BU HKAWM 20:5 - Jinghpaw Hanson Version Bible

⁵ Egutu mung na anhte hpe shapraw la nhtawm, ndai ruyak ai shara de hpa majaw anhte hpe gawt wa myit ta? ya ndai yang yi hkauna galaw n mai; maihpang si, tsabyi si, hkainu si mung hkai sha n mai; lu na ntsin pyi n nga ai,” ngu nna aput mu ai.

Jinghpaw Common Language Bible 2009

⁵ Nang anhte hpe hpa majaw Egutu mung kaw nna woi shapraw wa nhtawm yu myit htum na zawn re ai hpa mung n tu ai ndai shara de woi wa n ni? Ndai yang e nai mam mung, maihpang si, sabyi si hte hkainu si hpun ni hpa mung n tu nga ai; lu hka ntsin pyi n nga ai shara rai nga ai,” ngu nna aput let tsun ma ai.

BU HKAWM 20:5 ပူးပေါင်းရင်းမြစ်များ

NEHEMIA 9:21

Rai sa, nang shanhte hpe nam mali hkan e, mali shi ning tup n taw n tsang bau sin mu ai rai nna, shanhte a hpun palawng dingsa wa ai, n rai; shanhte a lagaw mung n bum malu ai.

YEREMIA 2:2

Yehowa ning nga ai; “Na a ram prat e hkam la ai chyeju hpe mung, nang mahtan da ai tsawra myit hpe mung, nli n mai gat ai hkun hkraw ai shara hta e, nang ngai kaw hkan nang nga ai hpe mung, ngai dum nngai.

YEREMIA 2:6

Shanhte gaw, Egutu mung na anhte hpe woi wa nna, nam mali hku, zaibru jang hte nhkun sawng ai mung, hkun hkraw ai hte si du a shingnip ka-up ai mung, kadai n lai yu ai hte masha kata ai mung hku woi ga wa ai Yehowa gaw kanang rai nga a ta? nga nna n san ma ai.

EZEKELA 20:36

Nanhte a nji nwa ni hpe, Egutu mung na nam mali e dawdan ai hte maren, ngai nanhte hpe dawdan na nngai,” nga nna Madu Yehowa tsun ai.

BU HKAWM 16:14

Dai hta n-ga, nga chyu hte lagat jahku lwi ai mung de nang anhte hpe n woi wa; yi hkauna tsabyi sun sali mung n jaw re ai: ndai masha ni a myi baw kau ya mayu nni? an n lung na ga ai,” ngu nna htan dat mu ai.

BU HKAWM 20:24

Arun gaw shi a amyu hpawng nga ai de wa na rai sai; Meriba ngu ai hka makau e nan nye a ga hpe nhtan jashai myit dai majaw, Israela kashu kasha ni hpe ngai jaw ai mung de, shi shang lu na n rai.

BU HKAWM 27:14

kaning rai nme law, Zin nam mali e shawa hpung gaw ngai hpe gumlau ai shaloi, nan mung nye a ga hte nhtan shai nna, dai hka kau shanhte a man e ngai hpe n shagrau n sha a ai yubak lu myit dai,” ngu nna tsun wu ai. Dai hka chyawm gaw, Zin nam mali, Kadesha shara na Meriba ngu ai hka rai nga ai.

TARA JAHPRANG 8:15

wan lapu hte n-gawgawk sawng nna lu na ntsin kata kawsi hpang gara let ai shata, dai hkrithpa mali kaba a ka-ang hku nang hpe woi wa nna, nhpai lungkring hta na ntsin shapraw jaw ai wa;