BU HKAWM 23:19 - Jinghpaw Hanson Version Bible

¹⁹ Karai Kasang masu na gaw, shi masha n rai, Myit malai lu na gaw masha kasha n rai: Tsun kau ngut sayang, n shagrin ai nga na a ni? Ndat da ngut sayang, n shatup ai nga na a ni?

Jinghpaw Common Language Bible 2009

¹⁹ Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

BU HKAWM 23:19 ပူးပေါင်းရင်းမြစ်များ

NINGPAWT NINGHPANG 26:3

ya nang nga ai ndai mung hta anga nga u; shaloi ngai nang hte rau anga nga nna, nang hpe shaman ya na de ai: kaning rai nme law, nang hte na a amyu matu ni hpe ndai mung ting ngai jaw na made ai; na nwa Abraham hpe ngai dagam ai ga nga nga ai hte maren ngai shatup na we ai.

NINGPAWT NINGHPANG 28:15

Yu u, ngai nang hte rau rai nga nngai; nang hkawm sa wa ai lam shagu de ngai hkan pau nga na ring ngai; ndai mung de ngai nang hpe bai woi wa na de ai: nang hte ngai shaka da ai ga n tup tup gaw, ngai nang hpe kau da na n rai,” ngu nna tsun wu ai.

1 HKAWHKAM 14:11

Yeroboam hte seng ai wa mare hkan e si yang, gwi ni e sha kau ai hkrum na ma rai ai; pa hkan e si yang, ntsa malen u ni e sha kau ai hkrum na mara ai: ndai lam Yehowa tsun da sai.

2 HKAWHKAM 15:12

Ning rai byin ai lam, Yehowa gaw, “Na nshu nsha ni prat mali du hkra, Israela tingnyang hta dung nga na mara ai,” nga nna Yehu hpe htawn tsun ai ga, dik wa na lam rai nga ai.

2 HKAWHKAM 7:2

Hkawhkam wa shamyet shanat nga ai hkringmang wa mahtang, “Yehowa gaw sumsing lamu hta e hkuwawt hku waw da yang pyi, dai lam byin lu na a ni?” ngu nna Karai Kasang a masha wa hpe htan wu yang, shi gaw, “Yu u, nang gaw na a myi hte nan mu lu timung, n sha lu na ndai,” ngu wu ai.

1 HKAWHKAM LABAU 17:17

Dai gaw Karai Kasang e, na a man e amu kaji naw rai nga ai: rai timung, Karai Kasang Yehowa e, na mayam a nta hta htawm hpang e byin na ra ai lam ni, nang tsun dan nna, ngai hpe hpung rawng ai wa zawn nawn da n hka!

SHAKAWN KUNGDAWN 110:4

Yehowa dagam da ndai gaw: “Nang gaw Melhkizekek a hkringhtawng lam hte maren, Htani htana hkinjawng rai nga ndai,” ngu ndai rai nna, myit bai kayin na n rai.

SHAKAWN KUNGDAWN 132:11

Yehowa gaw Dawi hpe teng teng dagam da nna, Dai hta na nhtang wa na n rai: Na a aru arat hpe tingnyang hta e, ngai shadun na nngai:

SHAKAWN KUNGDAWN 77:9

Karai Wa gaw matsan dum na malap kau a ni? Masin pawt let shi a sumnung ai myit hpe, Dawm la kau na nu ni? [Selah.]

SHAKAWN KUNGDAWN 89:34

Nye a ga shaka hpe ngai n wu kau nna, Nye a n-gup ga hpe shabai la na we ai n rai.

SHAKAWN KUNGDAWN 89:35

Nye a chyoi pra ai hte ngai lang mi dagam se ai; Dawi hpe ngai hkalem kau na we ai n rai.

ESAIA 21:17

naw ngam nga ai ndan gap ai share ni hte, Kedera a kashu kasha ni a daru ni gaw, n law mat na mara ai,” nga ai: da ndai gaw Israela Karai Kasang Yehowa tsun ai lam rai nga ai.

ESAIA 31:2

Shi mahtang nyan rawng nna, nni nkri jahkrum na ra ai; shi a ga shabai la na n rai; n hkru n hkra ai amyu hpe mung, tara n hkan ai ni, sa karum na mung, hkap shadang na ra ai.

ESAIA 40:8

Tsingdu hkraw mat nna, nampan nyui mat nga ai; anhte a Karai Kasang a mungga chyawm gaw, htani htana grin nga na ra ai.

ESAIA 46:11

sinpraw maga na u matse, sumtsan mung na ngai san da ai wa hpe, ngai shaga ni ai: gaja wa, ngai mungga tsun da nngai, ngai dai hpe shabyin na we ai; ngai myit shatawng da nna, dai hpe galaw na we ai, nga nna ngai tsun nngai.

ESAIA 55:11

nye n-gup kaw na pru ai mungga mung, dai hte maren tai na ra ai: dai gaw ngai hpang de kaman nhtang wa na n rai; ngai ra ai hku shadik ya na ra ai; ngai shangun ai amu hta, awng wa na ra ai.

