BU HKAWM 23:24 - Jinghpaw Hanson Version Bible

²⁴ Yu u, dai amyu gaw hkanghkyi kanu zawn rawt na ra ai; Hkanghkyi zawn shingkang dat na ra ai: Htim la lu ai shan hpe garai n sha. Kawa tawn ai shan a sai garai n chyu lu lu gaw, shi hpum na ra ai n rai,” nga ai.

Jinghpaw Common Language Bible 2009

²⁴ Israela amyu baw gaw chyalai n-gun rawng ai hkanghkyi langai zawn rai nga ai; Htim amya gang je la lu ai shan garai n sha, kawa sat da ai Shan asai garai n lu lu dingsa shi hpum na n rai.”

BU HKAWM 23:24 ပူးပေါင်းရင်းမြစ်များ

NINGPAWT NINGHPANG 49:27

Ben-yamin gaw kashun kashe sha ai chyahkyawn rai nga ai: Rim la lu ai shan hpe jahpawt e sha nna, Lu la ai lanep shana e karan na ru ai, ngu nna madat tsun da mu ai.

NINGPAWT NINGHPANG 49:9

Yuda gaw hkanghkyi hkalung rai nga ai: Ngai sha e, htim sha ai kaw na nang lung wa wa rai ndai: Hkanghkyi hte hkanghkyi kanu zawn, shi hpum let gyem nga ai: shi hpe kadai wa shatu gwi na a ta?

1 HKAWHKAM 10:20

N-gum kru a maga mi hte maga mi yawng hpawn hkanghkyi shi lahkawng tsap nga ma ai: dai zawn re ai gaw gara mungdan hta mung n galaw yu ma ai.

2 HKAWHKAM LABAU 9:18

Tingnyang de lung wa na matu lakang n-gam kru rai nga nna, tingnyang hte matut ai lagaw kabye shara aja rai nga ai; dung shara maga mi hte maga mi de lata mara shara rawng nna, de a makau e hkanghkyi lahkawng tsap nga ma ai.

SHAKAWN KUNGDAWN 17:12

Shi gaw, shan hpe sha mayu ai hkanghkyi hte, Makoi ai shara e gyem nga ai hkanghkyi hkalung hte, bung nga ai.

GA SHAGAWP 30:30

Dai gaw, dusat yawng hta n-gun grau ja nna, Kadai hpe n yen ai, hkanghkyi;

ESAIA 31:4

Kaning rai nme law, Yehowa ngai hpe ning nga ai: “Hkanghkyi hte hkanghkyi hkalung gaw, magra la ai mang ntsa e nying nga yang, sagu rem ai masha wunawng jahtau marawn timung, shanhte a nsen hpe n hkrit ai hte, shanhte wu ngoi ai hpe n nawn ai hte maren, Zaw nawng zaw wa up ai Yehowa gaw, hpyen gasat na matu, Ziun bum hte dai hte seng ai kawng a ntsa e, yu wa na ra ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

AMO LAIKA (AMOS) 3:8

Hkanghkyi shabam yang, n hkrit ai, kadai nga na rai ta? Madu Yehowa shaga yang, myihtoi n htoi na, kadai wa rai ta?

NAHUM 2:11

Hkanghkyi nhkun hkanghkyi uram ni tam sha ai shara, hkanghkyi la hkanghkyi yi hkalung ni hte rau hkawm nga nna, dai ni hpe n jahkrat lu ai shara gaw, ya kanang rai nga a ta?

NAHUM 2:12

Hkanghkyi la gaw, hkalung ni a matu amya sat kau nna hkanghkyi yi a matu magra sat let, shi a lungpu ni hpe shan hte, shi a nhkun ni hpe si mang ni hte, jahpring da wu ai.

ZEHKARIA 12:6

“Dai aten e ngai gaw, Yuda du ni hpe, hpun sumpum kata e rawng ai wan htung hte, hkauling ka-ang na wan shanan zawn, shatai na nngai: shanhte gaw pai, hkra, grup yin e nga ai masha amyu ni mahkra hpe hkru kau na mara ai: Yerusalem masha ni chyawm gaw tinang a buga ngu ai, Yerusalem mare hta, naw a shanu nga na mara ai.

BU HKAWM 23:25

Shaloi Balak gaw, “Shanhte hpe matsa mung hkum matsa, shaman mung hkum shaman,” ngu nna Balam hpe tsun wu yang,

BU HKAWM 24:17

Ngai shi e mu se ai, rai timung, ya jang n rai, Ngai shi e yu se ai, rai timung, ani sha n rai: Yaku kaw na shagan langai mi pru nna, Israela hta na hkawhkam sumdoi paw pru na ra ai: Shi gaw Moba njut nnaw hkan du hkra gasat dang nna,

TARA JAHPRANG 33:20

Gad hpe gaw, Gad hpe maden dat ai wa gaw, a nga u ga law; Shi gaw hkanghkyi kanu zawn nga nga nna, Lata e sha n-ga baw hpe pyi amya ga kau wu ai.

SHINGRAN 5:5

Dai rai nna, salang ni hta na langai mi gaw, Hkum hkrap et; yu u, Yuda amyu hta na hkanghkyi ngu ai Dawi a aru madung gaw, dai laika hte de a dazik sanit hpe hpaw lu hkra dang kau nu ai, nga nna ngai hpe tsun dan nngai.