BU HKAWM 20:24 - Jinghpaw Hanson Version Bible

²⁴ Arun gaw shi a amyu hpawng nga ai de wa na rai sai; Meriba ngu ai hka makau e nan nye a ga hpe nhtan jashai myit dai majaw, Israela kashu kasha ni hpe ngai jaw ai mung de, shi shang lu na n rai.

Jinghpaw Common Language Bible 2009

²⁴ “Israela ni hpe jaw na ngu nna ngai ga sadi tawn da ai mungdan de Arun shang lu na n rai; nan lahkawng mahtang Meriba shara e nye a hkang da ai ga hte nhtan shai nna gumlau manit dai majaw si na rai ndai.

BU HKAWM 20:24 ပူးပေါင်းရင်းမြစ်များ

NINGPAWT NINGHPANG 15:15

Nang chyawm gaw nji nwoi ni kaw ngwipyaw ai hte wa lu na rin dai; aprat nga nna makoi mayang dat ai nang hkrum na ndai.

NINGPAWT NINGHPANG 25:17

Ishmaela hkrung nga ai nhtoi hte gaw latsa e sumshi sanit ning rai lu ai; shaloi shi nsa htum nna si mat ai; shing rai shi a kaji kawoi hpawng nga ai de shi du wa ai.

NINGPAWT NINGHPANG 25:8

Shaloi Abraham gaw aprat kaba nna dingla sai hte, nhtoi dik ai hta nsa htum nna si mat wa ai: shing rai shi a kaji kawoi hpawng nga ai de shi du wa ai.

NINGPAWT NINGHPANG 35:29

Shaloi shi dingla nna nhtoi dik ai hta nsa hkyet si mat nna shi a amyu hpawng ai de du wa mat ai shi a shadang sha Esaw yan Yaku gaw shi hpe makoi mayang mu ai.

NINGPAWT NINGHPANG 49:29

Dai hta kaga shi shanhte hpe, Nye a amyu hpawng nga ai de ngai wa na ni ai; dai rai nna Heti masha Ehprun a pa na ginlawng hku hta ngai wa ni hte rau ngai hpe lup makoi mi:

NINGPAWT NINGHPANG 49:33

Shing rai Yaku gaw shi a shadang sha ni hpe azin ayang tsun da ngut jang, shi a lagaw yup ku de dawm la nhtawm nsa hti nna shi a amyu hpawng nga ai de du wa mat ai.

2 HKAWHKAM LABAU 34:28

Yu u, ngai nang hpe na nji nwa ni hte rau jahpawng da nna, nang gaw ngwipyaw ai hte na a lup hta shang lu na rin dai; ndai shara ntsa e mung, dai hta e nga nga ai ni a ntsa e mung, ngai shapraw ai tsin-yam tsindam hpe na a myi hte mu lu na n rai, ngu mu,” ngu nna tsun dat mu ai. Shing rai shanhte bai wa nna, hkawhkam wa hpe dai ga htawn tsun dan mu ai.

PRU MAT 17:7

Dai Kaw e Israela kashu kasha ni gaw, “Yehowa anhte hta nga nga ai kun, n nga nga ai kun,” nga nna Yehowa hpe chyam dinglik yu ai hte ndang kalang hkat ai lam a majaw, shara dai hpe ‘Masa’ ngu nna mung, ‘Meriba’ ngu nna mung shamying mu ai.

BU HKAWM 20:26

Arun a hpun palawng raw la nna, shi a kasha Eleaza hpe jahpun u: Arun chyawm gaw dai yang e si nna, shi a amyu hpawng nga ai de wa na rai nga ai,” ngu wu ai.

BU HKAWM 20:5

Egutu mung na anhte hpe shapraw la nhtawm, ndai ruyak ai shara de hpa majaw anhte hpe gawt wa myit ta? ya ndai yang yi hkauna galaw n mai; maihpang si, tsabyi si, hkainu si mung hkai sha n mai; lu na ntsin pyi n nga ai,” ngu nna aput mu ai.

BU HKAWM 27:13

Dai hpe mada la ngut jang, na nhpu Arun tinang amyu hpawng nga ai de wa ai zawn, nang mung wa na rai ndai:

BU HKAWM 31:2

“Israela kashu kasha ni hpe woi shut ai matu Midian masha ni hpe matai htang mu: shing rai nna she, nang na amyu hpawng nga ai de wa na rai ndai,” ngu wu ai.

BU HKAWM 4:27

Gershon a kashu kasha ni gaw, tinang galaw na hte gun hpai na amu shagu hta, Arun hte shi a shadang sha ni karan hpajang ya ai hte maren, lit gun hpai na rai ma ai: nanhte shanhte a matu tinang lit tawn da na rai mu ai.

TARA JAHPRANG 32:50

na nhpu Arun, Hora bum e si ai rai nna shi a amyu hpawng nga ai de du wa ai zawn, nang mung, ndai nang lung wa ai bum e si nna, na amyu hpawng nga ai de wa nu:

TARA JAHPRANG 33:8

Lewi hpe gaw, Na a Htumim hte Urim tengman ai ai wa lang nga ai; Masa shara e nang shi hpe dinglik yu nit dai, Meriba hka makau e nang shi hte ndang hkat yu nit dai:

YAWSHU 2:9

“Yehowa ndai mungdan nanhte hpe jaw kau sai mung, nanhte hpe anhte hkrit mak mat nna, nanhte a majaw mung masha ni nlang minla byaw mat masai mung, ngai chye ni ai.

TARA AGYI 2:10

Shing rai, Yawshu aprat dep ai masha ni nlang kaji kawa ni hpawng nga ai de du ma masai: dai ni a hpang e, Yehowa hpe mung n chye, Israela matu shi galaw ya ai amu lam ni hpe mung n chye re ai, htawm hpang na kashu kasha ni a aprat du ra ai.