BU HKAWM 23:4 - Jinghpaw Hanson Version Bible

⁴ Shaloi Karai Kasang Balam hpe hkap tau ai rai nna, Balam gaw, “Ngai tawn hkungri sanit gaw da nna, tawn shagu hta usu langai mi hpe sagu la langai ngai nat nawng se ai,” ngu nna tsun wu ai.

Jinghpaw Common Language Bible 2009

⁴ Karai Kasang hte wa hkrum wu ai. Shaloi Balam gaw shi hpe, “Ngai gaw tawn hkungri sanit gaw da nna, tawn hkungri shagu hta usu langai hte sagu la langai ngai nat nawng se ai,” ngu nna tsun wu ai.

BU HKAWM 23:4 ပူးပေါင်းရင်းမြစ်များ

BU HKAWM 22:20

Shana e Karai Kasang Balam kaw du nna, “Dai masha ni nang hpe shaga ma yang gaw, rawt u, shanhte kaw hkan sa su; rai timung, ngai hkang da ai hku sha galaw lu na rai ndai,” ngu dat wu ai.

BU HKAWM 22:9

Karai Kasang mung Balam kaw du nna, “Ndai nang kaw nga ai ni gaw kadai ni rai ma ta?” ngu nna san wu ai.

BU HKAWM 23:1

Shaloi Balam gaw, “Nang e nye a matu tawn hkungri sanit gaw u; usu sanit hte sagu la sanit mung mazing tawn u,” ngu nna Balak hpe tsun wu ai.

BU HKAWM 23:16

Yehowa mung Balam hpe sa jahkrum nna, shi a n-gup hta ga hti bang ya nhtawm “Ya nang Balak hpang de bai wa nna ning ngu tsun u,” ngu nna hkang dat wu ai.

BU HKAWM 23:3

Bai Balam gaw, “Nang jaw ai wan nat hkungga makau e naw tsap nga la; ngai kaga de naw sa na nngai; Yehowa ngai hpe hkap tau ra nhten; shi ngai hpe madun ai made ngai nang e wa shana na de ai,” nga nna Balak hpe tsun da nhtawm, krin ai kawng langai mi de lung wa wu ai.

BU HKAWM 23:5

Shing rai Yehowa Balam a n-gup hta ga hti bang nhtawm, “Balak hpang de wa nna ning ngu tsun u,” ngu nna hkang dat wu ai.

MAHTE 20:12

Hpang jahtum shang ai ndai ni gaw hkying mi sha chyang ma timung, dai ni tup lit gun hpai ai hte anhte jan ja hkrum sha ai ni hte maren, nang shanhte hpe di mu ai, ngu nna nta madu hpe angun aput mu ai.

LUKA 18:12

bat mi na nhtoi hta lahkawng lang ngai lusha gam nga nngai; ngai lu la mala hta na htamshi hta htammi alu jaw nngai,’ nga nna shi hkrai kaga rai hpyi wu ai.

YAWHAN 16:2

Shanhte gaw tara jawng ni hta nna, nanhte hpe shapraw kau na mara ai: gaja wa nan, nanhte hpe sat kau lu ai wa kadai mung, Karai Kasang a magam hpe gun hpai nngai, nga nna myit la ai aten du wa ra ai.

ROMA 3:27

Dai rai yang gaw, gumrawng shara kanang nga a ta? Dai gaw ban shadang mat sai. Gara tara hte ban shadang mat a ta? magam bungli tara hte rai kun? n rai law, kamsham ai tara hte ban shadang mat sai.

EHPESU 2:9

kadai mung gumrawng shara n nga u ga, magam bungli kaw na mung rai nga ai n rai.