BU HKAWM 21:34 - Jinghpaw Hanson Version Bible

³⁴ Shaloi Yehowa Mawshe hpe, “Shanhte hpe hkum hkrit myit! shi hte shi a masha nlang hpe mung, shi a lamu ga mung, na a lata hta ngai ap sade ai: Hesbon mare na Amori hkawhkam Sihon hpe di ai zawn, ndai wa hpe mung di na rai myit dai,” ngu wu ai.

Jinghpaw Common Language Bible 2009

³⁴ Dai Madu gaw Mawshe hpe, “Shi hpe hkum hkrit et; shi hte shi a masha yawng hpe mung, shi a lamu ga hpe mung dang la kau na ahkang nang hpe ngai jaw na de ai. Heshbon mare na Amori Hkawhkam Sihon hpe shamyit kau ai zawn shi hpe mung shamyit kau na rai ndai,” ngu nna tsun wu ai.

BU HKAWM 21:34 ပူးပေါင်းရင်းမြစ်များ

2 SAMUELA 5:19

Shaloi Dawi Yehowa kaw, “Ngai Hpilisti masha ni hpe sa gasat lu na rai ni? Nang shanhte hpe nye a lata hta ap ya na n ni?” ngu nna san wu ai. Yehowa mung, “Lung wa su; Hpilisti masha ni hpe na a lata de teng teng ap ya na de ai,” ngu nna Dawi hpe htan wu ai.

1 HKAWHKAM 20:13

Shaloi myihtoi langai mi gaw Israela hkawhkam Ahab hpang de sit sa nna, Yehowa ning nga ai: “Ndai masha ga da ga hpe nang mu da wu ni? Yu u, ngai Yehowa rai nga nngai gaw nang chye lu hkra, dai ni pyi ngai shanhte hpe na a lata hta ap ya na de ai,” ngu wu ai.

1 HKAWHKAM 20:28

Shaloi Karai Kasang a masha wa gaw Israela hkawhkam hpang de sit sa nna, Yehowa ning nga ai: “Yehowa gaw bum ga na Hpara rai nga ai, layang ga na Hpara n rai nga ai law, nga nna Suri masha ni tsun shajang ma ai majaw, ngai gaw Yehowa rai nga nngai, nanhte chye lu hkra, ndai masha wunawng wuwa kaba hpe na a lata hta ngai ap da na we ai,” ngu nna htawn tsun wu ai.

2 HKAWHKAM 3:18

Dai amu chyawm gaw Yehowa a man e amu kaji naw rai nga ai: shi gaw Moba masha ni hpe mung nanhte a lata hta ap ya na ra ai.

ESAIA 41:13

Kaning rai nme law, Na a Karai Kasang ngai Yehowa gaw, “Hkum hkrit et; ngai nang hpe karum na de ai, nga nna, na a hkra lata jum let, tsun na nngai.

BU HKAWM 14:9

Dai re ai majaw Yehowa hpe hkum gumlau myit; dai mung na masha ni hpe mung hkum hkrit myit; shanhte gaw anhte a shat sha tai na ra ai: shanhte hta makawp maga n nga malu ai; anhte hpang de chyawm gaw Yehowa nga nga ai; shanhte hpe hkum hkrit myit,” ngu nna tsun mu ai.

BU HKAWM 32:4

Atarot, Dibon, Yazera, Nimra, Heshbon, Eleale, Sebam, Nebo, Beon mung ni gaw, yamnga rem na matu kaja la nga ai: na a mayam ni hta mung yamnga law nga mali ai:

TARA JAHPRANG 2:30

Hesbon hkawhkam Sihon gaw anhte lai wa na ahkang n jaw mi ai: kaning rai nme law, dai ni mu nga ai hte maren, nanhte a Karai Kasang Yehowa gaw, dai hkawhkam wa hpe nanhte a lata hta ap kau na matu, shi a wenyi hpe shaja ya nna, shi a myit hta nhtan jashai ya nu ai.

