BU HKAWM 25:13 - Jinghpaw Hanson Version Bible

¹³ shi a Karai Kasang hpang maga shi myit kaba ai hte, Israela kashu kasha ni a matu htingrai htingrat nu ai majaw, shi hte shi a shu mashi shu masha ni gaw, dai ga shaka ngu ai, htani htana hkinjawng aya hte seng ai ga shaka lu la na manu ai,” ngu wu ai.

Jinghpaw Common Language Bible 2009

¹³ Shi hte shi a lakung lama ni chyawm gaw htani htana hkinjawng ni tai nga manu ai. Shi gaw ngai hta lai nna shingjawng kashun ai kaning re ai hpara hpe mung n yu sharawng ai hte amyu masha ni a shut hpyit ai mara ni a matu htingrai htingrat ya nu ai.

BU HKAWM 25:13 ပူးပေါင်းရင်းမြစ်များ

2 SAMUELA 21:3

Shaloi hkawhkam wa gaw Gibeon masha ni hpe shaga nna, Nanhte a matu ngai kaning di na ra myit ta? Yehowa a sali wunli hpe, nanhte shaman ya lu myit ga, hpa hte htingrat na rai ta? ngu nna san wu yang,

1 HKAWHKAM 19:10

Elia gaw, “Ngai wa, Zaw nawng zaw wa up ai Karai Kasang Yehowa a lam myit grai yu kahtet ni ai; hpa majaw nga yang, Israela kashu kasha ni gaw na a ga shaka lam kau da nna, na a tawn hkungri ni hpe sharun shabya kau ai hte, na a myihtoi ni hpe nhtu hte sat kau mu ai: ngai hkum hkrai sha hti nga nna, ngai hpe mung sat kau na tam nga ma ai,” nga ai.

1 HKAWHKAM 19:14

Elia gaw, “Ngai wa, Zaw nawn zaw wa up ai Karai Kasang Yehowa a lam myit grai yu kahtet ni ai; hpa majaw nga yang, Israela kashu kasha ni gaw na a ga shaka lam kau da nna, na a tawn hkungri ni hpe sharun shabya kau ai hte, na a myihtoi ni hpe nhtu hte sat kau mu ai: ngai hkum hkrai sha hti nga nna, ngai hpe mung sat kau na tam nga ma ai,” nga ai.

1 HKAWHKAM 2:27

Shing ra, Yehowa gaw Shilo mare e Kli a amyu matu ni a lam tsun dan ai ga dik wa u ga, Shawlumon gaw Abiahta hpe Yehowa hkinjawng aya hta na jahkrat kau wu ai.

NEHEMIA 13:29

Nye a Karai Kasang e, shanhte gaw, hkinjawng aya hpe mung, hkinjawng hte Lewi masha ni a ga shaka hpe mung, awu asin di kau ma ai majaw, shanhte hpe mada yu u law.

SHAKAWN KUNGDAWN 106:31

Dai hpe tutnawng, prat mi hte prat mi, Shi hpe dinghpring ai zawn, nawn da mu ai.

SHAKAWN KUNGDAWN 119:139

Ngai hpe hpyen ai ni na a mungga hpe malap kau ma ai majaw, Nye a nja nhpra ai myit ngai hpe shaza kau nngai.

SHAKAWN KUNGDAWN 69:9

Na nta hta manoi ai nja nhpra myit ngai hpe sha kau nna, Nang hpe shatan ai ni a ga, nye a ntsa e mara nga ai.

PRU MAT 29:9

Arun hte shi a shadang sha ni hpe shingkyit kyit ya nna, bunghkaw hkaw ya na rai wu ai: shing rai shanhte gaw, tutnawng nga nga ai tara hte maren hkinjawng amu gun nga lu na rai nga ai: shing di Arun hte shi a shadang sha ni hpe hkinjawng aya hta nang dang da na rai ndai.

PRU MAT 32:30

Bai hpang jahpawt mung Mawshe gaw amyu masha ni hpe, “Nanhte yubak kaba galaw manit dai; rai timung ngai Yehowa hpang de lung wa nna, nanhte a yubak matu htingrat ya lu na nhten,” ngu nna tsun da mu ai.

PRU MAT 40:15

nye a man e hkinjawng amu gun hpa nga lu na matu, shanhte a kawa hpe chya ai zawn shanhte hpe mung namman chya na rai wu ai: shanhte hpe namman chya ai lam gaw shanhte a shu mashi shu masha prat dingsa na hkinjawng lam a hkringhtawng rai malu ai, ngu wu ai.

