BU HKAWM 20:8 - Jinghpaw Hanson Version Bible

⁸ “Dai dawhkrawng la nna, na nhpu Arun hte sa nhtawm shawa hpawng hpe jahpawng tawn u: shing rai shanhte a man e dai nlung hpe, tinang a ntsin shapraw na tsun u; shaloi dai nlung hta na nang shanhte a matu ntsin shapraw lu na ra ai; shing rai, dai shawa hpung hta shanhte a yamnga ni hpe nang ntsin jaw lu lu na ra ai,” ngu wu ai.

Jinghpaw Common Language Bible 2009

⁸ “Ga Shaka Sumpu a man na dawhkrawng la u; dai hpang nang hte Arun gaw shawa hpung ting hpe jahpawng tawn da na rai myit dai. Shaloi shanhte yawng a man e dai nlung kaw na hka shapraw ya na lam tsun na rai ndai; hka mung dai kaw na kahpawk pru wa na ra ai. Ndai hku nna amyu masha ni a matu nlung kaw na hka pru wa nhtawm shanhte mung, yam nga ni mung lu lu na rai ma ai,” ngu nna tsun wu ai.

BU HKAWM 20:8 ပူးပေါင်းရင်းမြစ်များ

NINGPAWT NINGHPANG 18:14

Yehowa n di lu ai amu lama mi nga a ni? Nhtoi gu jang ngai nang hpang de bai du na ring ngai rai nna, Sara gaw shadang sha lu na ra ai,” ngu wu ai.

NEHEMIA 9:15

shanhte kawsi yang, lamu ntsa na muk, hpang kara yang, lunghkrung na ntsin, nang shapraw jaw nna, shanhte hpe jaw na nga, nang dagam da ai mung hpe, shang madu lu na, nang shanhte hpe hkang da mu ai.”

SHAKAWN KUNGDAWN 105:41

Lunghkung hpe shi hpaw nna, ntsin pru nga ai; Hkraw ai shara e hka zawn, dai lwi nga ai.

SHAKAWN KUNGDAWN 114:8

Shi gaw lunghkrung hpe hka lawng, Nhpai lung hpe, hka hpaw shara shatai wu ai.

SHAKAWN KUNGDAWN 33:9

Kaning rai nme law, shiga tsun nna byin nga ai, Shi htet da nna shi a ga grin nga ai.

PRU MAT 14:16

Nang chyawm gaw na a dawhkrawng sharawt nna dai nawng ntsa de na lata ladawn ai hte dai hpe jahka u; shaloi Israela kashu kasha ni dai nawng hta hkarang hku hkawm sa wa na rai ma ai.

PRU MAT 17:9

Dai majaw Mawshe gaw, “Yawshu hpe, Masha lata la nna Amalek ni hpe gasat na pru su; hpawt de, Karai Kasang a dawhkrawng lang nna, dai kawng pungding e ngai tsap nga na ring ngai,” ngu nna tsun wu ai.

PRU MAT 4:17

Dai hta n-ga, nang madun na ra ai lamik kumla a matu dawhkrawng dai mung na a lata hta ngang lang nga ju na rai ndai,” ngu nna tsun dat wu ai.

PRU MAT 4:2

Dai majaw Yehowa gaw, “Dai nang lang ai hpa rai lit ta?” ngu wu yang, shi gaw, “Dawhkrawng rai li ai,” ngu wu ai.

PRU MAT 4:20

Shaloi Mawshe gaw shi a madu jang hte kasha yan hpe woi nna lawze shajawn let Egutu mung de bai sa wa ai: Mawshe gaw Karai Kasang a dawhkrawng mung shi a lata hta lang da wu ai.

PRU MAT 7:20

Shing rai Mawshe yan Arun gaw Yehowa hkang da ai hte maren galaw nna, shi gaw shi a dawhkrawng hte Hpara-u a man e mung, shi a agyi salang ni a man e mung, dai hka nu hpe kayat nna, hka nu na hka yawng gaw asai tai mat wa ai.

ESAIA 43:20

Nam na ashu ashan ni mung, nam gwi ni hte u gawla-uk ni mung, ngai hpe shagrau na mara ai: kaning rai nme law, ngai lata la ai nye a amyu masha ni lu hpa lu nna,

ESAIA 48:21

Shi shanhte hpe akrin daleng hku woi wa yang, shanhte hpang kara hkrum ma ai n rai: shi shanhte a matu lunghkrung hta na ntsin lwi shangun wu ai: shi gaw lunghkrung hpe pyi shaga nna hka lwi nga ai.

BU HKAWM 20:11

Mawshe gaw shi a lata sharawt nna, dai lunghkrung hpe dawhkrawng hte lahkawng lang kayat wu ai: shaloi ntsin law law wa pru wa nna, shawa masha ni hte shanhte a yamnga ni ntsin lu lu ma ai.

BU HKAWM 20:7

Yehowa mung Mawshe hpe tsun wu ai gaw,

BU HKAWM 21:15

Ara mare du hkra rawi rai dun hkrat ai, Kadit ni a malun ni, nga nna de a lam Yehowa a hpyen majan laika hta kajai nga ai.

BU HKAWM 21:18

Hka htung dai hpe du agyi ni htu manu ai, Amyu masha ni hte arawng lu ai ni tawk manu ai, Sumdoi hte tinang dawhkrawng ni hte hpaw manu ai, nga nna mahkawn mangoi ma ai. Dai nam mali kaw nna Matana de;

MAHTE 21:21

Yesu gaw, “Nanhte hpe ngai teng teng tsun made ga, Nanhte kamsham ai myit rawng nna, kam shut ai hpa mung n lawm yang gaw, ndai maihpang hpun hta byin wa ai hta n-ga, nanhte galaw lu na hte, ndai bum hpe, Nang baw mat nna, nawng hta e htawt bang mat u, ngu nna nanhte tsun mu yang gaw, dai byin na ra ai.

LUKA 11:13

Dai rai nna, nanhte n hkru nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw, shi e hpyi ai ni hpe dai Chyoi pra ai Wenyi jaw na n rai hka!” ngu nna tsun mu ai.

YAWHAN 16:24

Ya du hkra nye a amying hta gang nna, nanhte hpa mung n hpyi yu myit dai: nanhte a kabu gara ai hpring tup wa hkra, lu la na matu, hpyi nga mu.

KASA 1:14

Shanhte nlang hte gaw, numsha ni hte Yesu a kanu Mari hte mung, shi a kanau ni hte mung, myit langai sha hte akyu hpyi shaja let nga nga ma ai.

YAWSHU 6:20

Shing rai shawa masha ni jahtau nna, hkinjawng ni pahtau dum ma ai: shawa masha ni pahtau mahku na jang, shanhte nsen kaba hte garu dat ma ai rai nna, dai bunghku gaw yan ting daw ru mat wa ai; shaloi masha nlang tinang man ang ai kaw nna mare de shang wa nna, dai mare hpe madu la lu ma ai.

YAWSHU 6:5

Shing rai shanhte gaw garu pahtau hte mahku galu wa dum dat nna, dai pahtau mahku nanhte na jang, masha nlang nsen shaja nna jahtau garu dat na rai myit dai: shaloi mare bunghku yan ting gaw daw ru mat wa na ra ai rai nna, kadai mung tinang man ang ai kaw nna shang wa na rai myit dai,” ngu wu ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.