TARA JAHPRANG 20:3

“Israela amyu e, madat u; masha hpyen ni hpe gasat na dai ni nanhte hkyen ngut manit dai: dai rai nna shanhte a majaw, myit hkum htum et; hkum hkrit, hkum gari, hkum kajawng hkum ma myit:

TARA JAHPRANG 3:1

Bai anhte kayin nna Bashan mung lam hku lung wa ga ai: Bashan hkawhkam Oga mung shi a masha ni nlang hte hte Edri shara e anhte hpe hkap gasat na nga pru sa wa ai.

TARA JAHPRANG 3:11

(Kaning rai nme law, Rehpim ngu ai amyu hta na hkrat ai, Bashan hkawhkam Oga chyu sha ngam nga sai; yu u, shi a yup ku gaw hpri yup ku rai nga ai: dai gaw Amon kashu kasha ni a mung na Raba mare hta nga nga lu ai n rai ni? masha a dawng hku sawn yang, dai gaw galu de dawng jahku, nda de dawng mali rai nga ai.)

TARA JAHPRANG 31:6

Dai rai nna, nanhte n-gun da ting mu, myit nden shaja mu; hkum tsang myit, shanhte hpe hkum hkrit myit: nanhte hte rau hkawm sa nga ai wa gaw na a Karai Kasang Yehowa nan rai nga ai: shi nang hpe kau da na n rai, nang hpe kau rap rai na n rai,” ngu nna tsun mu ai.

TARA JAHPRANG 7:17

‘Wora amyu ni ngai hta grau law nga ma ai mi, ngai shanhte hpe kaning di dang lu na i?’ nga nna na a kraw e myit la let, shanhte hpe hkum hkrit nga et:

TARA JAHPRANG 7:18

na a Karai Kasang Yehowa Hpara-u hte Egutu mung ting hta galaw nu ai amu ni, nang dai myi chyi mu lu ai chyam dinglik lam kaba ni;

TARA JAHPRANG 7:21

Nang hta rawng nga ai na a Karai Kasang Yehowa gaw galu kaba ai hte hkrithpa Karai Wa rai nga lit dai majaw, nang shanhte hpe hkrit ra ndai n rai.

TARA JAHPRANG 7:24

Shanhte a hkawhkam ni hpe mung na a lata hta ap kau nna, shanhte a nsang mying ni hpe pyi sumsing lamu npu na seng kau na rai nga ai: shanhte hpe n shamyit kau lu dingsa na aman e kadai tsap lu na n rai.

YAWSHU 10:25

Shing rai Yawshu gaw, “Nanhte gasat ai hpyen ni nlang hpe Yehowa ning di na wu ai rai nna, hkum hkrit myit, myit hkum kaji myit; n-gun da ting nna n-gun shaja mu,” ngu nna shanhte hpe shalan wu ai.

YAWSHU 10:8

Yehowa mung, Shanhte hpe “hkum hkrit et; na a lata de ngai shanhte hpe ap ya sade ai; nang hpe kadai mung hkap daw lu na n rai,” ngu nna Yawshu hpe shalan wu ai.

YAWSHU 8:7

shaloi nanhte gaw up nga ai kaw na pru nna, dai mare hpe gasat dip la na rai myit dai; nanhte a Karai Kasang Yehowa gaw nanhte a lata hta dai mare ap ya na ra ai.

TARA AGYI 11:30

Ya Yephta gaw Yehowa kaw, “Nang madu gaja wa teng teng Amon kashu kasha ni hpe nye a lata hta ap ya n yang gaw,

1 SAMUELA 23:4

Dai rai nna, Dawi gaw Yehowa hpe bai san wu ai. Yehowa chyawm gaw, “Rawt u, Kila mare de yu wa su; Hpilisti masha ni hpe na a lata hta ngai ap ya na ring ngai,” nga ai.