BU HKAWM 24:6 - Jinghpaw Hanson Version Bible

⁶ Dai ni gaw dam lada re ai kadit ni hte, Hka kau na sun ni zawn; Yehowa hkai ai maza hpun ni hte, Hka kau e tu ai marau hpun ni zawn, ut rai nga ai.

Jinghpaw Common Language Bible 2009

⁶ Dai ni gaw galu yang yang rai hkai da ai namhtan hpun ni Hte hka kau na sun ni zawn dai Madu hkai da ai Maza hpun ni hte hka kau e tu ai shaji hpun ni zawn ut rai nga ai.

BU HKAWM 24:6 ပူးပေါင်းရင်းမြစ်များ

NINGPAWT NINGHPANG 13:10

Dai prat e, Yehowa gaw Sodom hte Gomora mare hpe garai n jahten yang, Zora mare du hkra Yawdan hka a grup yin ginwang hkan e hka law nga ai rai nna Yehowa a sun zawn mung, Egutu mung zawn mung, rai nga ai gaw, Lawt mada yu nna mu wu ai.

SHAKAWN KUNGDAWN 1:3

Dai wa gaw hka kau e hkai ai, Shi a aten hta asi si nna, Alap mung n nyip ai hpun hte bung nga ai: Shi galaw ai yawng mayawng mung tai na ra ai.

SHAKAWN KUNGDAWN 104:16

Yehowa a hpun ni, rai sa, shi hkai da nga ai, Lebanon a arit hpun ni, hkru kat nga ma ai.

SHAKAWN KUNGDAWN 45:8

Na a hpun palawng gaw mura, achyaw, hpun maza mawng nga ai, Magwi kawng htingnu hta na tingse dum ai gaw, nang hpe shapyaw nga ai.

Shawlumon A Mahkawn Ga 6:11

Kadit e tu ai namsi bawng ni hpe yu na matu mung, Tsabyi ru ni majawm n majawm, Hkainu si ni pu n pu, mada yu na matu mung, Ngai gaw namsi sun de yu wa nngai.

ESAIA 41:19

Bai ngai gaw nam mali hta e arit hpun, shitim hpun, murtu hpun, tsanlun hpun ni hpe mung, zaibru jang e marau hpun, shinglim hpun hte chyamka hpun kayau hkai na we ai:

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

YEREMIA 17:18

Ngai hpe zingri zingrat ai ni kaya kahpa hkrum mu ga; ngai mahtang kaya kahpa n hkrum u ga; shanhte mak mat mu ga, ngai mahtang mak mat ai n hkrum u ga: ru tsang hkrum ai shani shanhte a ntsa e du shangun nna, shanhte hpe atsai awai agrawp kau mu.

YEREMIA 31:12

Shing rai shanhte gaw, Ziun bum pungding e sa mahkawn mangoi nna, Yehowa chyeju ngu ai, nai man, tsabyi jahku, sau, sagu kasha hte dumsu kasha lu la na matu zuphpawng na mara ai: shanhte a myit masin gaw, ntsin jaw ai sun zawn rai nga nna, shanhte htawm hpang de hpa yawn hkyen hkrum na n rai.

EZEKELA 47:12

Dai hka nu hkin-gau maga mi hte maga mi de, sha mai ai hpun amyu myu tu na ra ai; de a lap mung n nyip, asi mung n wai na ra ai: dai hka nu gaw chyoi pra ai shara na lwi pru ai majaw, dai hpun ni gaw shata shagu asi ningnan si na mara ai: asi gaw sha na matu, alap gaw ana ahkya shamai shatsai na matu, tai na ra ai,” nga nna ngai hpe tsun ai.

YOELA 3:18

Dai aten e, bum ni gaw, dwi ai tsabyi jahku yun nna, kawng ni gaw, nga chyu lwi na ra ai: Yuda hka lawng hka hkawng ni yawng, hka lwi na ra ai; Yehowa nta kaw na hka hpawk hpaw pru nna, Shitim kadit hpe madit na ra ai.

BU HKAWM 24:5

Yaku e, na a janghpang ni, Israela e, na a sum ni, gade wa htap nga lit hka!