BU HKAWM 24:1 - Jinghpaw Hanson Version Bible

¹ Israela kashu kasha ni hpe shaman ya na mahtang Yehowa ra nga ai gaw Balam chye wu jang, lawng hpaji tam na matu shawng de sa ai zawn bai n sa ai sha, nam mali de man yawng yu nga ai.

Jinghpaw Common Language Bible 2009

¹ Israela amyu masha ni hpe mahtang shaman ya na matu dai Madu shi hpe ra sharawng nga ai gaw Balam chye wu yang, shawng de lamik kumla wunli sa hpyi ai zawn shi n sa mat wu ai. Shi gaw nam mali de myi man yawng nhtawm,

BU HKAWM 24:1 ပူးပေါင်းရင်းမြစ်များ

BU HKAWM 22:13

Hpang jahpawt Balam gaw rawt nna, “Nanhte tinang buga de bai wa manu; nanhte kaw ngai hkan sa na Yehowa ahkang n jaw ai,” ngu nna Balak a du gyi ni hpe tsun dat mu ai.

BU HKAWM 22:7

Shing rai Moba salang ni hte Midian salang ni gaw, ma-un kumhpa gun let pru sa wa nna, Balam kaw du jang, Balak a ga htawn shana mu ai.

BU HKAWM 23:15

Bai Balam gaw, “Ngai wora de Yehowa hte sa jahkrum ni ga, nang na a wan nat hkungga makau e naw tsap nga la,” ngu nna Balak hpe tsun wu ai.

BU HKAWM 23:20

Yu u, Shaman ya u, nga ai ga ngai lu ni ai; Shi shaman ya nu ai, ngai shabai lu na n rai.

BU HKAWM 23:23

Gaja wa Yaku hpe matsa dat ai hte dang na n rai, Israela hta lawng shang lu na n rai: Karai Kasang shing di nu ai, nga nna, Ya e, Yaku hte Israela a lam kajai na mara ai.

BU HKAWM 23:28

Balak gaw, nam mali de man yawng ai Peora bum pungding de Balam hpe woi lung wu ai.

BU HKAWM 23:3

Bai Balam gaw, “Nang jaw ai wan nat hkungga makau e naw tsap nga la; ngai kaga de naw sa na nngai; Yehowa ngai hpe hkap tau ra nhten; shi ngai hpe madun ai made ngai nang e wa shana na de ai,” nga nna Balak hpe tsun da nhtawm, krin ai kawng langai mi de lung wa wu ai.

BU HKAWM 23:30

Balak mung Balam tsun wu ai hte maren galaw nna, tawn hkungri shagu hta usu langai mi hte sagu la langai ngai nawng ya wu ai.

BU HKAWM 31:16

Yu mu, shanhte Balam daw ya ai hpaji hkan nna, Israela kashu kasha ni hpe Peora lam hta Yehowa a man e shut hpyit shangun mu ai majaw, Yehowa a shawa hpung hta dai ari zinli du ai re.

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

1 SAMUELA 24:20

Ya, yu u, Nang hkawhkam teng teng tai na ra ai mung, Israela mungdan na a lata hta grin na ra ai, ngu nna mung, ngai chye se ai.

1 SAMUELA 26:2

Shaloi Shawlu rawt nna, san da ai Israela masha hkying masum hte rau, Zihpa nam de Dawi hpe tam na nga yu wa ma ai.

1 SAMUELA 26:25

Shaloi Shawlu gaw, “Ngai sha Dawi e, nang a nga nit ga law: rai mung rai lu na nit dai, dang mung dang lu na nit dai,” ngu nna htan wu ai. Shing rai Dawi hkawm mat wa nna, Shawlu mung shi a shara de bai wa ai.