BU HKAWM 25:9 - Jinghpaw Hanson Version Bible

⁹ Shaloi na ana zinli hte si ai ni gaw mun lahkawng e hkying mali rai nga ma ai.

Jinghpaw Common Language Bible 2009

⁹ rai ti mung sat kau hkrum sai amyu masha ni gaw mun lahkawng e hkying mali rai nga masai.

BU HKAWM 25:9 ပူးပေါင်းရင်းမြစ်များ

2 SAMUELA 24:15

Shing rai Yehowa gaw dai jahpawt kaw nna, madat da ai aten du hkra, Israela amyu hta ana zinli dat dat wu ai rai nna, Dan mare kaw nna Berasheba mare du hkra, masha mun sanit si mat ma ai.

PRU MAT 32:35

Shing rai Arun hte amyu masha ni dai dumsu kasha galaw ma ai majaw Yehowa shanhte hpe ari jaw wu ai.

BU HKAWM 14:37

Hkanan mung a shiga chyahten tsun ai ni gaw, Yehowa a man e ana zinli hte si mat ma ai.

BU HKAWM 16:48

Shing rai hkrung ai ni hte si ai ni a lapran e shi tsap nga nna, ana zinli sim mat wa ai.

BU HKAWM 25:10

Shaloi Yehowa Mawshe hpe tsun wu ai gaw,

BU HKAWM 26:1

Dai ana zinli hkoi mat ai hpang, Yehowa gaw Mawshe yan hkinjawng Arun a kasha Eleaza hpe, “Asak hkun ning lai nna Israela hta hpyen gasat lu ai, Israela kashu kasha ni a shawa hpung nlang hte hpe, kaji kawa dap hkan nna, jahpan hti la mu,” ngu nna tsun wu ai.

BU HKAWM 31:16

Yu mu, shanhte Balam daw ya ai hpaji hkan nna, Israela kashu kasha ni hpe Peora lam hta Yehowa a man e shut hpyit shangun mu ai majaw, Yehowa a shawa hpung hta dai ari zinli du ai re.

1 KORINHTU 10:8

Shanhte nkau mi hpye ai amu galaw nna, lani mi hta sha mun lahkawng e hkying masum rum mat ma ai zawn, anhte gaw hpye ai amu n galaw ga.