BU HKAWM 23:22 - Jinghpaw Hanson Version Bible

²² Karai Kasang Egutu mung na shanhte hpe shaw nna, Israela gaw dumbau zawn n-gun ja nga ai:

Jinghpaw Common Language Bible 2009

²² Karai Kasang gaw shanhte hpe Egutu mung kaw na woi shapraw wa nu ai; Shi gaw dumbau zawn shanhte a matu gasat malan ya nga ai.

BU HKAWM 23:22 ပူးပေါင်းရင်းမြစ်များ

SHAKAWN KUNGDAWN 22:21

Hkanghkyi a n-gup na ngai hpe hkye la ya e, Rai sa, hpawlam a nrung kaw nna pyi, nang ngai hpe htan ya nit dai,

SHAKAWN KUNGDAWN 68:35

Karai Kasang e, na a htingnu ni hta, Hkrithpa wa nang rai nga ndai; Israela Karai Wa gaw shi a amyu hpe, N-gun lagaw hte atsam kaba jaw wu ai: Karai Kasang gaw, a nga u ga law.

SHAKAWN KUNGDAWN 92:10

Nye a nrung hpe chyawm gaw, Hpawlam a nrung zawn, nang shatsaw da nna, Namman nnan hte ngai hpe chya ya ni ai.

PRU MAT 12:41

Dai mali tsa e sumshi ning du ai shani hta nan, Yehowa a wunawng wuwa ni Egutu mung hta na pru wa ma ai.

PRU MAT 12:51

Dai shani hta nan Yehowa gaw Israela kashu kasha hpung wunawng wuwa ni hpe, Egutu mung na shapraw wa wu ai.

PRU MAT 14:18

Shing rai Hpara-u hte shi a hpyen leng ni, shi a gumra jawn ai ni hta nye a hpung shingkang dan hkung nga ai shaloi, ngai Yehowa rai nga nngai gaw, Egutu masha ni chye na mara ai, ngu wu ai.”

PRU MAT 20:2

“Ngai gaw, Egutu mung hte mayam tai nga ai nta na nang hpe shapraw la ai, na Karai Kasang Yehowa rai nga nngai.

PRU MAT 9:16

rai timung nye a ningsam nang hta dan lu na hte, nye a amying ningsang ga ntsa ting hta kajai gumhkawng nga u ga, ngu nna sha ngai nang hpe sharawt da sade ai:

ESAIA 34:7

shanhte hte hpawn hpawlam ni, usu ni hte utang ni kadawng taw nna, shanhte a lamu ga gaw asai hte nang nna, ga nhpu gaw sau man hte sau na ra ai.

BU HKAWM 22:5

Ya Balak gaw, Beora kasha Balam hpe shaga na matu, dai wa a amyu masha ni a nga ai mung na Hka makau e nga ai Petora mare de kasa shangun dat nna tsun dat wu ai gaw, “Yu u, Egutu mung na du lung wa ai masha amyu mi nga nga ai: shanhte ga ting pat rai nna nye a makau e but nga ma ai.

BU HKAWM 24:8

Karai Kasang Egutu mung na shi hpe shaw nna, Israela gaw dumbau zawn n-gun ja nga ai: Shi hpe hpyen ai amyu ni hpe sha kau nna, Shanhte a nra ni hpe agrawp kau na wu ai; Shi a pala ni hte gap dinghkren kau na wu ai.

TARA JAHPRANG 33:17

Shi hta shawng hkrat ai usu gaw arawng sadang rai nga ai; Shi a nrung hpawlam nrung rai nga lu ai: Dai hte, masha amyu ni hpe lamu ga htum hkra, shachyut daru kau na mu ai. Dai ni gaw Ehprim a mun sen ni rai nga ma ai, Shanhte gaw Manashe a hkying mun ni rai nga ma ai.

YAWSHU 2:10

Kaning rai nme law, Egutu mung na nanhte pru wa ai shaloi, Nawng Hkyeng hka hpe Yehowa shahkyet kau ai hte, Yawdan hka wora hkran e nanhte atsai awai hpya kau ai Amori hkawhkam Sihon yan Oga hpe nanhte di ai amu lam ni anhte na saga ai.