BU HKAWM 21:24 - Jinghpaw Hanson Version Bible

²⁴ Shaloi Israela shi hpe nhtu hte sat kau nna, shi a lamu ga hpe Arnon hka kaw nna Yabok hka du hkra, Amon kashu kasha ni a lamu ga hte htep madu la kau wu ai: Amon kashu kasha ni a lamu ga jarit chyawm gaw hkik nga ai.

Jinghpaw Common Language Bible 2009

²⁴ Rai ti mung Israela amyu masha ni mahtang majan pa e gumlau hpyen law law hte hpe sat kau ma ai majaw Arnon hka a dingdung kaw nna Yabok du hkra madu la kau ma ai. Amon masha ni a lamu ga jarit chyawm gaw grai ngang hkra galaw da ma ai.

BU HKAWM 21:24 ပူးပေါင်းရင်းမြစ်များ

NINGPAWT NINGHPANG 32:22

Shing rai shi a shawng e kumhpa sharap dat nna, shi hkum gaw dai shan e dai dabang na ni hte rau nga nga ai.

NEHEMIA 9:22

Dai hta kaga, hkawhkam mungdan ni hte maigan amyu ni hpe nang shanhte hpe jaw da nna, daw mi hte daw mi ang wa ai hte maren, karan jaw mu ai. Shing rai shanhte gaw Heshbon hkawhkam Sihon a mungdan hte, Bashan hkawhkam Oga a mungdan hpe madu nga lu ma ai.

SHAKAWN KUNGDAWN 136:19

Shi gaw Amori hkawhkam Sihon hpe, sat kau nu ai, Shi a chyeju htani htana agrin nga ai.

AMO LAIKA (AMOS) 2:9

Rai timung ngai gaw, arit hpun hte maren tsaw nna, wamyi hpun zawn ja ai Amori masha ni hpe, shanhte a man e shaza kau ni ai: gaja wa, ndung de na asi hpe mung, npawt de na aru hpe mung ngai shaza kau nngai.

BU HKAWM 21:13

Dai yang na shanhte bai htawt ai gaw, nam mali hku pru nna, Amori lamu ga jarit na Arnon hka wora hkran e but de ma ai: Arnon hka chyawm gaw Moba mung hte Amori mung Lapran na Moba a lamu ga jarit rai nga ai.

TARA JAHPRANG 1:4

Mawshe gaw, mali shi ning shaning, shata shi langai a nhtoi langai ya shani e, Yehowa shi hpe hkang da made hte maren, Israela kashu kasha ni hpe htawn tsun wu ai.

TARA JAHPRANG 29:7

shing rai shan a lamu ga anhte kashun la nna, Itubin amyu, Gad amyu hte Manashe amyu chyen mi hpe sali ga matu jaw kau sagaw ai.

TARA JAHPRANG 3:16

Gilead mung kaw nna, Arnon hkaraw du hkra, dai hkaraw nna ran, Amon masha ni a lamu ga jarit rai nga ai. Yabok hka htep re ai aga ting:

TARA JAHPRANG 31:4

Yehowa mung shi jahten kau ai Amori hkawhkam Sihon yan Oga a mungdan hte shan hpe di ai zawn, dai hkran na masha amyu ni hta mung di na wu ai.

TARA JAHPRANG 4:46

Egutu mung na pru wa ma yang Mawshe hte Israela kashu kasha ni gaw dai hkawhkam hpe sat kau nna,

YAWSHU 13:12

Rehpim amyu hta na hkrat ai Ashtarot hte Edri e dung ai Bashan hkawhkam Oga mungdan ting rai nga ai: shanhte hpe Mawshe gasat nna shachyut kau mu ai.

YAWSHU 24:8

Dai hpang, Yawdan hka wora hkran e nga ai Amori masha ni a mung de ngai nanhte hpe woi shawn nna, shanhte nanhte hpe hkap gasat ma ai: shaloi shanhte hpe nanhte a lata de ngai ap kau ai rai nna, shanhte a lamu ga nanhte madu la lu myit dai; shanhte hpe mung nanhte a man na ngai shamyit kau mase ai.

YAWSHU 9:10

Yawdan hka sinpraw hkran, Hesbon e dung ai hkawhkam Sihon hte, Ashtarot e dung ai Bashan hkawhkam Oga ngu ai Amori hkawhkam yan hta galaw ai lam yawng mayawng hpe mung anhte na ma saga ai.

TARA AGYI 10:11

Yehowa chyawm gaw Israela kashu kasha ni hpe, “Ngai nanhte hpe Egutu masha, Amori masha Amon masha ni hte Hpilisti masha ni a lata na, hkye la masade ai, n rai ni?

TARA AGYI 11:13

Amon kashu kasha ni a hkawhkam wa gaw, “Israela masha ni Egutu mung na pru wa ai shaloi e, nye a lamu ga hpe Arnon hka na ran, Yabok hka hte Yawdan hka du hkra kashun la kau ya ai majaw di da we ai: lamu ga dai hpe angwi apyaw sha ya bai ya mi,” ngu nna Yephta kasa ni hpe htan dat wu ai.

TARA AGYI 21:8

Dai rai nna shanhte gaw, “Israela amyu ni hta na, Mizpa de Yehowa a man e n lung pru ai gaw, kadai naw nga a ta?” nga nna san ma yang, yu mu, Gilead mung Yabesha mare masha ni langai mi muk zuphpawng ai dap de n sa ai chye ma ai.