BU HKAWM 23:13 - Jinghpaw Hanson Version Bible

¹³ Bai Balak gaw, “Sa rit, dai amyu hpe mu lu ai shara kaga de ngai hte rau htawt rit; shanhte mahkra hpe mu lu na n rai, shanhte a shingnawm daw sha mu lu na ndai: dai yang e nye a matu shanhte hpe matsa ya e,” nga nna

Jinghpaw Common Language Bible 2009

¹³ Dai hpang Balak gaw Balam hpe, “Israela masha nkau mi hpe sha nang mu lu na shara kaga de ngai hte rau htawt sa wa ga. Dai yang kaw na, nye a matu shanhte hpe matsa ya e,” ngu nna tsun wu ai.

BU HKAWM 23:13 ပူးပေါင်းရင်းမြစ်များ

1 HKAWHKAM 20:23

Suri hkawhkam a ali ama ni mahtang hkawhkam wa hpe, Shanhte a Hpara gaw bum ga na Hpara rai nga ai; dai re ai majaw shanhte anhte hpe dang kau mi ai: rai timung, layang ga e gasat ga; dai rai yang she, anhte shanhte hpe dang kau lu n gaw ai.

1 HKAWHKAM 20:28

Shaloi Karai Kasang a masha wa gaw Israela hkawhkam hpang de sit sa nna, Yehowa ning nga ai: “Yehowa gaw bum ga na Hpara rai nga ai, layang ga na Hpara n rai nga ai law, nga nna Suri masha ni tsun shajang ma ai majaw, ngai gaw Yehowa rai nga nngai, nanhte chye lu hkra, ndai masha wunawng wuwa kaba hpe na a lata hta ngai ap da na we ai,” ngu nna htawn tsun wu ai.

SHAKAWN KUNGDAWN 109:17

Rai sa, shi gaw dagam na lam tsawra nna, dai gaw shi hpang de, bai nhtang nga ai; shaman ai lam n tsaw ai majaw, dai gaw shi hte tsan gang nga ai.

MIHKA 6:5

Nye a amyu e, Moba hkawhkam Balak hpaji daw ai hte, Beora kasha Balam shi hpe htan ai ga, dum u; Yehowa a dinghpring ai amu chye lu hkra, Shitim hte Gilgala lapran e byin ai lam hpe, dum u.

BU HKAWM 22:41

Hpang jahpawt e Balak gaw Balam hpe Bala hpara hte seng ai tsaw ai kawng ni de woi lung wu ai rai nna, shi gaw dai kaw nna Israela amyu mahkra hpe mada mu wu ai

BU HKAWM 22:6

Dai rai nna, dai amyu hpe matsa sat na alawan sa rit; shanhte ngai hta n-gun grau ja ma ai: nang matsa ya yang gawm ngai shanhte hpe dang lu nna, nye a mung na shachyut kau lu hkra gasat lu a nhten: kaning rai nme law, nang shaman ai wa shaman chyeju lu ai mung, nang matsa kau ai wa hta matsa shang lu ai mung, ngai chye nngai,” ngu dat wu ai.

BU HKAWM 23:12

Balam gaw, “Yehowa nye a n-gup hta hti bang ai ga tsun lu hkra, ngai n sadi na rai ni?” ngu nna htan wu ai.

BU HKAWM 23:14

Pisga bum ntsa Zahpim pa de woi sa wa nhtawm, tawn hkungri sanit gaw ngut jang, tawn shagu hta usu langai mi hte sagu la langai ngai nat nawng wu ai.

YAWSHU 24:9

Shaloi Moba hkawhkam, Zipora kasha Balak mung rawt nna, Israela hpe gasat wu ai: nanhte hpe matsa sat na matu mung, Beora kasha Balam hpe shaga wu ai: