BU HKAWM 24:10 - Jinghpaw Hanson Version Bible

¹⁰ Shaloi Balak gaw Balam hpe masin pawt bu nna, lata kahpret let, “Nye a hpyen ni hpe matsa ya rit ga, ngu nna she ngai nang hpe shaga yang me, ya masum lang du hkra shanhte hpe shaman hkrai a shaman ai gaw:

Jinghpaw Common Language Bible 2009

¹⁰ Balak gaw masin pawt ai hte shi a lata ja ja latup let Balam hpe, “Nye a hpyen ni hpe matsa ya na matu ngai nang hpe shaga da nngai; rai ti mung shing di na malai ya nang masum lang shanhte hpe shaman kau ya nit dai.

BU HKAWM 24:10 ပူးပေါင်းရင်းမြစ်များ

NEHEMIA 13:2

Kaning rai nme law, shanhte gaw Israela masha ni hpe muk ntsin hte n hkap tau la ai sha, shanhte hpe dagam na matu, Balam hpe grau mu ai. Rai timung, anhte a Karai Kasang gaw, dagam dala ga hpe shaman ai ga shatai wu ai.

YOBA 27:23

Masha ni shi a lam lahpawk dum nna, jahpoi asawng let shi hpe shachyut kau na mara ai.

EZEKELA 21:14

Masha kasha e, Madu Yehowa ning nga ai, ngu nna myihtoi htoi u: Nhtu, nhtu du ra ai; dai gaw dai ai hte kabrim ai rai nga ai;

EZEKELA 21:17

Masha kasha e, hkrap shabam u; kaning rai nme law, dai nhtu gaw nye a amyu masha ni a ntsa e mung, Israela hkawhkam kasha ni mahkra a ntsa e mung, du ra ai; dai nhtu majaw nye a amyu masha ni hkrit gari ai hkrum ma ai; dai re ai majaw na a magyi hpe kahpret u.

EZEKELA 22:13

“Dai rai nna, yu u, nang mahkawng da ai n tara ai sutgan hte, na a ka-ang e ru kau ai sai majaw, ngai lata kahpret nngai.

BU HKAWM 22:11

Egutu mung na du lung wa ai amyu gaw, lamu ga ting pat rai nga nga ai; dai rai nna, sa rit, nye a matu shanhte hpe matsa ya rit; shing rai yang, shanhte hpe ngai gasat lu nna shachyut kau lu a nhten, nga nna ngai e shaga shangun dat ai rai nga ai,” ngu wu ai.

BU HKAWM 22:17

ngai nang hpe grai di shagrau na de ai: nang hpyi mahpyi ngai jaw na de ai; dai rai nna, sa rit, dai amyu hpe nye a matu sa matsa ya rit, nga ai,” ngu mu ai.

BU HKAWM 22:6

Dai rai nna, dai amyu hpe matsa sat na alawan sa rit; shanhte ngai hta n-gun grau ja ma ai: nang matsa ya yang gawm ngai shanhte hpe dang lu nna, nye a mung na shachyut kau lu hkra gasat lu a nhten: kaning rai nme law, nang shaman ai wa shaman chyeju lu ai mung, nang matsa kau ai wa hta matsa shang lu ai mung, ngai chye nngai,” ngu dat wu ai.

BU HKAWM 23:11

Dai rai nna Balak gaw, “Nang ngai hta hpa hku galaw nga n ta? Nye a hpyen ni hpe matsa ya e, nga nna she ngai nang e shaga yang me, nang gaw shanhte hpe gaja wa shaman ya nit dai,” ngu nna Balam hpe tsun wu ai.

BU HKAWM 24:11

ya na a buga de hprawng wa u: nang hpe ngai grai shagrau na ngu nna myit nngai: rai timung, Yehowa gaw na a arawng jat na lam ban kau ya nit dai,” ngu nna Balam hpe tsun wu ai.

BU HKAWM 24:9

Hkanghkyi hte hkanghkyi kanu zawn, shi hpum let gyem nga ai: Kadai wa shi hpe shatu wam na a ta? Nang hpe shaman ai wa gaw shaman chyeju lu la u ga, Nang hpe matsa ai wa gaw, matsa hkrum sha u ga,” nga ai.

KASA 11:10

shing rai masum lang byin nna, dai yawng hpe sumsing lamu de dawm la wu ai.

TARA JAHPRANG 23:6

Dai re ai majaw, shanhte a ngamai wunli lam, shanhte a sutgan law wa nhpang hta galoi mung shadaw ya lu na n rai.