyu a ka-ang e mayu kau wu ai lam hpe mung, n mu n chye lawm ai nanhte a nshu nsha ni hpe ngai n tsun nngai:

TARA JAHPRANG 28:46

dai gaw na a ntsa e mung, na amyu matu ni a ntsa e mung, prat dingsa lamik kumla hte mauhpa amu tai nga na ra ai.”

2 PETRU 2:6

Sodom hte Gomora mare yan hpe mung, wan mang shatai kau nna, sharun shabyak kau mu ai hte, hpang e du pra ai, tara hpe n hkungga ai ni a matu mara ningli shatai mu ai;

YUDA 1:7

Dai hte maren, Sodom yan Gomora hte, dai mare yan zawn, grup yin na mare ni mung, shut hpyit lai ai amu galaw nna, lasha shada da tam shut nga ai a jaw e, dai ni hpe ningli shatai na matu, prat dingsa na wan nhpra hta e ari hkrum sha mu ai.

1 SAMUELA 2:34

Da ndai gaw, na nsha Hopni yan Hpineha hta du nna, nang hpe madun ai kumla tai na ra ai; shan lahkawng lani jan sha si na mara ai.