BU HKAWM 21:9 - Jinghpaw Hanson Version Bible

⁹ Dai hte maren Mawshe gaw magri hte lapu galaw nna dawnghkawn shadaw hta sharawt tawn wu ai; shing rai lapu kawa hkrum ai kadai mung magri lapu dai hpe mada yu jang asak hkrung na nga ai.

Jinghpaw Common Language Bible 2009

⁹ Dai rai nna Mawshe mung magri mang lapu langai mi galaw nhtawm hpun shadaw langai a ntsa e sharawt tawn da wu ai. Shing rai lapu achye hkrum ai ni kadai mung dai magri mang lapu hpe mada yu nna shamai shatsai ai hkrum ma ai.

BU HKAWM 21:9 ပူးပေါင်းရင်းမြစ်များ

2 HKAWHKAM 18:4

tsaw ai kawng ni a shara ni htawm kau ai hte, sumla shadaw ni hpe agrawp kau nna Ashera sumla ni hpe kran daw kau wu ai: Mawshe galaw da ai magri lapu hpe mung kahtum kadaw di kau wu ai; kaning rai nme law, Israela masha ni gaw dai aten du hkra, de a man e manam pyaw ai baw nat nawng ya nga ma timung, shi gaw dai hpe, Magri hkyep, ngu nna shamying kau wu ai.

ESAIA 45:22

Lamu ga htum hkra shanu nga ai ni e, ngai hpe mada yu nna, hkye hkrang la ai hkam la mu: ngai hkum nan Karai Kasang rai nga nngai; ngai hta kaga kadai n nga ai.

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe, hkap mu wu yang, “Mungkan ga a yubak gun la kau ya ai, Karai Kasang a Sagu Kasha hpe yu yu mu!

YAWHAN 12:32

Ngai chyawm gaw ga kaw nna sharawt tawn da ai hkrum jang, ngai masha yawng hpe, ngai hpang de gang la na we ai,” ngu nna htan mu ai.

YAWHAN 6:40

Hpa rai nga yang, Kasha wa hpe mu nna, kamsham ai wa kadai mung htani htana asak lu la na gaw, nye Wa a myit ra ai hku rai nga ai: ngai mung hpang jahtum na nhtoi hta, dai wa hpe sharawt na we ai,” ngu nna shanhte hpe tsun mu ai.

ROMA 1:17

Dai hta kaga, Dinghpring ai wa gaw kamsham ai hte hkrung nga lu na ra ai, nga nna ka da nga ai hte maren, kamsham ai hte lu la nna kamsham ai de ang wa ai, Karai Kasang a dinghpring ai lam hpe, dai hta e shadan dan nga ai.

ROMA 8:3

Jep ai tara nan shinggyim hkum shan majaw n-gun kya nna n shabyin lu ai gaw, hkum shan kaw hkan nang ai ni hta e n re ai sha, anhte Wenyi kaw hkan nang ai ni mahtang hta e, dai jep ai tara a ga matsun dik wa lu hkra,

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

HEBRE 12:2

dai madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tingnyang hkra maga de wa dung nga sai.

1 YAWHAN 3:8

Yubak galaw ai wa gaw, Nat kaw na rai nga ai; kaning rai nme law, Nat gaw shawng npawt kaw nna, yubak galaw nga ai. Dai rai nna, Nat a amu bungli hpe sharun jahten kau u ga, Karai Kasang a Kasha gaw paw pru wa sai.