BU HKAWM 23:8 - Jinghpaw Hanson Version Bible

⁸ Karai Kasang n matsa nga ai wa hpe, ngai kaning rai matsa na rai ta? Yehowa n hkrim nga ai wa hpe ngai kaning rai ahkrim lu na rai ta?

Jinghpaw Common Language Bible 2009

⁸ Karai Kasang e n matsa kau ai wa hpe ngai kaning rai matsa lu na rai nga a ta? Dai Madu n daw dan ai si hkrung si htan lam hpe ngai kaning rai tsun daw dan na rai ta?

BU HKAWM 23:8 ပူးပေါင်းရင်းမြစ်များ

GA SHAGAWP 26:2

U tsa gaw pyau hkawm nna, pilan gaw pyen mat wa ai zawn, Kaman e dagam ai ga gaw, byin lu na n rai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

BU HKAWM 22:12

Karai Kasang chyawm gaw, “Nang dai ni hte rau hkan sa lu na n rai; dai amyu hpe nang matsa kau lu na n rai; dai gaw shaman chyeju lu ai amyu rai nga ai,” ngu nna Balam hpe tsun wu ai.

BU HKAWM 22:6

Dai rai nna, dai amyu hpe matsa sat na alawan sa rit; shanhte ngai hta n-gun grau ja ma ai: nang matsa ya yang gawm ngai shanhte hpe dang lu nna, nye a mung na shachyut kau lu hkra gasat lu a nhten: kaning rai nme law, nang shaman ai wa shaman chyeju lu ai mung, nang matsa kau ai wa hta matsa shang lu ai mung, ngai chye nngai,” ngu dat wu ai.

BU HKAWM 23:20

Yu u, Shaman ya u, nga ai ga ngai lu ni ai; Shi shaman ya nu ai, ngai shabai lu na n rai.

BU HKAWM 23:23

Gaja wa Yaku hpe matsa dat ai hte dang na n rai, Israela hta lawng shang lu na n rai: Karai Kasang shing di nu ai, nga nna, Ya e, Yaku hte Israela a lam kajai na mara ai.

BU HKAWM 23:7

Shaloi Balam ga shagawp nna, “Balak du ngai hpe Aran mung na shaga ni ai, Moba hkawhkam sinpraw bum dinghkung na ngai e woi la ni ai: Shi gaw, Sa rit, nye a matu Yaku hpe matsa ya e, Sa rit, Israela hpe ahkrim ya e, nga nga ai.