BU HKAWM 21:7 - Jinghpaw Hanson Version Bible

⁷ Shaloi amyu masha ni gaw Mawshe hpang de sa nna, “Anhte gaw Yehowa hte nang hpe nhtan shai ai hku tsun kau ai majaw shut saga ai: Yehowa dai lapu ni hpe anhte kaw na seng kau ya mi ga, anhte a matu hpyi ya mi,” nga nna nem ma ai. Mawshe mung amyu masha ni a matu hpyi ya wu ai.

Jinghpaw Common Language Bible 2009

⁷ Amyu masha ni mung Mawshe hpang de sit sa nhtawm, “Anhte gaw dai Madu hte nang hpe nhtan shai ai hku tsun kau saga ai majaw yubak galaw kau saga ai. Ndai lapu ni hpe la kau ya na dai Madu hpe ya jang hpyi nem ya mi,” ngu nna tsun ma ai. Dai rai nna Mawshe gaw amyu masha ni a matu hpyi nem ya wu ai.

BU HKAWM 21:7 ပူးပေါင်းရင်းမြစ်များ

NINGPAWT NINGHPANG 20:17

Abraham mung Karai Kasang kaw akyu hpyi ya wu ai rai nna, Karai Kasang gaw Abimelek hte shi a madu jan hpe mung, shi a mayam num ni hpe mung shamai ya mu ai rai nna shanhte gaw kashu kasha shaprat ma ai.

NINGPAWT NINGHPANG 20:7

Ya dai wa a madu jan shi hpe bai ya u; shi myihtoi rai nga ai rai nna, na a matu shi akyu hpyi yang, nang hkrung lu na rin dai: nang bai n ya yang gaw, nang mung nang hte seng ai ni mahkra mung teng teng si na marin dai, chye da u,” ngu wu ai.

1 HKAWHKAM 13:6

Shaloi hkawhkam wa gaw Karai Kasang a masha hpe, “Nye a lata bai mai wa lu hkra, nye a matu na a Karai Kasang Yehowa hpe akyu hpyi ya e,” ngu nna tawngban wu yang, Karai Kasang a masha gaw Yehowa hpe akyu hpyi nna, hkawhkam wa a lata gaw mai wa ai hte shawoi na hte maren majing bai rai mat sa lu ai.

2 HKAWHKAM 13:4

Suri hkawhkam gaw Israela amyu hpe mam chyarang na nbun zawn shatai kau mu ai rai nna, Yehoaza masha ni hta na, gumra jawn ai ni manga shi, hpyen leng shi, lagaw hpyen ni mun mi sha, shi a matu shangam tawn da mu ai.

YOBA 42:10

Ya Yoba gaw shi a manang ni a matu tawngban nga yang, Yehowa gaw Yoba hpe shi a bawng dung ai kaw na shalawt dat wu ai hta n-ga, shi shawng e lu malu mahkra hta htam lahkawng shagup ya wu ai.

YOBA 42:8

Dai rai nna, nanhte gaw usu sanit, sagu la sanit, lata la nhtawm, nye a shangun ma Yoba hpang de sa nna, nanhte a matu wan nat hkungga nawng ya mu; shing rai nye shangun ma Yoba gaw nanhte matu mara tawngban na ra ai; nanhte angawk ai myit hte maren ngai nanhte hpe ari n jaw n ga, shi a myi man hpe ngai tau ya na nngai; kaning rai nme law, nanhte gaw nye a shangun ma Yoba zawn, nye a lam htaphtuk ai ga n tsun myit dai, ngu nna tsun wu ai.

SHAKAWN KUNGDAWN 106:23

Shaloi shanhte hpe jahten na shi maw nga ai: Rai timung, shi lata la ai Mawshe gaw Shi a man e tsap nga nna, shanhte hpe n jahten mu ga, Shi a myit hpe shakawp ya wu ai.

SHAKAWN KUNGDAWN 78:34

Dai ni hpe sat kau mu yang, shanhte shi hpe dum nna, Karai Wa hpang de kayin wa let shi hpe tam ma ai.

PRU MAT 10:17

rai timung, ndai lang mi sha nye a yubak dat kau ya mi; ndai si lam langai sha ngai kaw na seng kau ya e ga, nan a Karai Kasang Yehowa hpe hpyi nem ya mi,” ngu wu ai.

