BU HKAWM 23:9 - Jinghpaw Hanson Version Bible

⁹ Lunghkrung ntsa na ngai shi hpe mu se ai, Kawng pungding nna ngai shi hpe yu se ai Amyu dai gaw kaga lak rai nga ai. Amyu gale hta lawm nga ai n rai.

Jinghpaw Common Language Bible 2009

⁹ Tsaw ai lunghkrung ni kaw na ngai shanhte hpe mu nngai; Ngai gaw shanhte hpe kawng ni kaw na mada lu nngai; Shanhte gaw alak mi re ai amyu baw langai mi rai nga ai; Shanhte gaw kaga amyu baw ni hta shaman chyeju grau nna lu la nga ma ai hpe shanhte chye ma ai.

BU HKAWM 23:9 ပူးပေါင်းရင်းမြစ်များ

EZRA 9:2

Kaning rai nme law, dai amyu masha ni a shayi sha ni hpe, tinang a matu mung, kashu kasha ni a matu mung, shanhte hkungran la nna, dai chyoi pra ai amyu gaw, maigan amyu ni hte kayau kaya nga ai hta n-ga, mung du ni hte agyi salang ni, grau nna dai lam hta shut hpyit nga ma ai, nga nna ngai hpe tsun dan mi ai.

ESHTA 3:8

Shing rai Haman gaw hkawhkam Ahasuru hpe, “Na a mungdan a mungdaw amyu ni mahkra hta amyu langai mi hkran nga ai; shanhte a tara gaw kaga amyu mahkra hta shai nga ai; shanhte gaw hkawhkam a tara hpe hkan nang ma ai, n rai: dai re ai majaw, shanhte anga nga na gaw, hkawhkam wa matu akyu nga ai n rai.

PRU MAT 33:16

Kaning rai nme law, ngai hte ndai amyu, na man e myit man pa lu ai gaw, kaning rai chye na a ta? Ngai hte na a amyu, ga ntsa na amyu nlang hte hte shai na gaw, nang anhte hte rau lung wa jang she chye lu na n rai ni?” ngu wu ai.

YEREMIA 46:28

Nye a shangun ma Yaku e, hkum hkrit et; ngai nang hte rau rai nga nngai; nang hpe shachyut dat ai mungdan ni yawng hpe, ngai jahtum kau timung, nang hpe jahtum kau na n rai; rai timung, ngai nang hpe mara n kap ai wa n ngu lu nna, nang hpe ram ram naw shari na de ai, nga nna Yehowa tsun ai.

YEREMIA 49:31

“Rawt mu, asan apan nga nga nna, myit ru myit ra n chye ai amyu, mare chyinghka hte htinggrang n ra ai, shi hkrai nga ai amyu hpang de lung wa mu,” nga nna Yehowa tsun ai.

AMO LAIKA (AMOS) 9:9

Kaning rai nme law, yu mu, ngai htet da nna, n-gu hpe hking hta hking ai zawn, maigan amyu ni hta Israela amyu hpe ngai hking na nngai: rai timung, shingrun tum mi pyi, ga de hkrat na n rai.

MIHKA 7:14

Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

2 KORINHTU 6:17

Dai rai nna, Shanhte a ka-ang na pru nhtawm, Kaga lak lak rai wa mu, nga nna dai Madu tsun nga ai. Awu asin re ai hpe hkum hkra mu, Shaloi ngai nanhte hpe hkap la na made ai.

TARA JAHPRANG 32:8

Tsaw Htum ai Wa gaw amyu ni hpe ninghtawn karan na, Shinggyim masha ni hpe hpajang tawn ai shaloi; Israela amyu ni a nambat sawn nna, Mungkan amyu ni a lamu ga jarit tawn da nu ai.

TARA JAHPRANG 33:28

Shing rai, nai mam hte tsabyi jahku ing ai mung hta e, Israela gaw nga ngwi nga pyaw rai nga nna, Yaku a hka hpawk chyu sha nga nga ai: Rai sa, shi a lamu de na mari hkrat abya nga ai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.