ESAIA 61:6

Nanhte chyawm gaw, ‘Yehowa a hkinjawng ni,’ nga nna mung, ‘Anhte a Karai Kasang a ali ama ni,’ nga nna mung, mying na marin dai: nanhte gaw maigan amyu ni a sutgan sha lu nna, shanhte a arawng sadang hta gumrawng nga na myit dai.

YEREMIA 33:18

nye a man e wan nat hkungga, lusha hkungga hte tutnawng na hkungga amyu hpe nat nawng na matu, hkinjawng ni hte Lewi masha ni hta na, nye a man e daw jau ai wa, nhtut na n rai, nga nna Yehowa tsun ai.

YEREMIA 33:22

Sumsing lamu na zaw nawng zaw wa ni hpe n hti yu lu ai hte, nammukdara zaibru hpe n hteng yu lu ai zawn, nye shangun ma Dawi a aru arat hpe mung, nye a man e daw jau nga ai Lewi masha ni hpe mung, ngai shalaw jahtam na we ai, nga ai.

JAW JAU 15:15

kinjawng wa mung htingrai hkungga a matu langai mi, wan nat hkungga a matu langai mi di nna, nawng ya na rai wu ai: shing rai hkinjawng wa gaw dai wa a ri ana matu Yehowa a man e htingrai htingrat ya na rai wu ai.

MALAHKI 2:8

Nanhte chyawm gaw lam dam manit dai; nanhte gaw masha law law hpe, tara lam hta kataw shangun manu ai: Lewi amyu hte tawn da ai ga shaka hpe, nanhte run kau manu ai, nga nna Zaw nawng zaw wa up ai Yehowa tsun ai.

BU HKAWM 16:46

Bai Mawshe gaw Arun hpe, “Na a wan ban la nna tawn hkungri na wan hta bang nhtawm, lawban mara lang let, shawa hpung de alawan gat nna shanhte a matu htingrai htingrat su: Yehowa a pawt ai sindawng pru ra ai; ana zinli mung du rau ra ai,” ngu nna shangun dat wu ai.

BU HKAWM 16:47

Mawshe a ga hte maren Arun mung dai la nna, shawa hpung de gat wu ai; yu u, masha ni hta ana zinli du rau sai rai nna, lawban mara lang let masha ni a matu shi htingrai htingrat ya wu ai.

BU HKAWM 17:12

Israela kashu kasha ni chyawm gaw Mawshe hpe, “Yu u, anhte si ma wa nga ga ai; anhte htum ma saga ai; gaja wa htum ma wa nga ga ai:

BU HKAWM 25:14

Ya, Midian numsha hte shut nna sat kau hkrum ai Israela la wa a amying gaw, Simun amyu hta na lakung langai mi a du agyi Salu a kasha Zimri rai nga ai.

YAWHAN 2:17

Dai shaloi, “Na nta hta manoi ai nja nhpra myit gaw, ngai e sha kau na ra ai,” nga nna ka da ai ga hpe, sape ni dum ma ai.

HEBRE 2:17

Dai re ai majaw, shi gaw Karai Kasang hte seng ai lam hta, matsan dum chye ai hte kangka re ai hkinjawng agyi tai nna, shinggyim masha ni a matu mara gawng malai hkungga jaw lu u ga, lam shagu hta kahpu kanau ni hte bung lu na, sun ang nga ai.

HEBRE 7:11

Bai, lam mi gaw, Lewi a amyu hkinjawng ni a aprat e, mung masha ni gaw dai jep ai tara hpe lu la ma ai rai nna, dai hkinjawng aya a gawp e hkum tsup re ai lam dep la lu ai teng yang gaw, Arun a hkringhtawng lam hte maren n re ai sha, Melhkizedek a hkringhtawng lam hte maren re ai hkinjawng wa kaga gaw, hpa majaw paw pru shara naw nga a ta?

YAWSHU 7:12

Dai re ai majaw Israela kashu kasha ni gaw dagam dala hkrum ma ai rai nna, masha hpyen ni a man e n hkam lu ai hte nga mat wa ma ai: dagam dala hkrum ging ai wa hpe n seng kau myit yang gaw, ngai nanhte hte rau naw nga lu na n rai.

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

1 YAWHAN 2:2

shi gaw, anhte a yubak a matu mara gawng malai hkungga rai nga ai; anhte a yubak a matu mara sha n rai, mungkan ting a matu mara mung rai nga ai.

SHINGRAN 1:6

shi a Kawa Karai Kasang a matu anhte hpe mungdan amyu hte hkinjawng amyu shatai ai wa kaw, hpung shingkang hte daru magam ahkang gaw, htani htana e anga nga u ga law. Amen.

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.