BU HKAWM 21:16 - Jinghpaw Hanson Version Bible

¹⁶ Dai kaw nna Bera de shanhte sa wa ma ai: dai hka htung gaw, Amyu masha ni hpe jahpawng u; ngai shanhte hpe ntsin jaw mawe ga, nga nna Yehowa Mawshe hpe tsun ai hka htung rai nga ai.

Jinghpaw Common Language Bible 2009

¹⁶ Dai Madu gaw dai shara kaw na Mawshe hpe, “Amyu masha ni hpe jahpawng tawn u; ngai shanhte hpe hka jaw na mawe ai,” ngu nna Hka Htung ni ngu shamying ai shara de matut sa mat wa ma ai.

BU HKAWM 21:16 ပူးပေါင်းရင်းမြစ်များ

NINGPAWT NINGHPANG 21:19

Dai hta kaga Karai Kasang gaw shi hpe myi hpaw ya wu ai rai nna, hka htung langai mi shi mu wu ai; dai majaw shi sa nna ndum hta ntsin ja jahpring la nhtawm, ma hpe gawn jaw wu ai.

PRU MAT 17:6

Yu u, Horeb bum na lunghkrung ntsa hta na a man e ngai tsap nga na ring ngai; nlung dai hpe nang kayat na wu ai rai nna, amyu masha ni lu na matu, dai nta na ntsin lwi pru na ra ai,” ngu nna tsun wu ai. Mawshe mung Israela a agyi salang ni a man e shing di galaw wu ai.

ESAIA 12:3

Dai re ai majaw nanhte gaw, hkye hkrang la ai hka htung ni hta, kabu gara ai myit hte, hka ja lu na marin dai.

ESAIA 15:8

Shanhte hkrap ai nsen gaw, Moba mung ting pri rai nga ai; sharung shayawt ai nsen gaw, Eglim hte Beraelim du hkra, du nga ai.

ESAIA 43:20

Nam na ashu ashan ni mung, nam gwi ni hte u gawla-uk ni mung, ngai hpe shagrau na mara ai: kaning rai nme law, ngai lata la ai nye a amyu masha ni lu hpa lu nna,

ESAIA 49:10

Shanhte gaw kawsi hpang kara hkrum na, n rai; kahtet kamawt hte jan ja mung hkrum na, n rai: kaning rai nme law, shanhte hpe matsan dum ai wa gaw, shanhte hpe woi wa nna, hka hpawk makau hku lam madun na ra ai.

BU HKAWM 20:8

“Dai dawhkrawng la nna, na nhpu Arun hte sa nhtawm shawa hpawng hpe jahpawng tawn u: shing rai shanhte a man e dai nlung hpe, tinang a ntsin shapraw na tsun u; shaloi dai nlung hta na nang shanhte a matu ntsin shapraw lu na ra ai; shing rai, dai shawa hpung hta shanhte a yamnga ni hpe nang ntsin jaw lu lu na ra ai,” ngu wu ai.

BU HKAWM 33:46

Dibon-gad na htawt ai gaw Almon-diblatim e but ma ai.

YAWHAN 4:10

Shaloi Yesu gaw, Karai Kasang a kumhpa hte, “Ngai hpe ntsin jaw lu e, nga nna nang kaw hpyi ai wa hpe, nang chye wu taw gaw, nang shi kaw hpyi nna, shi gaw nang hpe hkrung ai ntsin jaw na nit dai,” ngu nna shi hpe htan wu ai.

YAWHAN 4:14

dai ngai jaw ai ntsin gaw, dai wa hta htani htana asak a matu lwi pru ai hka hpawk tai na ra ai,” ngu nna shi hpe htan wu ai.

SHINGRAN 21:6

Dai hta kaga shi gaw, “Dai hte gaw ngut mat sai; ngai gaw Alhpa hte Omega, apawt ningshawng mung, ahpang jahtum mung, rai nga nngai: hpang kara ai wa hpe asak hka hpawk na ntsin, manu jahpu n hpyi ai sha, ngai jaw na we ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.

TARA AGYI 9:21

Dai ngut jang, Yohtam gat hprawng nna, kahpu Abimelek hpe hkrit ai majaw, Bera de du nna, nga nga ai.