BU HKAWM 23:21 - Jinghpaw Hanson Version Bible

²¹ Yaku hta yubak shi n mu wu ai, Israela hta mara shagun na n lu wu ai: Shi a Karai Kasang Yehowa shi hte rau rai nga ai, Hkawhkam garu ai nsen shanhte hta pru nga ai.

Jinghpaw Common Language Bible 2009

²¹ Israela a du na ra ai aten e, shi hta n kaja ai lam hte Ru yak tsin-yam tsindam dingbai dingna hpa mung du shang wa na n rai nga ai hpe ngai tau chye da se ai. Dai Madu shanhte a Karai Kasang gaw shanhte hte rau rai nga ai; Shi gaw shanhte a Karai Kasang rai nga ai nga nna shanhte tsun garu ma ai.

BU HKAWM 23:21 ပူးပေါင်းရင်းမြစ်များ

2 HKAWHKAM LABAU 13:12

Yu mu, Karai Kasang anhte a hpaawn wa rai nga nna, shi a hkinjawng ni mung pahtau dum let nanhte hpe shadum na nga, anhte hta rai nga ma ai. Israela masha ni e, kaji kaw ni a Karai kasang Yehowa hpe hkum dai myit, hkap daw yang sum na myit dai ngu mu ai.

SHAKAWN KUNGDAWN 103:12

Sinpraw maga gaw, sinna maga hte tsan nga ai hte maren, Shi anhte a yubak hpe anhte hte shatsan kau ya mi ai.

SHAKAWN KUNGDAWN 118:15

Dinghpring ai ni a sum ni hta e, Kabu gara ai hte hkye hkrang la ai nsen ngoi nga ai: Yehowa a hkra lata gaw nlaw nga ai.

SHAKAWN KUNGDAWN 135:21

Yerusalem mare hta e, dung nga ai Yehowa gaw, Ziun hta e, a nga u ga law! Halelu-Yah.

SHAKAWN KUNGDAWN 23:4

Si ai hkaraw a shingnip hta e ngai hkawm sa wa timung, Nang ngai hte rau nga nga ai majaw, Ngai aru ara hpe n hkrit nngai: Na a sumdoi hte na a dawhkrawng gaw, ngai hpe shapyaw ya nga ai.

SHAKAWN KUNGDAWN 32:2

Yehowa e mara n shagun nna, shi a wenyi hta ra n rawng ai wa gaw, a nga ai.

SHAKAWN KUNGDAWN 32:5

Shaloi ngai gaw nye a yubak nang hpe madun dan nna, Nye a mara hpe makoi da nngai n rai: “Ngai shut hpyit ai lam Yehowa hpe ngai nem kau na,” ngai a tsun nga nna, Nang gaw nye a yubak mara hpe raw kau ya nit dai. [Selah.]

SHAKAWN KUNGDAWN 46:11

Zaw nawng zaw wa up ai Yehowa anhte hte rau nga nga ai. Yaku a Karai Kasang gaw anhte a langchyi rai nga ai. [Selah.]

SHAKAWN KUNGDAWN 46:7

Zaw nawng zaw wa up ai Yehowa, anhte hte rau nga nga ai, Yaku a Karai Kasang gaw anhte a langchyi rai nga ai. [Selah.]

SHAKAWN KUNGDAWN 97:1

Yehowa gaw Hkawhkam rai nga ai; Ginding aga kabu jahtau nga u ga; Zunlawng law law ni mung, kabu gara nga mu ga.

SHAKAWN KUNGDAWN 99:2

Yehowa gaw Ziun hta e kaba nga ai rai nna, Amyu baw shagu a ntsa e grau tsaw nga ai.

PRU MAT 13:21

Shani shana shanhte sa lu hkra Yehowa gaw, shani e lam madun na matu sumwi shadaw hte, shana e htoi ya na matu wan shadaw hte shanhte a shawng e sa wa wu ai:

PRU MAT 3:12

Bai Karai kasang gaw, “Ngai nang hte rau teng teng nga na ring ngai; ngai nang hpe shangun dat ai kumla gaw, Dai amyu hpe Egutu mung na nang shapraw wa nhtawm, ndai bum hta e nanhte Karai Kasang hpe naw jau lu ai rai na ra ai,” ngu wu ai.

