BU HKAWM 24:17 - Jinghpaw Hanson Version Bible

¹⁷ Ngai shi e mu se ai, rai timung, ya jang n rai, Ngai shi e yu se ai, rai timung, ani sha n rai: Yaku kaw na shagan langai mi pru nna, Israela hta na hkawhkam sumdoi paw pru na ra ai: Shi gaw Moba njut nnaw hkan du hkra gasat dang nna,

Jinghpaw Common Language Bible 2009

¹⁷ Htawm hpang na lam hpe ngai mada yu, Israela amyu baw hpe ngai mu; htoi tu ai shagan zawn Dai amyu baw hta hkawhkam langai pru na ra ai. Shi gaw wan shingram langai zawn Israela hta na du sa wa na ra ai; Shi gaw Moba ningbaw ni hpe anut kau nna, Shet a amyu ni yawng hpe kayat adup na ra ai.

BU HKAWM 24:17 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

2 SAMUELA 8:14

Edom mung shara shagu hkan e Dawi gaw sin langa hpyen dap tawn da wu ai rai nna, Edom masha ni mahkra gaw Dawi a mayam ni tai nga ma ai. Dawi sa wa ai lam shagu hta Yehowa makawp maga nga ai.

2 SAMUELA 8:2

Moba mung hpe mung shi gasat nna, mung masha ni hpe ga e kaleng tawn nhtawm sumri hte shadawn jahka nna, htam masum na htam lahkawng sat kau wu ai; htammi sha jahkrung da wu ai. Shing rai Moba masha ni mung Dawi kaw yam nna, hkanse bang ma ai.

2 HKAWHKAM 3:5

Ahab si mat ai hpang, Moba hkawhkam Israela hkawhkam wa hpe gumlau wu ai.

1 HKAWHKAM LABAU 18:2

Moba masha ni hpe mung shi gasat dang kau nna, shanhte gaw Dawi a mayam tai let, hkanse bang ma ai.

SHAKAWN KUNGDAWN 110:2

Yehowa gaw na a up hkang na sumdoi, Ziun kaw nna jaw dat na ndai: Nang gaw, nang hpe gumlau ai ni a ka-ang e a up nga u.

SHAKAWN KUNGDAWN 45:6

Karai Kasang e, na a tingnyang htani htana anga nga ai, Na a mungdan a sumdoi dingman ai sumdoi rai nga ai.

ESAIA 15:1

Moba mung hta ang ai Myihtoi ga: kaning rai nme law, lana mi hta sha Moba mung na Ara mare gaw shaza kau ai hkrum nna, marawng marang tai wa sai; lana mi hta sha Moba mung na Kira mare gaw shaza kau ai hkrum nna, marawng marang tai wa sai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

YEREMIA 48:1

Moba hpe lakap nna, Israela Karai Kasang Zaw nawng zaw wa up ai Yehowa ning nga ai: Nebo mare gaw dingnye hkrum sai; dai gaw shingran katsi ai shara tai wa sai; Kiriahtim sum mat nna, kashun kashe hkrum sai; Misgaba sum mat nna, mak mat hkrum sai.

YEREMIA 48:45

Hprawng pru ai ni gaw n-gun yawm ai majaw, Heshbon a shingnip hta shingbyi nga timung, Heshbon kaw na awan, Sihon ka-ang na wan shinglet grung pru nna, Moba mung na njut nnaw hkan e mung, hkru kau wu ai.

ZEHKARIA 10:4

Shi kaw na, njut nlung, hpri maina, hpyen ndan hte, ahkang aya lu ai ni yawng, pru na mara ai.

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

BU HKAWM 21:29

Moba e, nang hta dingnye nga nga ai, Hkemosha amyu e, nang hten mat nit dai; Shi a hprawng htaw wa ai shadang sha ni hte, Bawng dung nga ai shayi sha ni hpe, Amori hkawhkam Sihon a lata hta ap ya nu hka:

BU HKAWM 24:16

Karai Kasang a mungga na lu nna, Tsaw Htum ai wa a chye chyang ai lam chye ai hte; N-gun chyalai rawng ai wa a shingran mu nna, Myit nawng yawng nna myi hpaw ai wa ning nga tsun ra ai:

LUKA 1:78

Shi a amyu hpe hkye hkrang la ai lam chye lu shangun na matu mung, Nsin, hte si ai shingnip kata e dung nga ai ni hpe htoi ya nna,

HEBRE 1:8

Bai, dai Kasha a lam chyawm gaw, “Karai Kasang e, na a tingnyang htani htana anga nga ai; Shi a mungdan a sumdoi, dingman ai sumdoi rai nga ai.

HEBRE 7:14

Gaja wa, anhte a Madu, Yuda amyu hta na paw pru wa sai gaw, dan dan leng leng rai nga ai; dai amyu hpe hkinjawng aya a lam Mawshe gaw hpa mung n tsun da wu ai.

2 PETRU 1:19

Dai rai nna, grau grin wa nga ai myihtoi ga mung, anhte lu sagaw ai; nanhte a myit masin hta e nhtoi leng wa nna, nhtoi gintawng pru wa ai ten du hkra, nsin sin ai shara de htoi tu nga ai pyengdin hpe zawn, dai myihtoi ga hpe nanhte a hkan nang nga na, mai kaja nga ai.

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

1 SAMUELA 14:38

Shaloi Shawlu gaw, “Agyi salang ni nlang hte e, dai ni kadai shut ai chye lu hkra, nang de sit wa yu marit.