YEREMIA 4:28

Shing rai lamu ga sharung shayawt nna, sumsing lamu chyang mat na ra ai: dai gaw nye a mungga rai nga ai; dai lam ngai myit shatawng da nna, myit malai nga ai, n rai; ngai dai n galaw ai, nga na n rai.

Daniela 4:28

Ya dai lam yawng mayawng hkawhkam Nebuhkadneza ntsa e du ra ai.

HOSEA 11:9

Ngai gaw masin pawt kahtet ai hte maren, n dawdan mayu nngai; Ehprim hpe shamyit kau na, ngai nhtang wa na nngai, n rai: kaning rai nme law, ngai gaw masha n rai, Karai Kasang rai nga nngai: na a ka-ang e shanu nga ai Chyoi pra Htum ai wa, ngai rai nga nngai; ngai gaw n-yun bu ai hte du na n rai.

MIHKA 7:20

Moi chyaloi nhkoi kaw nna, anhte a ji wa ni hpe dagam da ai hte maren, nang gaw, Yaku hta kangka re ai lam, Abraham hta tsawra matsan dum ai lam, naw shadik da na ndai.

HABAKU 2:3

Kaning rai nme law, ndai shingran gaw, ndat da ai aten hte seng nna. dik wa na matu, lawan nga ai hte, masu na n rai: ganung nga yang rai timung, ala nga u; dai gaw teng teng du na ra ai; hpang hkrat na, n rai.

MALAHKI 3:6

Kaning rai nme law, ngai Yehowa gaw galai mat lu ai, n rai: dai re ai majaw, Yaku a kashu kasha ni e, nanhte htum mat ai, n rai.

BU HKAWM 14:35

Ngai Yehowa ning nga nga nngai: gaja wa teng teng ngai hpe gumlau ai, ndai n hkru ai shawa hpawng hpe shing di na we ai; ndai nam mali hkan e shanhte si mat na masai; ndai yang e nyawp mat na masai, nga ai, ngu mu,” ngu wu ai.

BU HKAWM 23:18

Shaloi Balam ga shagawp nna, “Balak du e, rawt u, madat u, Zipora kasha e, nye a ga na la u:

LUKA 21:33

Sumsing lamu hte ginding aga lai mat wa timung, nye a ga gaw n lai mat na li ai.

ROMA 11:29

Karai Kasang a chyeju kumhpa ni hte shaga la ai lam chyawm gaw, myit dawm la shara n nga lu ai.

ROMA 9:6

Rai timung, Karai Kasang a mungga gaw kaman be be zawn tai wa sai n rai. Kaning rai nme law, Israela amyu yawng hte wa, Israela masha majing n rai ma ai:

2 TIMOHTI 2:13

anhte kangka n rai lu timung, shi gaw kangka rai nga ai; kaning rai nme law, shi gaw shi hkum dai ndang kau lu ai n rai.

TITU 1:2

Karai Kasang a mayam hte, Yesu Hkristu a kasa tai nga ai, ngai Pawlu gaw, makam masham lam rau sha hkan ga ai majaw, ngai Sha majing re ai, Titu hpe, ga shana dat nngai.

HEBRE 6:18

shing rai, Karai Kasang gaw galoi mung n masu kau lu ai, tut agrin nga ai lam lahkawng a majaw, anhte a man e tawn da ai myit mada shara hta manoi nga lu hkra, shingbyi shingwung shara de hprawng wa ai ni ngu ai, anhte a matu mara, ngang ngang kang kang re ai shalan shabran ai lam rai nga ai.

HEBRE 7:21

Yesu chyawm gaw, “Dai Madu dagam nhtawm, myit bai kayin na n rai. Nang gaw htani htana hkinjawng rai nga ndai,” nga nna shi hpe sha-ang tsun ai dagam ai wa a ga majaw, hkinjawng aya lu la nu ai rai nna,

YAKU 1:17

Kaja ai kumhpaw nlang hte hte, hkum hkum re ai kumhpa yawng hte gaw, ntsa de nna rai nga ai hte, nhtoi hkum ni a Kawa kaw na yu hkrat wa ai rai nna, shi hta e gale galau re ai hte kayin kaye re ai shingnip rawng nga lu ai n rai.

YAKU 4:5

Dai hta kaga, anhte hta e bang rawng da ai Wenyi gaw, manawn masham du hkra myit marin nga ai kun? nga nna Chyum laika tsun ai gaw, kaman rai nga ai, nanhte nawn da mu ni?

YAWSHU 21:45

Yehowa Israela masha ni hpe tsun da ai chyeju lam langai mi muk yawm ai n rai: yawng mayawng byin tup wa sai.

1 SAMUELA 15:29

Dai hta n-ga, Israela Daru shingkang magam gaw, masu chye ai n rai, myit galai chye ai n rai; myit galai bai lu na gaw, shi shinggyim masha n rai,” ngu wu ai.

1 SAMUELA 3:12

Dai shani e, Eli nta masha ni hpe ngai te nna tsun matsun hte maren, npawt nna ndung hkren ngai shapraw na we ai.