BU HKAWM 22:38 - Jinghpaw Hanson Version Bible

³⁸ Balam chyawm gaw, “Nang kaw ngai du ring ngai; rai timung, nye myit hte ngai ga hkaw mi tsun lu na ahkang nga a ni? Karai Kasang nye a n-gup hta hti bang ai ga sha ngai tsun na rai nngai,” ngu nna Balak hpe htan wu ai.

Jinghpaw Common Language Bible 2009

³⁸ Balam gaw, “Ngai du ni ai n rai ni? Ya rai tim, ngai kaning re ai daru magam n-gun wa lu nga a ta? Karai Kasang ngai hpe tsun shangun ai ga hpe chyu sha tsun lu na nngai,” ngu nna htan wu ai.

BU HKAWM 22:38 ပူးပေါင်းရင်းမြစ်များ

1 HKAWHKAM 22:14

Mihkaia gaw, “Yehowa hkrung nga ai hte maren, Yehowa ngai hpe tsun ai hte sha ngai htawn tsun na nngai,” ngu wu ai.

1 HKAWHKAM 22:16

Hkawhkam wa mahtang gaw, “Yehowa a mying hte tengman ai ga hta kaga nang ngai hpe hpa mung n tsun ai gaw, nang hpe gade lang shadum na rai ta?” ngu nna shi hpe tsun wu ai.

2 HKAWHKAM LABAU 18:13

Mihkaia gaw, “Yehowa hkrung nga ai hte maren, nye a Karai Kasang ngai hpe tsun ai hte sha ngai htawn tsun na nngai,” ngu wu ai.

SHAKAWN KUNGDAWN 33:10

Masha amyu ni a hpaji daw ai hpe, Yehowa shanut kau ya mu ai: Amyu baw ni a myit ai hku hpe, shi hkum da mu ai.

SHAKAWN KUNGDAWN 76:10

Gaja wa, na a masin pawt ai daw mi sha, Nang shingkyit zawn kyit nga yang, Masha wa a masin pawt ai gaw, Nang hpe shakawn kungdawn na ra ai.

GA SHAGAWP 19:21

Masha a myit gaw, lam amyu myu maw timung, Yehowa a maw ai lam agrin nga na ra ai.

ESAIA 44:25

Grang dakat ai ni a kumla ni hpe shayuk kau ai hte, shaba wawt ai ni hpe mana bu shangun ai wa; hpaji byeng-ya rawng ai ni hpe kanut shangun ai hte shanhte a hpaji hpe shagawk kau ai wa;

ESAIA 46:10

ngai gaw npawt kaw nna jahtum du hkra mung, moi chyaloi nhkoi kaw nna garai n byin ai amu ni hpe mung, shapraw dan nngai: Nye a hpaji daw ai lam grin nga na ra ai; ngai ra mara hpe shatup na nngai;

ESAIA 47:12

Ram prat kaw nna nang galaw ai mandan lakle amu hte law la ai shaba wawt ai amu ni hta ya machyu nga u: nang akyu lu la na nhten; nang dang wa lu dam nhten.

BU HKAWM 22:18

Balam chyawm gaw, “Balak wa, ja gumhpraw hpring ai, shi a hkaw wa mi jaw lu timung, nye a Karai Kasang Yehowa a ga lai nna, amu kaji amu kaba, hpa mung ngai n galaw lu nngai.

BU HKAWM 22:37

Shaloi Balak wa Balam hpe, “Nang hpe ngai kyin kyin shaga sade ai n rai ni? hpa rai lau n du n ta? ngai nang hpe n shagrau lu na rai nga a ni?” ngu wu ai.

BU HKAWM 22:39

Shing rai Balam Balak hte rau sa wa nna shan gaw Kiriat-huzot de du ma ai.

BU HKAWM 22:8

Shaloi Balam gaw, “Dai na nang e naw nga nga mu; Yehowa ngai hpe tsun na ra ai hte maren ngai tsun dan na made ai,” ngu wu ai: Moba du gyi ni mung Balam kaw nga nga ma ai.

BU HKAWM 23:16

Yehowa mung Balam hpe sa jahkrum nna, shi a n-gup hta ga hti bang ya nhtawm “Ya nang Balak hpang de bai wa nna ning ngu tsun u,” ngu nna hkang dat wu ai.

BU HKAWM 23:26

Balam gaw, “Yehowa ngai e tsun matsun hte maren sha ngai galaw lu na nngai, ngu nna nang hpe ngai tsun sade ai n rai ni?” ngu nna Balak hpe htan wu ai.

BU HKAWM 24:13

ngu nna na a shangun kasa ni hpe ngai tsun se ai n rai ni?