BU HKAWM 21:13 - Jinghpaw Hanson Version Bible

¹³ Dai yang na shanhte bai htawt ai gaw, nam mali hku pru nna, Amori lamu ga jarit na Arnon hka wora hkran e but de ma ai: Arnon hka chyawm gaw Moba mung hte Amori mung Lapran na Moba a lamu ga jarit rai nga ai.

Jinghpaw Common Language Bible 2009

¹³ Dai yang kaw nna shanhte bai htawt hkawm nhtawm Amori mung hte htep dam ai nam mali hta nga ai Arnon hka a dingdung maga na shara kaw but ma ai. (Arnon gaw Moba mung hte Amori mung yan a lapran na lamu ga jarit rai nga ai.)

BU HKAWM 21:13 ပူးပေါင်းရင်းမြစ်များ

ESAIA 16:2

Kaning rai nme law, tinang tsip run nna, nwan hkawm ai u shingtai zawn, Moba shayi sha ni gaw Arnon hka kau hkan e nga nga na mara ai.

YEREMIA 48:20

Moba gaw mak mat nna, kaya kahpa hkrum nga ai: sharung shayawt nna hkrap ngu hkrap ngoi mu: Moba gaw katsi katsang rai nga ai hpe, Arnon shara hta tsun shana ya mu.

BU HKAWM 21:14

Dai hkan nna, Suhpa shara na Waheb, Arnon hka kadit ni hte, Moba lamu ga jarit makau sawt.

BU HKAWM 22:36

Balam du ra ai gaw Balak na wu yang, shi hpe tau la na nga, Moba mung htum na lamu ga jarit Arnon hka kau e nga ai Moba mung na mare de pru sa wa ai.

TARA JAHPRANG 2:13

Ya rawt nna Zered hkaraw hpe rap mu, nga nna tsun ai hte maren Zered hkaraw hpe anhte rap ga ai.

TARA JAHPRANG 2:18

‘Nang dai ni Moba lamu ga jarit na Ara ginwang hku ga lai wa na rai ndai.

TARA JAHPRANG 2:24

Ya rawt nna hkawm sa wa mu; Arnon hkaraw rap manu: yu u, Amori masha Heshesbon hkawhkam Sihon hte shi a lamu ga na a lata hta ngai ap ya sade ai; ga dai madu la magang na shi hpe sa gasat u.

TARA AGYI 11:18

Dai hpang, nam mali lam ga sa wa let, Edom mung hte Moba mung hpe kawai nna, Moba mung a sinpraw maga garet wa nhtawm, Arnon hka wora hkran e dap jung ma ai: dai shaloi, Arnon hka gaw Moba mung a lamu ga jarit rai nga ai majaw, Moba mung de shanhte n kabye ma ai.