BU HKAWM 23:23 - Jinghpaw Hanson Version Bible

²³ Gaja wa Yaku hpe matsa dat ai hte dang na n rai, Israela hta lawng shang lu na n rai: Karai Kasang shing di nu ai, nga nna, Ya e, Yaku hte Israela a lam kajai na mara ai.

Jinghpaw Common Language Bible 2009

²³ Israela amyu baw hpe matsa ai hta lawng hpaji, hpyi lamum hpaji hpa mung shang lu na n rai; Ya chyawm gaw masha amyu ni Israela a lam hpe, ‘Yu mu, Karai Kasang shing di kau nu hka!,’ ngu nna kajai na mara ai.

BU HKAWM 23:23 ပူးပေါင်းရင်းမြစ်များ

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

SHAKAWN KUNGDAWN 31:19

Masha kasha ni a man e, nang hta shingbyi ai ni a matu nang galaw dan nna, Nang hpe hkrit kamyin ai ni a matu nang kyem da ai chyeju gaw, gade wa kaba nga a hka!

SHAKAWN KUNGDAWN 64:9

Shaloi masha mahkra hkrit hkungga let, Karai Kasang a amu hpe shana ya nna, Shi galaw ai hku myit yu na mara ai.

ESAIA 41:4

Dai amu ni hpe hpan hpajang nna galaw da let, masha ban mi hte ban mi npawt kaw nna shaga tawn da ai wa gaw, kadai rai ta? Shawng na wa hte mung, hpang na ni hte mung rau nga ai, ngai Yehowa nan, dai wa rai nga nngai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

EZEKELA 21:21

N-gun dat u; hkra maga de kahtam u; hpyen hkyen u, pai maga de kayin u: na myi man yawng mayawng de kahtam u.

Daniela 9:15

Ya chyawm gaw, na a amyu hpe n-gun ja ai lata hte, Egutu mung na shapraw nna, dai ni rai nga ai hte maren, arawng sadang dan hkung ai, anhte a Karai Kasang Madu e, anhte yubak galaw saga ai, tara n lang ai hku hkan nang saga ai.

MIHKA 7:15

Egutu mung na pru wa ai shani e, nang mu ai hte maren, ngai shanhte hpe mauhpa amu bai madun na nngai.

BU HKAWM 24:1

Israela kashu kasha ni hpe shaman ya na mahtang Yehowa ra nga ai gaw Balam chye wu jang, lawng hpaji tam na matu shawng de sa ai zawn bai n sa ai sha, nam mali de man yawng yu nga ai.

MAHTE 12:25

Shanhte a myit mang ai hku chye ya mu ai majaw, shi shanhte hpe tsun mu ai gaw, “Dinghku brun ai mungdan shagu gaw hten bya mat na ra ai: gara mare, gara nta rai timung, dinghku bra mat wa yang, hking nga lu na n rai.

MAHTE 12:27

Ngai chyawm gaw Bezebula hte sha nat ni hpe shaden kau mawe ai rai yang gaw, nanhte a kasha ni kadai wa hte shaden kau nga ma ta? Dai majaw shanhte gaw nanhte hpe tara dara ai agyi ni tai na mara ai.

MAHTE 16:18

Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.

YAWHAN 11:47

Dai rai nna hkinjawng agyi ni hte Hparishe ni gaw, du salang ni hpe shaga jahpawng nhtawm, “Anhte kaning re ai rai nga ga ta? dai wa gaw lamik kumla law law madun dan nga ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 15:12

Shaloi shawa hpung ting atsin sha nga nna, Barnaba yan Pawlu, shan a lata hte maigan amyu ni hta, Karai Kasang kaning re ai lamik kumla hte mauhpa amu shabyin ya ai lam ni hkai dan ai ga, madat nga ma ai.

KASA 4:16

“Ndai yan hpe kaning di na rai nga ga ta? shan a lata hte dan hkung ai lamik kumla langai mi byin wa sai gaw, Yerusalem e nga ai ni nlang a man e dan dan pra pra rai wa sai rai nna, anhte mung ndang shara n mu sagaw ai.

KASA 5:12

Ya kasa ni a lata hta lamik kumla hte mauhpa amu law law wa, mung masha ni a man e byin dan nga ai; dai ni nlang myit langai sha hte, Shawlumon mying ai jarawp hta nga nga ma ai.

KASA 5:14

kamsham ai numsha lasha hpung kaba, dai Madu kaw jat bang wa ma ai:

ROMA 16:20

Ngwipyaw ai a npawt Karai Kasang gaw, gade n na yang, nanhte a lagaw npu e Satan hpe kabye arin na ra ai. Anhte a Madu Yesu a chyeju gaw nanhte hte rau anga nga u ga law,

TARA JAHPRANG 3:24

‘Yehowa Madu e, Nang gaw na a mayam hpe na a galu kaba ai hte, na a n-gun ja ai lata madun hpang nit dai: nang zawn daru magam bungli hte hpung shingkang amu shapraw lu ai Karai Kasang gaw, sumsing lamu hte ginding aga ntsa e kadai wa nga a ta?

YAWSHU 13:22

Beora a kasha lakle sara Balam hpe mung, Israela kashu kasha ni gaw, dai ni hte rau, nhtu hte sat shalawm kau mu ai,

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.