BU HKAWM 21:4 - Jinghpaw Hanson Version Bible

⁴ Ya shanhte Hora bum na htawt nna, Edom mung hpe hkawm kawai wa na matu, nawng hkyeng lam hku hkawm wa ma ai: dai lam hta hkawm sa yak ai majaw amyu masha ni myit htum shajang ma ai.

Jinghpaw Common Language Bible 2009

⁴ Israela masha ni gaw Hora Bum na pru wa nhtawm Edom mung hpe hkawm gawai mat wa na matu, Nawng Hkyeng lam hkan nna hkawm sa wa ma ai. Rai ti mung amyu masha ni mahtang shanhte hkawm sa wa ai hkrun lam hta n hkam sharang lu ma ai majaw Karai Kasang hte Mawshe hpe gumlau ma ai.

BU HKAWM 21:4 ပူးပေါင်းရင်းမြစ်များ

2 HKAWHKAM 3:8

Bai shi gaw, “Gara hku lung wa na rai ta?” ngu nna san wu yang, Yehosahpat, “Edom mung na zaibru jang hku lung wa na re ai,” ngu wu ai.

PRU MAT 6:9

Shaloi Mawshe gaw Israela a kashu kasha ni hpe dai hte maren tsun mu ai: rai timung, shanhte a myit hki ba ai hte aja awa di ai mayam bungli majaw, Mawshe a ga n madat ya lu ma ai.

BU HKAWM 14:25

Ya, Amalek masha ni hte Hkanani masha ni pa ga de nga nga ma ai majaw, hpawt ni rawt nna, nawng hkyeng lam hku nam mali de bai nhtang kayin sa wa mu,” ngu wu ai.

BU HKAWM 20:27

Yehowa hkang da ai hte maren Mawshe galaw nna, dai shawa hpung ting a man e shanhte Hora bum de lung ma ai.

BU HKAWM 32:7

Yehowa jaw ai mung hpe Israela kashu kasha ni n rap la na hku, shanhte a myit hpe hpa rai jahten na myit ta?

BU HKAWM 32:9

Shanhte gaw Eshkola kadit du hkra sa nna, dai mung hpe mada yu da nhtawm, Yehowa jaw ai mung de Israela kashu kasha ni n shang sha na hku, shanhte a myit hpe jahten ya mu ai.

BU HKAWM 33:41

Bai shanhte Hora bum na htawt ai gaw Zalmona e but ma ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

TARA JAHPRANG 1:40

Nanhte chyawm gaw, kayin wa mu, Nawng hkyeng hku hkan nna dai nam mali de hkawm wa mu,’ nga ai.

TARA JAHPRANG 2:1

Bai, Yehowa ngai hpe tsun da ai hte maren, anhte bai nhtang sa wa nna, Nawng hkyeng hprang ai lam hku hkan yang, dai nam mali de hkawm du ga ai; shing rai nhtoi na na wa, Seira bum hpe anhte kayin hkawm nga ga ai.

TARA AGYI 11:18

Dai hpang, nam mali lam ga sa wa let, Edom mung hte Moba mung hpe kawai nna, Moba mung a sinpraw maga garet wa nhtawm, Arnon hka wora hkran e dap jung ma ai: dai shaloi, Arnon hka gaw Moba mung a lamu ga jarit rai nga ai majaw, Moba mung de shanhte n kabye ma ai.