BU HKAWM 22:4 - Jinghpaw Hanson Version Bible

⁴ Shaloi Moba masha ni gaw Midian agyi salang ni hpe, “Ndai wunawng wuwa gaw, dumsu ni pa na tsingdu sha shakrin wa ai zawn, anhte a grup yin nga manga hpe sha shakrin kau na maru ai,” nga ma ai. Dai hte yang, Zipora kasha Balak gaw, Moba masha ni a hkawhkam rai nga ai.

Jinghpaw Common Language Bible 2009

⁴ Moba masha ni gaw Midian masha ni a ningbaw ni hpe, “Ndai wunawng wuwa gaw usu langai mi udat shara na tsingdu hpe makret sha nga ai zawn anhte a grup yin na nga manga hte hpe kade n na yang, jahten sharun kau na mara ai,” ngu nna tsun wu ai. Dai rai nna Hkawhkam Balak gaw

BU HKAWM 22:4 ပူးပေါင်းရင်းမြစ်များ

1 HKAWHKAM 11:18

Shaloi shanhte Midian mung na pru wa nna, Paran ginwang de du ma ai; bai Paran kaw nna shanhte manang shaga nhtawm, Egutu mung na Egutu hkawhkam Hpara-u hpang de du nna, shi gaw dai wa hpe nta jaw nna, shi a matu lusha karan ai hte lamu ga mung jaw da wu ai.

PRU MAT 15:15

Dai shaloi Edom du ni mau mahka nga ma ai, Moba share ni hkrit gari hkrum nga ma ai: Hkanan masha ni nlang minla byaw mat masai.

YEREMIA 48:38

Akyu n nga ai dibu hpe ga kau ai zawn, Moba mung hpe ngai ga kau ai majaw, Moba mung na nta shagu ntsa e mung, de a mare lam ni hta mung, sharung shayawt shajang ma ai, nga nna Yehowa tsun ai.

BU HKAWM 22:2

Israela kashu kasha ni Amori masha ni hpe di ai lam yawng mayawng, Zipora kasha Balak mu wu ai.

BU HKAWM 22:7

Shing rai Moba salang ni hte Midian salang ni gaw, ma-un kumhpa gun let pru sa wa nna, Balam kaw du jang, Balak a ga htawn shana mu ai.

BU HKAWM 24:17

Ngai shi e mu se ai, rai timung, ya jang n rai, Ngai shi e yu se ai, rai timung, ani sha n rai: Yaku kaw na shagan langai mi pru nna, Israela hta na hkawhkam sumdoi paw pru na ra ai: Shi gaw Moba njut nnaw hkan du hkra gasat dang nna,

BU HKAWM 25:6

Dai shaloi, Israela masha langai mi gaw Mawshe hte shawa sum a chyinghka makau e hkrap nga ai Israela shawa hpung nlang hte a man e, Midian numsha langai mi hpe, shi a kahpu kanau ni kaw woi shawn wu ai.

BU HKAWM 31:1

Bai Yehowa Mawshe hpe,

BU HKAWM 31:8

Sat kau hkrum ai ni hta na, Ewi, Rekem, Zura, Hura, Reba ngu ai Midian hkawhkam manga lawm ma ai: Beora kasha Balam hpe mung nhtu hte sat kau mu ai.

TARA AGYI 11:25

Nang gaw Moba hkawhkam, Zipora kasha Balak hta grau kaba nni? shi galoi Israela amyu hte majan yu a ta? galoi shanhte hpe gasat yu a ta?

TARA AGYI 6:1

Bai, Israela kashu kasha ni gaw Yehowa a man e n shawp ai amu galaw ma ai: dai rai nna Yehowa gaw shanhte hpe Midian masha ni a lata hta sanit ning tup ap kau wu ai.