BU HKAWM 20:22 - Jinghpaw Hanson Version Bible

²² Shaloi shanhte gaw Kadesha kaw na htawt nna, Israela kashu kasha ni a shawa hpung ting gaw Hora bum de du ma ai.

Jinghpaw Common Language Bible 2009

²² Israela shawa hpung ting gaw Kadesha kaw nna pru mat wa nhtawm Edom lamu ga jarit e nga ai Hora Bum de du ma ai.

BU HKAWM 20:22 ပူးပေါင်းရင်းမြစ်များ

EZEKELA 47:19

Dingda maga jarit gaw, Tamara kaw nna, Meribot-kadesha hka htung ni hte Egutu hka shi lai, nammukdara kaba du hkra, rai na ra ai. Dai gaw dingda de na lamu ga jarit rai nga ai.

EZEKELA 48:28

Ya Gad mungdaw dingda jarit gaw, Tamara kaw nna, Meribot-kadesha hka htung ni hte Egutu hka shi lai, nammukdara kaba du hkra, rai na ra ai.

BU HKAWM 13:26

Bai wa ma yang shanhte gaw Mawshe yan Arun hte Israela kashu kasha hpung ting nga ai Paran mali Kadesha ngu ai shara de du wa nna, dai yan hte shawa hpung ting hpe shiga tsun dan let, dai mung na namsi ni madun dan mu ai.

BU HKAWM 20:1

Ya Israela kashu kasha ni a hpung nlang hte gaw, shata langai ngu na hta Zin ngu ai nam mali de du nna, amyu masha ni gaw Kadesha shara e nga nga ma ai: dai yang e Miriam si nna lup makoi ma ai.

BU HKAWM 20:14

Ya Mawshe gaw Kadesha kaw nna Edom hkawhkam hpang de kasa shangun dat nna, “Na nnau Israela ning nga dat ai: Anhte hkrum ai nni nkri yawng hpe nang chye nga ndai;

BU HKAWM 20:16

dai rai nna, anhte Yehowa hpe jahtau shaga yang shi lamu kasa shangun dat nna Egutu mung na anhte hpe hkrang shaw la mi ai: ya, yu u, na lamu ga shingnawm Kadesha mare e anhte nga nga ga ai.

BU HKAWM 21:4

Ya shanhte Hora bum na htawt nna, Edom mung hpe hkawm kawai wa na matu, nawng hkyeng lam hku hkawm wa ma ai: dai lam hta hkawm sa yak ai majaw amyu masha ni myit htum shajang ma ai.

BU HKAWM 34:7

Dingdung ngu na lamu ga jarit gaw, nammukdara kaba kaw nna Hora bum hprat rai na rai nga ai;

TARA JAHPRANG 1:46

Shing rai nanhte gaw Kadesha shara e nga nga nna, dai kaw e na na wa hkring kau mu ai.