BU HKAWM 25:2 - Jinghpaw Hanson Version Bible

² dai num ni gaw shanhte a hpara ni hpe hkungga nawng ai poi de Israela masha ni hpe shaga mu ai rai nna, shanhte gaw dai sha lawm ai hte, Moba hpara ni a man e nawku ma ai.

Jinghpaw Common Language Bible 2009

² Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

BU HKAWM 25:2 ပူးပေါင်းရင်းမြစ်များ

1 HKAWHKAM 19:18

Rai timung, Bala man e lahput n hput di nna, shi hpe n pup yu ai, Israela masha hkying sanit hte hpe ngai naw jahti da na nme ai,” ngu wu ai.

SHAKAWN KUNGDAWN 106:28

Bala Peura hpe shanhte manoi nna, Si ai wa hpe nawng ai hkungga sha ma ai.

PRU MAT 20:5

dai hpe hkum naw hkum ku, hkum jaw hkum jau et: kaning rai nme law, ngai, na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai;

PRU MAT 22:20

Yehowa hta kaga hpara shaje a man e hkungga jau ai wa gaw, atsai awai hpya kau ai hkrum lu na rai nga ai.

PRU MAT 23:24

Shanhte a hpara ni hpe nang nawku lu na n rai; dai ni hpe jaw jau lu na n rai; shanhte a lai len hku mung nang hkan lu na ndai n rai: shanhte hpe nang atsai awai tsan kau nna, shanhte a hpara shadaw ni hpe mung kahtum gadaw di kau na rai myit dai.

PRU MAT 32:6

Hpang jahpawt jau jau shanhte rawt nna, wan nat hkungga nawng ai hte mahku hkungga la sa mu ai: amyu masha ni mung lusha let dung nga ma ai; bai ka manau na nga rawt ma ai.

YEREMIA 40:11

Dai hte maren, Babelon hkawhkam gaw Yuda mung hta masha nkau mi hpe naw ngam da nna, Shahpan a kashu, Ahikam a kasha Gedalia hpe, shanhte a ntsa e du aya dang da ai lam, Moba mung, Ammon kashu kasha ni a mung, Edom mung hte mungdan shagu hta bra nga ai Yuda masha ni mahkra na jang, shanhte hpe shapraw kau dat ai mung shagu na bai nhtang wa nhtawm, Yuda mung Mizpa mare e Gedalia hpang de sa du ma ai; shanhte gaw dai yang nna, tsabyi jahku hte nlum ta myin ai namsi law law shu la ma ai.

HOSEA 9:10

“Ngai gaw, zaibru jang e tu ai tsabyi si zawn, Israela hpe mu hkrup nngai; shawng si ai lakum hpun hta shawng myin ai lakum si zawn, nanhte a nji nwa ni hpe, ngai mu mada nngai: rai timung shanhte gaw, Bala-peora hpang de sa nna, tinang hkum hpe kaya kahpa lam hta ap kau nhtawm, tinang ra ai hpara hte maren, matsat shabat hkum tai wa masai.

MIHKA 6:5

Nye a amyu e, Moba hkawhkam Balak hpaji daw ai hte, Beora kasha Balam shi hpe htan ai ga, dum u; Yehowa a dinghpring ai amu chye lu hkra, Shitim hte Gilgala lapran e byin ai lam hpe, dum u.

1 KORINHTU 10:20

Shing nga ngai n tsun ai sha, maigan ni jaw ai hkungga gaw, Karai Kasang hpe jaw ai n rai, nat ni hpe jaw nga ma ai, ngai tsun nngai: nanhte gaw nat ni hte kanawn mazum nga na, ngai n ra nngai.

YAWSHU 22:17

Nanhte dai ni Yehowa a lam n hkan ai dam mat wa na gaw, Peora a majaw hkrum ai yubak, anhte a matu garai n ram a ni? Yehowa a shawa hpung hta ana zinli du ai pyi, dai hpe anhte dai ni du hkra garai n shasan lu ga ai:

YAWSHU 23:16

Nanhte a Karai Kasang Yehowa nanhte hpe hkang da ai ga shaka lam hta na nanhte tawt lai nna, Hpara shaje ni hpe sa jaw jau ai hte nawku nga myit yang gaw, Yehowa a pawt ai sindawng nanhte hta du nna, shi nanhte hpe jaw da ai ndai mungdan kaja hta na nanhte alawan htum mat wa na marin dai,” ngu nna tsun mu ai.

YAWSHU 23:7

nanhte hta naw ngam nga ai ndai amyu ni hte n kanawn, shanhte a Hpara amying n gang, de a amying hte n dagam, shanhte hpe n jaw n jau, n naw n ku ai sha;

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.