BU HKAWM 22:8 - Jinghpaw Hanson Version Bible

⁸ Shaloi Balam gaw, “Dai na nang e naw nga nga mu; Yehowa ngai hpe tsun na ra ai hte maren ngai tsun dan na made ai,” ngu wu ai: Moba du gyi ni mung Balam kaw nga nga ma ai.

Jinghpaw Common Language Bible 2009

⁸ Balam gaw shanhte hpe, “Lana mi sha gaw nang e nga shalai kau mu, dai Madu ngai hpe tsun ai hte maren hpawt de rai jang ngai nanhte hpe tang madun na mawe ai,” ngu nna tsun wu ai. Shingrai Moba ningbaw ni mung Balam hte rau hkring nga ma ai.

BU HKAWM 22:8 ပူးပေါင်းရင်းမြစ်များ

1 HKAWHKAM 13:8

Karai Kasang a masha wa chyawm gaw, Yehowa shi a mungga hte, Nang muk mung sha lu na ndai n rai, ntsin mung lu lu na ndai n rai, nang sa wa ai lam hku bai nhtang wa lu na ndai n rai, nga nna ngai hpe hkang da ai majaw,

1 HKAWHKAM 22:14

Mihkaia gaw, “Yehowa hkrung nga ai hte maren, Yehowa ngai hpe tsun ai hte sha ngai htawn tsun na nngai,” ngu wu ai.

YEREMIA 12:2

Nang shanhte hpe hkai da nna, shanhte ru jung ma ai; shanhte kaba wa nna asi si ma ai: nang gaw shanhte a n-gup hte ni nna, shanhte a myit masin hte tsan nga ndai.

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

BU HKAWM 12:6

Shaloi Yehowa gaw, “Nye a ga madat yu mu: nanhte hta myihtoi nga ai rai yang, ngai Yehowa dai wa hta shingran hte nye hkum madun na rai nngai;

BU HKAWM 22:18

Balam chyawm gaw, “Balak wa, ja gumhpraw hpring ai, shi a hkaw wa mi jaw lu timung, nye a Karai Kasang Yehowa a ga lai nna, amu kaji amu kaba, hpa mung ngai n galaw lu nngai.

BU HKAWM 22:38

Balam chyawm gaw, “Nang kaw ngai du ring ngai; rai timung, nye myit hte ngai ga hkaw mi tsun lu na ahkang nga a ni? Karai Kasang nye a n-gup hta hti bang ai ga sha ngai tsun na rai nngai,” ngu nna Balak hpe htan wu ai.

BU HKAWM 22:7

Shing rai Moba salang ni hte Midian salang ni gaw, ma-un kumhpa gun let pru sa wa nna, Balam kaw du jang, Balak a ga htawn shana mu ai.

BU HKAWM 22:9

Karai Kasang mung Balam kaw du nna, “Ndai nang kaw nga ai ni gaw kadai ni rai ma ta?” ngu nna san wu ai.

BU HKAWM 23:12

Balam gaw, “Yehowa nye a n-gup hta hti bang ai ga tsun lu hkra, ngai n sadi na rai ni?” ngu nna htan wu ai.

BU HKAWM 23:3

Bai Balam gaw, “Nang jaw ai wan nat hkungga makau e naw tsap nga la; ngai kaga de naw sa na nngai; Yehowa ngai hpe hkap tau ra nhten; shi ngai hpe madun ai made ngai nang e wa shana na de ai,” nga nna Balak hpe tsun da nhtawm, krin ai kawng langai mi de lung wa wu ai.

BU HKAWM 24:13

ngu nna na a shangun kasa ni hpe ngai tsun se ai n rai ni?