PRU MAT 34:9

“Madu e, ngai na a man e myi man pa ni ai rai yang gaw, nang Madu anhte hte rau sa wa ga law; ndai amyu du ja ai amyu rai nga timung, anhte a shut hpyit ai hte yubak mara dat kau ya nna, anhte hpe na a sali wunli matu woi tawn da mi law,” ngu nna hpyi wu ai.

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 12:6

Ziun bum hta shanu ai jan e, na a ka-ang e Israela Chyoi pra ai Wa gaw galu kaba nga ai majaw, garu jahtau u, kabu ninglaw u,” nga nna tsun na ra ai.

ESAIA 33:21

Dai yang e, daru magam rawng ai Yehowa anhte hte rau rai nga nna, dam lada ai hka nu hka hkawng ni a malai tai na ra ai: lashap shap ai li gaw, dai de shang na n rai, daru magam sanghpaw li mung, dai de lai lu na n rai.

ESAIA 33:22

Kaning rai nme law, Yehowa gaw anhte a tara agyi rai nga ai; Yehowa gaw anhte hpe tara jaw ai wa rai nga ai; shi anhte a hkawhkam rai nga ai: shi anhte hpe hkye hkrang la na ra ai.

ESAIA 38:17

Yu u, ngwipyaw lu la hkra, ngai ru tsang grai hkrum nngai; Nye myit masin hpe nang tsawra ndai majaw, hten byak nhkun kaw na dai hpe shaw la nu ai; Nye a yubak yawng, nang na a shingdu de kabai kau nu ai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 8:10

Hpaji daw mu, dai gaw byak mat na ra ai; hpajang da mu, dai gaw grin lu na n rai: kaning rai nme law, Karai Kasang anhte hte rau rai nga ai.

YEREMIA 50:20

Ndai shani, ndai aten e, Israela a shut hpyit ai hpe sawk yu timung, hpa n nga na sai; Yuda a yubak hpe tam timung, n mu na ra ai; kaning rai nme law, ngai ngam tawn da ai ni a yubak hpe, ngai raw dat kau na nngai,” nga nna Yehowa tsun ai.

EZEKELA 48:35

Shing rai mare grup yin shadawn yang, nren mun mi hkying matsat rai na ra ai: dai shani kaw nna, dai mare hpe, Yehowa dung ai mare,” nga nna mying na ra ai.

YOELA 2:27

Dai hta n-ga, ngai gaw Israela amyu ka-ang e rai nga ai mung, ngai nanhte a Karai Kasang Yehowa rai nga nna, ngai hta shaje n nga ai mung, nanhte chye lu na marin dai: nye a amyu masha ni mung, htawm hpang de kaya kahpa galoi n hkrum na masai.

JAW JAU 9:24

Yehowa kaw na wan pru nna tawn hkungri na wan nat hkungga hte sau man ni hpe hkru kau wu ai: shing rai byin wa ai hpe amyu masha ni mu jang, shanhte jahtau garu nna dingnyawm dagup nga ma ai.

BU HKAWM 14:18

rai nga ai hte maren, nang Madu a hpung shingkang galu kaba nga u ga:

BU HKAWM 14:19

na a galu kaba ai matsan dum myit hte mung, Egutu mung na ndai amyu hpe shapraw wa ai kaw nna ya du teng shanhte a mara raw dat kau ya nga ndai hte maren mung, ndai amyu a mara ya bai naw raw dat kau ya u,” ngu nna hpyi nem wu ai.

BU HKAWM 16:3

shanhte gaw Mawshe yan Arun kaw sa hpawng nna, “Nan gaw nau wa rai myit dai; dai shawa hpung ting na ni chyawm gaw chyoi pra ai hkrai rai nga ma ai; Yehowa mung shanhte hte rau rai nga ai: dai rai nna nan gaw Yehowa a shawa hpung ntsa e hpa rai tinang hkum shagrau la nga myit ta?” ngu mu ai.

BU HKAWM 9:22

Ni ni sha rai timung, shata mi rai timung, shaning ting rai timung, sumwi dai sumpan sum ntsa e ajung nga dingsa, Israela kashu kasha ni gaw bu lam n hkawm ai sha, but de nga ma ai: sumwi dawm mat wa jang, shanhte hkawm sa wa ma ai.

MAHTE 1:23

Shi gaw, “Yu u, dai hkawnsek gaw na-um nasin rai wa na rai nna, shadang sha shangai na ra ai, Shi a amying, Emanuela shamying ya na maru ai,” nga ai: de a ga lachyum, “Karai Kasang anhte hte rau rai nga ai,” nga ai re ai.

ROMA 6:14

Kaning rai nme law, nanhte gaw jep ai tara npu e n rai, chyeju npu e rai nga myit dai majaw, yubak gaw nanhte a ntsa e madu lu na n rai.

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

2 KORINHTU 2:14

Rai timung, anhte hpe Hkristu hta tutnawng e padang manau hta nlaw shangun nna, shi a chye chyang ai manam pyaw bat anhte a lata hte shara shagu hkan e shapraw shadan ai Karai Kasang gaw, a nga u ga law.

2 KORINHTU 5:19

Karai Kasang gaw Hkristu hta nga let, mungkan ga hpe shi hkum lala hte htinglu htinglai ya nga ai; shanhte a mara gaw shi shanhte hpe n shagun ya mu ai rai nna, dai htinglu htinglai ya ai mungga gaw anhte hta e tawn da ya ma ni ai.

2 KORINHTU 6:16

Karai Kasang a nawku ai htingnu gaw, gawngngu sumla ni hte rau kaning rai kahtep lu na a ta? Kaning rai nme law, Ngai shanhte a kata de shanu nga nna ginrun nga na hte, Shanhte a Karai Kasang ngai tai na nngai rai nna, Shanhte gaw nye a amyu tai na mara ai, nga nna Karai Kasang tsun dan nga ai hte maren, ahkrung nga ai Karai Kasang a nawku ai htingnu gaw, anhte rai nga ga ai.

TARA JAHPRANG 31:23

Nun a kasha Yawshu hpe mung, “N-gun da ting u, myit nden shaja u; ngai dagam da ai mungdan de Israela kashu kasha ni hpe nang woi shawn na rai ndai; nang hte rau ngai nga nga na ring ngai,” ngu nna hkang da wu ai.

TARA JAHPRANG 32:5

Shanhte hten byak masai, shi a kasha n rai, Agang chyalang kap ai hkrai rai ma ai; Myit manai ai hte magaw ai amyu rai ma ai.

TARA JAHPRANG 33:5

Amyu lakung ni a du gyi ni hte, Israela amyu ting rau hpawng nga ai shaloi, Yeshurun hta shi hkawhkam rai nga ai.

TARA JAHPRANG 9:24

Ngai she mu mu ai kaw nna nanhte Yehowa hpe gumlau hkrai gumlau myit dai.

TARA AGYI 6:13

Gidon chyawm gaw, “Nye a Madu e, Yehowa anhte hte rau nga nga ai rai yang gaw, hpa majaw ndai hte chyum ai hkrum a ta? Yehowa anhte hpe Egutu mung na shaw la sai n rai ni? nga nna anhte a ji wa ni hkai dan ai mauhpa amu yawng mayawng gaw, ya kanang rai wa sata? ya e Yehowa anhte hpe kau da nna, Midian masha ni a lata hta ap kau ma ni ai n re hka,” ngu wu ai.

1 SAMUELA 25:28

Na a mayam jan a mara hpe sharang kau ya e: nye a madu nang, Yehowa a hpang maga majan gasat ndai majaw, na nta teng teng grin wa na ra ai: na a prat tup, nang hta mara shagun shara mung n rawng na ra ai.