BU HKAWM 24:3 - Jinghpaw Hanson Version Bible

³ ga shagawp hte shi tsun wu ai gaw, Beora kasha Balam gaw ning nga nga ai, “Shinggan myi htu hpaw ai wa tsun nga ai:

Jinghpaw Common Language Bible 2009

³ up hkang ai hte ndai myihtoi ga hpe tsun shapraw wu ai: “Beora a kasha Balam a mungga ning nga nga ai, Masha tsun ai ga hpe kadai wa asan sha chye lu ai kun? Karai Kasang kaning nga tsun ai hpe kadai wa na lu a ni?

BU HKAWM 24:3 ပူးပေါင်းရင်းမြစ်များ

1 HKAWHKAM 22:17

Shaloi shi gaw, “Sagu rem wa n nga ai sagu ni zawn, Israela masha ni yawng bum ga hkan e bra nga ma ai hpe, ngai mu nngai; Yehowa mung, Ndai ni gaw madu n lu ma ai; langai hte langai tinang a nta de ngwipyaw ai hte nhtang wa manu ga, nga ai,” ngu wu ai.

1 HKAWHKAM 22:19

Bai Mihkaia gaw, “Dai re ai majaw Yehowa a ga madat mara ya u: Yehowa gaw shi a tingnyang hta dung nna, sumsing lamu na zaw nawng zaw wa ni, shi a hkra maga hte pai maga de tsap nga ma ai hpe, ngai mu nngai.

YOBA 29:1

Bai Yoba shi a ga shagawp sharawt nna kahtap tsun ai gaw,

BU HKAWM 22:31

Shaloi Yehowa Balam a myi hpaw ya wu ai rai nna, Yehowa a lamu kasa nhtu shachyen lang let tsap nga ai gaw shi mu wu ai: shaloi shi abaw gum nna dingnyawm dagup nga ai.

BU HKAWM 23:18

Shaloi Balam ga shagawp nna, “Balak du e, rawt u, madat u, Zipora kasha e, nye a ga na la u:

BU HKAWM 23:7

Shaloi Balam ga shagawp nna, “Balak du ngai hpe Aran mung na shaga ni ai, Moba hkawhkam sinpraw bum dinghkung na ngai e woi la ni ai: Shi gaw, Sa rit, nye a matu Yaku hpe matsa ya e, Sa rit, Israela hpe ahkrim ya e, nga nga ai.

BU HKAWM 24:15

Shaloi shi ga shagawp nna, Beora kasha Balam gaw ning nga nga ai, “Shinggan myi htu hpaw ai wa tsun nga ai:

BU HKAWM 24:16

Karai Kasang a mungga na lu nna, Tsaw Htum ai wa a chye chyang ai lam chye ai hte; N-gun chyalai rawng ai wa a shingran mu nna, Myit nawng yawng nna myi hpaw ai wa ning nga tsun ra ai:

BU HKAWM 24:4

Karai Kasang a mungga na lu nna, N-gun chyalai rawng ai wa a shingran mu ai hte, Myit nawng yawng nna myi hpaw ai wa, ning nga tsun ra ai: