BU HKAWM 24:24 - Jinghpaw Hanson Version Bible

²⁴ Rai timung Hkitim zunlawng na sanghpaw li sa nna, Ashuri mung hte Ebera mung hpe hpya kau na maru ai: Shaloi shi mung htum mat ai hkrum na ra ai,” nga nna tsun ngut jang,

Jinghpaw Common Language Bible 2009

²⁴ Shang gasat ai ni Kupru zunlawng kaw na li hte Jawn sa nhtawm, Asuri mung hte Ebera mung hpe dang kau na mara ai. Rai ti mung shanhte mung htani htana hten run mat ai bai hkrum na mara ai.”

BU HKAWM 24:24 ပူးပေါင်းရင်းမြစ်များ

NINGPAWT NINGHPANG 10:4

Yawan a shadang sha ni gaw, Elisha, Tarshi, Kihtim, Dodanim hte rai ma ai.

NINGPAWT NINGHPANG 14:13

Ya dai hta na hprawng lawt lu ai masha langai mi gaw, Hebre masha Abram hpe sa tsun dan wu ai: Abram chyawm gaw Eshhkula yan Anera a kahpu Amuri masha Mamre ngu ai wa a wamyi hpun makau e naw nga nga ai; shanhte gaw Abram hte ga shaka da ai ni rai nga ma ai.

ESAIA 10:12

Dai re ai majaw, Madu gaw, Ziun bum hte Yerusalem ntsa e, shi a magam bungli mahkra hpe shangut nhtawm, Asuri hkawhkam a gumrawng gumtawng ai myit hte, grang nna dap mada ai myi man hpe, ngai kawan katsan yu na we ai.

ESAIA 10:5

Asuri wa e, nye a pawt sindawng ai ri nang rai nga nna, nang lang ai hkawn, nye n-yun bu ai myit rai nga ai.

ESAIA 23:1

Turu mare hta ang ai myihtoi ga: Tarshi sanghpaw li ni e, sharung shayawt mu; nta mung n nga, mashang mung n nga hkra, Turu mare atsai awai hten mat sai; Kihtim mung kaw nna, dai shi na ma ai.

EZEKELA 27:6

Bashan wamyi hpun hte lashap ni galaw ma ai; Kihtim zunlawng na la wa nna, magwi kawng hte hkrep ai chyamka hpun hte, na a li hpe nep ma ai.

Daniela 10:20

Shaloi dai wa gaw, “ngai nang hpang de sa wa ai lam, nang chye na n ni? Persi du hpe hpyen gasat na matu, ya ngai nhtang wa na nngai: dai kaw na pru yang, yu u, Heleni du paw pru na ra ai.

Daniela 11:30

kaning rai nme law, Kitim sanghpaw li ni shi hpe hkum shadang na ra ai: dai majaw shi gaw myit n pyaw let nhtang wa nna, chyoi pra ai ga shaka hpe pawt sindawng ai myit hte shari na ra ai: shing rai shi nhtang wa nna, dai chyoi pra ai ga shaka hpe gumlau kau da ai ni hte jinghku hku na ra ai.

Daniela 11:45

Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

Daniela 2:35

Shing rai, ahpri, ga kagam, magri, gumhpraw hte aja gaw, agrawp mani mat nna, nmut ta chyarang na nbun zawn tai mat ai hte, nbung e ahpawt kau nna, de a matu nga shara n nga ai: dai sumla hpe hkra ai nlung chyawm gaw, galu kaba ai bum tai wa nna, lamu ga ting kapat nga ai hpe, nang mu ndai.

Daniela 2:45

Lata hte n tawk ai nlung langai mi gaw, bum ga de na chyai hkrat wa nna, ahpri, magri, ga kagam, gumhpraw hte aja hpe agrawp mani kau ai, nang mu ai majaw, galu kaba ai Karai Kasang gaw htawm hpang e byin na ra ai lam hkawhkam wa hpe madun dan nu ai: yup mang gaw grin nga ai, ga lachyum gaw teng nga ai,” ngu nna hkawhkam wa hpe tsun dan wu ai.

Daniela 8:21

Mun mazut tu ai namla gaw Heleni hkawhkam rai nga ai: shi a myi lapran e tu ai nrung kaba gaw, shawng na hkawhkam rai nga ai.

BU HKAWM 24:20

Bai Amalek mung de shi mada nna, ga shagawp hte tsun wu ai gaw, Amalek masha ni shawng na amyu rai nga ai, Jahtum e chyawm gaw hten bya hkrum na ra ai, nga ai.

BU HKAWM 24:23

Bai, ga shagawp hte shi tsun wu ai gaw, “Aga! Karai Wa ndai nan shabyin dat yang, kadai wa lawt lu na i?

MAHTE 24:15

Dai rai nna, myihtoi Daniela tsun dan ai jahten shabya ai a matsat shabat gaw, dai chyoi pra ai shara e jung nga ai hpe nanhte mu myit yang gaw, laika hti nga ai wa gaw, myit yu nga u ga;

LUKA 20:24

“Gumhpraw lap mi ngai hpe madun yu mi; gade a sumla hte masat laika kap nga a ta?” ngu nna htan mu yang, shanhte gaw, “Kehta a sumla hte masat rai nga ai,” ngu mu ai.

YAWHAN 11:48

Shi hpe ning di adat da nga ga yang gaw, masha yawng mayawng shi hpe kamsham ma na mara ai rai nna, Roma masha ni mung sa nna, anhte a mungdan hte anhte a amyu hpe kashun la kau na mara ai,” nga ma ai.