PRU MAT 32:11

Mawshe chyawm gaw shi a Karai Kasang Yehowa hpe, “Yehowa e, nsam kaba hte n-gun rawng ai lata e Egutu mung na nang shaw wa ai na a amyu hpe hpa rai pawt bu nga n ta?

PRU MAT 32:30

Bai hpang jahpawt mung Mawshe gaw amyu masha ni hpe, “Nanhte yubak kaba galaw manit dai; rai timung ngai Yehowa hpang de lung wa nna, nanhte a yubak matu htingrat ya lu na nhten,” ngu nna tsun da mu ai.

PRU MAT 8:28

Shaloi Hpara-u gaw, “Nanhte a Karai Kasang Yehowa hpe nam e hkungga sa jaw na ngai nanhte hpe dat dat na made ai: rai timung tsan tsan sa lu na myit dai n rai: nye a matu hpyi nem ya mi,” ngu wu ai.

PRU MAT 8:4

dai shu ni gaw nang hta mung, na amyu masha ni hta mung, na agyi salang ni yawng hta mung lung wa na mara ai, ngu u,” ngu nna tsun wu ai.

PRU MAT 8:8

Shaloi Hpara-u gaw Mawshe yan Arun hpe shaga la nna, “Yehowa kaw ngai hte nye a amyu masha ni kaw na shu seng kau ya na hpyi nem ya e; shing rai ndai amyu gaw Yehowa hpe hkungga jaw na matu, ngai shanhte hpe dat dat na mawe ai,” ngu wu ai.

ESAIA 26:16

Yehowa e shanhte nni nkri hkrum yang, nang hta myit manoi nga masai; nang shanhte hpe shari yang, shanhte hpyi madai masai.

YEREMIA 15:1

Bai Yehowa ngai hpe tsun ai gaw, Mawshe yan Samuela pyi nye a man e tsap timung, ndai amyu hpe ngai matsan dum na, n rai: ngai kaw na shanhte hpe shaden kau mu; shanhte pru wa mu ga.

YEREMIA 37:3

Ya hkawhkam Zedekia gaw, Shelemia kasha Yehuhkala hte hkinjawng Masea kasha Zehpania hpe myihtoi Yeremia hpang de shangun dat nna, Anhte a matu mara, anhte a Karai Kasang Yehowa hpe akyu hpyi ya mi, ngu nna htet dat wu ai.

HOSEA 5:15

Shanhte gaw tinang a yubak hpe yin la nna, nye a myi man hpe hkan tam ai du hkra, ngai pru nna, nye a shara de bai wa na nngai: ru tsang hkrum yang, shanhte ngai hpe tsam mari hkan tam na mara ai.

BU HKAWM 11:2

Shaloi amyu masha ni gaw Mawshe hpe jahtau mu ai rai nna, Mawshe mung Yehowa hpe hpyi ya ai hte wan si mat wa ai.

MAHTE 27:4

Shanhte gaw, “Dai anhte hte hpa seng nga a ta? nang hkrum yu u” ngu mu ai.

KASA 8:24

Shaloi Simun gaw, “Nan tsun ai lam hpa mung ngai kaw n du u ga, nye a matu mara nan lala dai Madu kaw hpyi ya mi,” ngu nna htan wu ai.

ROMA 10:1

Hpunau ni e, shanhte gaw hkye hkrang la ai kaw du lu mu ga, shanhte a matu mara nye kraw lawang hta myit ndawt la nna, Karai Kasang hpe ngai akyu hpyi nga nngai.

TARA JAHPRANG 9:20

Arun hpe mung jahten kau na nga, Yehowa grai pawt bu wu ai; Arun a matu mung dai shaloi e ngai hpyi nem ya we ai.

YAKU 5:16

Nanhte shamai shatsai hkrum myit ga, nanhte a yubak mara hpe shada da shapraw dan nna, shada da a matu mara akyu hpyi nga mu.

1 SAMUELA 15:24

Shaloi Shawlu gaw, “Ngai shut ni ai; masha ni hpe hkrit nna, shanhte a ga madat kau ai majaw, Yehowa a ga hpe mung, na a ga hpe mung, tawt kau ni ai.

1 SAMUELA 15:30

Bai Shawlu gaw, “Ngai shut kau ni ai; rai timung, nye a amyu agyi salang ni hte Israela man e, ngai e hkungga lam naw madun dan ya nna, ngai na a Karai Kasang Yehowa hpe nawku lu hkra, ngai hte rau wa ga,” ngu nna hpyi wu ai.