BU HKAWM 22:23 - Jinghpaw Hanson Version Bible

²³ Shaloi Yehowa a lamu kasa, nhtu shachyen lang let, lam e tsap nga ai hpe lawze gaw mu nna, lam kau de yen ai hte yi de shang wa wu ai: Balam chyawm gaw dai lawze hpe kayat nna lam de hkrau la wu ai.

Jinghpaw Common Language Bible 2009

²³ Lawze gaw dai yang e nhtu lang let tsap nga ai hpe mu jang, lam makau de yen mat wa nna, yi de kayin shang mat wa wu ai. Balam mung lawze hpe kayat nhtawm lam de bai hkrau bang la wu ai.

BU HKAWM 22:23 ပူးပေါင်းရင်းမြစ်များ

2 HKAWHKAM 6:17

Bai Elisha gaw, “Yehowa e shi mu lu u ga, shi a myi hpaw ya u,” ngu nna hpyi wu ai. Shaloi Yehowa gaw dai shangun ma a myi hpe hpaw ya wu ai rai nna, shi mu wu yang, yu u, Elisha grup yin e, bum ting hta e, wan gumra hte wan leng ni hpring chyat nga ma ai.

1 HKAWHKAM LABAU 21:16

Dawi mada yu yang, Yehowa a lamu kasa gaw Yerusalem ntsa e nhtu shada let, lamu hte aga lapran e tsap nga ai hpe mu wu ai. Dai rai nna Dawi hte agyi salang ni gaw lachyit nba bu hpun let, ga hta gum dagup nga ma ai.

YEREMIA 8:7

Gaja wa, ntsa malen na u kawp gaw, tinang a du hkra ladaw hpe chye nga ai; hkrudu, pilan hte mali tau ni gaw tinang bai wa na aten chye matsing ma ai: nye a amyu masha ni chyawm gaw, Yehowa a tara dara ai lam hpe n chye na ma ai.”

Daniela 10:7

Dai shingran hpe ngai Daniela hkrai mu lu nngai: ngai hte rau nga ai manang ni dai shingran hpe n mu lu timung, shanhte gaw grai hkrit gari ai hkrum nna, tinang hkum hpe makoi na, hprawng ma ai.

BU HKAWM 22:22

Shing rai hkan sa wa ai majaw, Karai Kasang masin pawt nna, Yehowa a lamu kasa gaw shi hpe ban shadang na nga lam e tsap nga ai. Shi chyawm gaw lawze jawn nna, shi a shangun ma lahkawng hte sa wa nga ai.

BU HKAWM 22:24

Bai Yehowa a lamu kasa gaw, gade de na tsabyi sun nhpan a lapran e lam gyeng ai kaw tsap nga ai.

KASA 22:9

Ngai hte rau sa ai ni chyawm gaw, nhtoi mu ma timung, ngai e tsun ai wa a nsen n na ma ai.

YAWSHU 5:13

Ya Yawshu gaw Yerihko makau e nga nga ai shaloi sharawt mada yu yang, “yu u, nhtu shaw shada lang nna shi hte man ap rai tsap nga ai wa langai mi nga nga ai: Yawshu gaw shi hpang de sa wa nna, Nang gaw anhte hpang maga na rai n ni? gumlau hpyen hpang maga na rai n ni?” ngu nna san yu wu ai.

2 PETRU 2:16

rai timung, dai wa gaw tinang a tawt lai ai amu majaw, daru kau ai hkrum sha wu ai; ga n chye tsun ai lawze gaw, masha a nsen hte shaga wa ai rai nna, dai myihtoi a n gring ai amu hpe kajet kau nu ai.

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.