BU HKAWM 24:9 - Jinghpaw Hanson Version Bible

⁹ Hkanghkyi hte hkanghkyi kanu zawn, shi hpum let gyem nga ai: Kadai wa shi hpe shatu wam na a ta? Nang hpe shaman ai wa gaw shaman chyeju lu la u ga, Nang hpe matsa ai wa gaw, matsa hkrum sha u ga,” nga ai.

Jinghpaw Common Language Bible 2009

⁹ Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

BU HKAWM 24:9 ပူးပေါင်းရင်းမြစ်များ

NINGPAWT NINGHPANG 12:3

Nang hpe shaman ai wa hpe, ngai shaman ya na we ai; nang hpe dagam ai wa hpe ngai dagam kau na we ai: na a marang e ga ntsa na masha amyu shagu gumring gumrat lu la shajang na mara ai,” ngu nna shaga wu ai.

NINGPAWT NINGHPANG 27:29

Masha amyu ni nang kaw mayam tai nna, Masha mungdan ni na man e dingnyawm nga manu ga; Na nhpu nnau ni a Madu nang tai nna, Ning nu a kasha ni nang kaw dingnyawm nga manu ga; Nang hpe matsa ai ni gaw matsa mawa hkrum mu ga, Nang hpe shaman ai ni gaw shaman ai hkrum mu ga,” ngu nna, shi hpe shaman ya wu ai.

NINGPAWT NINGHPANG 49:9

Yuda gaw hkanghkyi hkalung rai nga ai: Ngai sha e, htim sha ai kaw na nang lung wa wa rai ndai: Hkanghkyi hte hkanghkyi kanu zawn, shi hpum let gyem nga ai: shi hpe kadai wa shatu gwi na a ta?

1 HKAWHKAM 10:20

N-gum kru a maga mi hte maga mi yawng hpawn hkanghkyi shi lahkawng tsap nga ma ai: dai zawn re ai gaw gara mungdan hta mung n galaw yu ma ai.

2 HKAWHKAM LABAU 9:18

Tingnyang de lung wa na matu lakang n-gam kru rai nga nna, tingnyang hte matut ai lagaw kabye shara aja rai nga ai; dung shara maga mi hte maga mi de lata mara shara rawng nna, de a makau e hkanghkyi lahkawng tsap nga ma ai.

ESHTA 6:13

Shing rai Haman gaw, shi hta byin ai lam mahkra hpe, madu jan Zeresha hte jinghku jing-yu ni yawng hpe hkai dan mu ai. Dai rai nna shi a hpaji rawng ai ni hte madu jan Zeresha gaw, “Nang hpe sum hpang shangun ai Mordehkai gaw, Yuda aru arat hta na teng yang, nang shi hpe dang lu na n rai; nang shi a man e teng teng sum na ndai,” ngu mu ai.

YOBA 41:10

Shi hpe jasu lu hkra, nden ja ai myit kadai n rawng ai: dai rai nna nye a man e kadai tsap lu na rai ta?

SHAKAWN KUNGDAWN 122:6

Yerusalem a ngwipyaw na lam matu hpyi nga mu: Nang hpe tsawra ai ni awng wa lu mu ga.

SHAKAWN KUNGDAWN 2:12

Dai kasha hpe pup mu: shing n rai yang, shi masin pawt nna nanhte lam e hten bya ai hkrum na myit dai: Kaning rai nme law, shi masin alawan pawt bu na ra ai: Shi hta shingbyi ai ni nlang hte gaw, a lu ma ai.

PRU MAT 23:22

Nang gaja wa shi a ga madat nna, ngai tsun matsun mahkra hkan galaw n yang gaw, na a hpyen ni hpe ngai hpyen na we ai, nang hpe shadang ai ni hpe ngai shadang na we ai.

ESAIA 31:4

Kaning rai nme law, Yehowa ngai hpe ning nga ai: “Hkanghkyi hte hkanghkyi hkalung gaw, magra la ai mang ntsa e nying nga yang, sagu rem ai masha wunawng jahtau marawn timung, shanhte a nsen hpe n hkrit ai hte, shanhte wu ngoi ai hpe n nawn ai hte maren, Zaw nawng zaw wa up ai Yehowa gaw, hpyen gasat na matu, Ziun bum hte dai hte seng ai kawng a ntsa e, yu wa na ra ai.

MIHKA 5:8

Naw ngam nga ai Yaku a masha ni gaw, masha amyu baw ni law law a ka-ang e, maigan masha ni a man e, maling na ashu ashan ni hta, hkanghkyi, sagu hpung hta hkanghkyi uram zawn, tai na mara ai: shi ga sa wa yang, kadai n mawai la lu hkra, shi kabye nna amya sha kau na ra ai.

BU HKAWM 22:12

Karai Kasang chyawm gaw, “Nang dai ni hte rau hkan sa lu na n rai; dai amyu hpe nang matsa kau lu na n rai; dai gaw shaman chyeju lu ai amyu rai nga ai,” ngu nna Balam hpe tsun wu ai.

BU HKAWM 22:6

Dai rai nna, dai amyu hpe matsa sat na alawan sa rit; shanhte ngai hta n-gun grau ja ma ai: nang matsa ya yang gawm ngai shanhte hpe dang lu nna, nye a mung na shachyut kau lu hkra gasat lu a nhten: kaning rai nme law, nang shaman ai wa shaman chyeju lu ai mung, nang matsa kau ai wa hta matsa shang lu ai mung, ngai chye nngai,” ngu dat wu ai.

BU HKAWM 23:24

Yu u, dai amyu gaw hkanghkyi kanu zawn rawt na ra ai; Hkanghkyi zawn shingkang dat na ra ai: Htim la lu ai shan hpe garai n sha. Kawa tawn ai shan a sai garai n chyu lu lu gaw, shi hpum na ra ai n rai,” nga ai.

BU HKAWM 24:10

Shaloi Balak gaw Balam hpe masin pawt bu nna, lata kahpret let, “Nye a hpyen ni hpe matsa ya rit ga, ngu nna she ngai nang hpe shaga yang me, ya masum lang du hkra shanhte hpe shaman hkrai a shaman ai gaw:

MAHTE 25:40

Dai rai nna Hkawhkam wa gaw, “Nanhte hpe ngai teng teng tsun made ga, ‘Ndai ngai nau ni hta na kaji htum ai wa hpe nanhte galaw ai gaw, nanhte ngai hpe galaw manit dai, rai nga ai,’ ngu nna shanhte hpe htan na mu ai.

MAHTE 25:45

Dai rai nna, Ngai nanhte hpe teng teng tsun made ga, “Ndai ni hta na kaji htum ai wa hpe nanhte n galaw myit dai majaw, ngai hpe n galaw myit dai rai nga ai,” ngu nna shanhte hpe htan na mu ai.

KASA 9:5

Shaloi shi gaw, “Madu e, nang kadai rai nga n ta?” ngu nna san wu yang, Madu gaw, “Nang zingri zingrat ai Yesu rai nga nngai:

TARA JAHPRANG 30:7

Na a hpyen wa ngu ai, nang hpe n dawng n yawt ai hte zingri zingrat ai ni hpe mung, ndai dagam dala dingnye nlang, na a Karai Kasang Yehowa shanhte hpe jahkrum na wu ai.