BU HKAWM 20:15 - Jinghpaw Hanson Version Bible

¹⁵ anhte a ji wa Egutu mung de yu wa ma ai rai nna dai yang na na wa anhte nga kau saga ai; Egutu masha ni mung anhte hte anhte a ji wa ni hpe zingri zingrat di mi ai:

Jinghpaw Common Language Bible 2009

¹⁵ anhte gaw dai mung e shaning law law nga kau da nhtawm anhte hkrum sha kau saga ai nni nkri yak hkak lam ni hpe nang chye nga ndai. Dai Egutu masha ni mung anhte a kaji kawa ni hte anhte hpe zingri zingrat di mi ai;

BU HKAWM 20:15 ပူးပေါင်းရင်းမြစ်များ

NINGPAWT NINGHPANG 15:13

Shaloi Yehowa Abram hpe tsun wu ai gaw, “Da ndai chye da nga u: na a kashu kasha ni gaw, shanhte hte n seng ai mung hta manam sa tai nga na mara ai rai nna, dai mung na masha ni a yam sha ai hte zingri zingrat ai hpe mali tsa ning tup hkrum nga na mara ai:

NINGPAWT NINGHPANG 46:6

Hkanan mung e shanhte lu ai yamnga ni hte sutgan rai ni hpe mung la nna Egutu mung de sa wa ma ai:

NINGPAWT NINGHPANG 46:7

shing rai Yaku gaw shi hkum hte shi a shayi shadang sha ni ngu ai, shi a kashu kasha ni hte shanhte a matu mara ni mahkra hte hpawn, Egutu mung de yu hkrat wa ma ai.

2 SAMUELA 12:18

Shing rai, sanit ya du jang ma dai si mat ai; Dawi a ali ama ni mung, “Ma dai naw hkrung nga yang pyi, anhte a ga n madat lu ai gaw, ma si ai lam tsun dan jang, je grau nna shi a hkum hpe zingri na ru ai,” nga nna ma si ai lam Dawi hpe n tsun dan wam mu ai.

PRU MAT 1:16

Nan Hebre numsha ni hpe shangai karum nna, dai shangai punghkum hta shanhte ma shangai nga yang, lasha rai yang gaw sat kau ya mu, numsha rai jang chyawm gaw jahkrung da mu, ngu nna hkang dam u ai.

PRU MAT 1:22

Bai Hpara-u gaw shi a mung masha ni nlang hte hpe hkang da nna, Shangai tawn ai lasha ma yawng hte hpe hka hta kabai bang kau ya mu; numsha ma hpe chyawm gaw jahkrung da ya mu, ngu nna tsun dan mu ai.

PRU MAT 12:40

Ya Israela kashu kasha ni Egutu mung e sa shingbyi nga ai aprat gaw, mali tsa e sumshi ning rai malu ai.

PRU MAT 5:14

Hpara-u a hpareng ni san tawn da ai Israela amyu hta na bu ni hpe mung, Shawng de na shadang hte maren, dai ni mung, mani mung wut galaw ai amu hpa rai n shangut myit ta? nga nna san let, shanhte hpe anu kayat mu ai.

BU HKAWM 11:5

Egutu mung e pagawn sha lu ai anga, kumgyin, gyinshau, gaubawng, shakau, hparaw re ai ni anhte dum ga ai:

BU HKAWM 16:13

ndai nam mali hta nang anhte hpe sat kau lu hkra, nga chyu hte lagat jahku lwi ai mung nna nang anhte hpe shapraw kau ai wa pyi n ram dum ai; ya mung anhte a ntsa e du agyi naw tai mayu n hka i?

BU HKAWM 20:14

Ya Mawshe gaw Kadesha kaw nna Edom hkawhkam hpang de kasa shangun dat nna, “Na nnau Israela ning nga dat ai: Anhte hkrum ai nni nkri yawng hpe nang chye nga ndai;

BU HKAWM 20:16

dai rai nna, anhte Yehowa hpe jahtau shaga yang shi lamu kasa shangun dat nna Egutu mung na anhte hpe hkrang shaw la mi ai: ya, yu u, na lamu ga shingnawm Kadesha mare e anhte nga nga ga ai.

KASA 7:15

Yaku mung Egutu mung de du yu wa nna, shi hkum hte anhte a aji daju ni yawng si mat wa masai;

KASA 7:19

Dai hkawhkam wa gaw, anhte a baw sang ni hpe hpaji hte manai nna, ma chyangai ni hpe n jahkrung da lu hkra kabai kau na lam hte, ji wa ni hpe zingri zingrat mu ai.

TARA JAHPRANG 26:6

Egutu masha ni mung anhte hpe nhtum nni, zingri zingrat ai hte aja awa yam sha kau mi ai: