BU HKAWM 22:36 - Jinghpaw Hanson Version Bible

³⁶ Balam du ra ai gaw Balak na wu yang, shi hpe tau la na nga, Moba mung htum na lamu ga jarit Arnon hka kau e nga ai Moba mung na mare de pru sa wa ai.

Jinghpaw Common Language Bible 2009

³⁶ Balam sa wa nga ai hpe Balak na wu ai shaloi, Moba mung a lamu ga jarit na Arnon hka makau nga ai Ara mare de shi hpe tau la na nga pru sa wa wu ai.

BU HKAWM 22:36 ပူးပေါင်းရင်းမြစ်များ

NINGPAWT NINGHPANG 14:17

Ya Abram gaw Hkedala-uma hte shi hpang maga na hkawhkam ni hpe dang kau ai kaw na bai wa ai shaloi, shi hpe tau la na nga Sodom a hkawhkam gaw, hkawhkam kadit ngu ai Shawe kadit e pru sa wa ai.

NINGPAWT NINGHPANG 18:2

Shi mada yu nga yang, yu u, shi a makau e masha marai masum tsap nga ma ai: dai ni hpe mu jang, sa tau la na nga sum chyinghka nna gat sa nhtawm, ga de dingnyawm dagup let tsun wu ai gaw,

NINGPAWT NINGHPANG 46:29

Dai rai nna Yawsep gaw shi a leng byau la nna, shi a kawa Israela hpe wa tau la na, Goshen mung de lung wa ai: kawa kaw du jang shi hkum shi madun nna, kawa a du hta ahpum noi let na na wa hkrap nga ai.

PRU MAT 18:7

Shaloi mawshe mung, katsa hpe tau la na nga pru nna, gum dagup nhtawm shi hpe pup wu ai: shing rai shada da hkam kaja ai lam san let, sum kata de shang wa ma ai.

ESAIA 16:2

Kaning rai nme law, tinang tsip run nna, nwan hkawm ai u shingtai zawn, Moba shayi sha ni gaw Arnon hka kau hkan e nga nga na mara ai.

YEREMIA 48:20

Moba gaw mak mat nna, kaya kahpa hkrum nga ai: sharung shayawt nna hkrap ngu hkrap ngoi mu: Moba gaw katsi katsang rai nga ai hpe, Arnon shara hta tsun shana ya mu.

BU HKAWM 22:35

Yehowa a lamu kasa chyawm gaw, “Shanhte kaw hkan sa wa u; rai timung, ngai nang hpe tsun ai ga sha, nang tsun lu na rai ndai,” ngu nna Balam hpe tsun wu ai. Shing rai Balak a du agyi ni hte rau Balam sa wa ai.

BU HKAWM 22:37

Shaloi Balak wa Balam hpe, “Nang hpe ngai kyin kyin shaga sade ai n rai ni? hpa rai lau n du n ta? ngai nang hpe n shagrau lu na rai nga a ni?” ngu wu ai.

KASA 28:15

Dai mare na hpunau ni, anhte du na lam na nna, tau la na nga, Api gat hte Manam Jarawp masum du hkra sa ma ai; Pawlu shanhte hpe mu jang, Karai Kasang hpe shakawn kungdawn nna shalan shabran nga ai.

TARA JAHPRANG 2:24

Ya rawt nna hkawm sa wa mu; Arnon hkaraw rap manu: yu u, Amori masha Heshesbon hkawhkam Sihon hte shi a lamu ga na a lata hta ngai ap ya sade ai; ga dai madu la magang na shi hpe sa gasat u.

TARA JAHPRANG 3:8

Dai shaloi e Arnon hkaraw kaw nna Hermon bum du hkra re ai, Yawdan hta wora hkran na Amori hkawhkam lahkawng a mungdan hpe anhte madu la ga ai:

TARA AGYI 11:18

Dai hpang, nam mali lam ga sa wa let, Edom mung hte Moba mung hpe kawai nna, Moba mung a sinpraw maga garet wa nhtawm, Arnon hka wora hkran e dap jung ma ai: dai shaloi, Arnon hka gaw Moba mung a lamu ga jarit rai nga ai majaw, Moba mung de shanhte n kabye ma ai.

1 SAMUELA 13:10

Ya, dai wan nat hkungga nawng myit yang she, yu u, Samuela du sai: Shawlu gaw, shaman ya ru ga nga, shi hpe tau la na rawt sa wa ai.