BU HKAWM 21:5 - Jinghpaw Hanson Version Bible

⁵ Dai rai nna amyu masha ni gaw, “Ndai nam mali e anhte si ma u ga nga, Egutu mung na hpa rai anhte hpe woi wa myit ta? muk mung n nga, ntsin mung kata; ndai asit n’ nga ai muk gaw anhte sha jin saga ai, nga nna Karai Kasang hte Mawshe hpe aput mu ai.

Jinghpaw Common Language Bible 2009

⁵ Shanhte gaw, “Lusha mung, hka mung n nga ai ndai nam mali hkan e si mat na matu nang anhte hpe hpa majaw Egutu mung kaw na woi wa nga n ni? Ndai asit awat nga ai lusha hpe anhte kachyi mi pyi n kam sha mat saga ai!,” ngu nna aput ma ai.

BU HKAWM 21:5 ပူးပေါင်းရင်းမြစ်များ

SHAKAWN KUNGDAWN 68:6

Karai Kasang gaw gram nga ai ni hpe htinggaw sharawn nna, Bawng dung ai ni hpe ngamai ai de jashawn mu ai: Je hpre ai ni chyawm gaw zaibru jang hta nga nga ma ai.

SHAKAWN KUNGDAWN 78:19

Shanhte Karai Kasang hpe put nna tsun mu ai gaw: “Nam mali hkan e sha ku lajang da lu na a kun?

PRU MAT 14:11

Shan hte Mawshe hpe mung, “Egutu mung e lup n n nga ai majaw, ndai nam e si mu ga, ngu nna nang anhte hpe woi wa n ni? Anhte hpe ning di Egutu mung na hpa rai woi wa n ta?

PRU MAT 15:24

Shaloi dai amyu masha ni Mawshe hpe, “Anhte hpa lu na rai nga ga ta?” ngu nna aput mu ai.

PRU MAT 16:15

Israela kashu kasha ni dai hpe mu ma yang, “Ndai hpa rai nga a ta?” nga nna shada da san shajang ma ai: kaning rai nme law, dai hpa re ai gaw shanhte n chye ma ai. Dai rai nna Mawshe gaw, “Nanhte sha na matu Yehowa jaw ai muk gaw ndai rai nga ai.

PRU MAT 16:31

Israela masha ni gaw dai hpe Manna ngu nna shamying mu ai: dai gaw hpakgyi tum zawn rai nna ahpraw nsam nga ai; lagat jahku hte kayau ai muk pa zawn dwi nga ai.

GA SHAGAWP 27:7

Sha hkru ai wa gaw, gitbaw hpe pyi, gang kau na ra ai; Kawsi kyet ai wa chyawm gaw, hka ai hpe dwi ai zawn nawn nga ai.

EZEKELA 20:21

“Rai timung, shanhte kashu kasha ni gaw ngai hpe gumlau ma ai: shanhte gaw nye a matsun maroi ga hpe n hkan, nye a tara dara ai lam ni hpe n hkan galaw ma ai: dai lam ni chyawm gaw hkan nang ai wa a hkrung nga na lam rai nga ai: nye a laban nhtoi ni hpe mung, shanhte awu asin di kau ma ai. Dai rai nna, shanhte hta nye kahtet ai myit shakawp na matu, nam mali hkan e nye a pawt bu ai, shanhte a ntsa e ru dat na, ngai tsun nngai.

BU HKAWM 11:20

nanhte a ladi hta manam pru nna ajin anang nga hkra shata mi tup sha lu na myit dai: kaning rai nme law, Nanhte hta rawng nga ai Yehowa hpe nanhte n hpu n lu nga nna, Egutu mung na anhte hpa rai pru wa ga ai i? nga nna shi a man e hkrap myit dai, ngu mi,” ngu wu ai.

BU HKAWM 16:41

Hpang jahpawt e Israela shawa hpung ting gaw Mawshe yan Arun hpe, mara shagun let, “Nan Yehowa a masha ni hpe sat kau myit dai,” nga nna aput ma ai.

BU HKAWM 17:12

Israela kashu kasha ni chyawm gaw Mawshe hpe, “Yu u, anhte si ma wa nga ga ai; anhte htum ma saga ai; gaja wa htum ma wa nga ga ai:

1 KORINHTU 10:9

Shanhte nkau mi dai Madu hpe chyam dinglik nna, lapu ni e kawa sharum ai zawn, anhte gaw dai Madu hpe n chyam dinglik ga.