BU HKAWM 20:14 - Jinghpaw Hanson Version Bible

¹⁴ Ya Mawshe gaw Kadesha kaw nna Edom hkawhkam hpang de kasa shangun dat nna, “Na nnau Israela ning nga dat ai: Anhte hkrum ai nni nkri yawng hpe nang chye nga ndai;

Jinghpaw Common Language Bible 2009

¹⁴ Mawshe gaw Kadesha kaw nna Edom hkawhkam hpang de kasa shangun dat wu ai. Shanhte gaw, “Ndai mungga gaw na a sai rum, Israela amyu masha ni kaw na rai nga ai. Anhte a kaji kawa ni Egutu mung de du yu wa nna,

BU HKAWM 20:14 ပူးပေါင်းရင်းမြစ်များ

NINGPAWT NINGHPANG 25:23

Dai rai nna Yehowa gaw, “Na a hkum hta amyu lahkawng rawng nga lit dai, Hkritung nna pyi amyu lahkawng karan nga ma ai; Amyu mi gaw amyu mi hta grau nna n-gun ja na ra ai, kaba ai wa mahtang kaji ai wa kaw yam na ra ai,” ngu nna shi hpe htan dat wu ai.

NINGPAWT NINGHPANG 25:25

Shawng shangai pru ai wa mahtang gaw, mun tu ai nba zawn hkum ting hkyeng nga ai: dai majaw shi hpe Esaw ngu nna shamying mu ai.

NINGPAWT NINGHPANG 25:26

De a hpang e kanau wa gaw, Esaw a lahtin manat let shangai pru wa ai; dai rai nna shi hpe Yaku ngu nna shamying mu ai: dai kasha yan hpe shaprat ai shaloi, Isak a asak kru shi ning du sa lu ai.

NINGPAWT NINGHPANG 32:29

Shaloi dai wa gaw, Na a amying htawm hpang de Yaku ngu lu na n rai: Israela ngu na rai lit dai: kaning rai nme law, nang gaw Karai Kasang hte mung, masha hte mung gasat hkat nna dang kau nit dai ngu wu ai.

PRU MAT 18:8

Shaloi Mawshe gaw shi a katsa hpe, Yehowa Israela matu Hpara-u hte Egutu masha ni hta galaw ai amu lam nlang hte mung, lam hkan e shanhte hkrum hkra ai lam nlang hte hte Yehowa shanhte hpe kaning di mawai la ai lam hpe mung, hkai dan wu ai.

AMO LAIKA (AMOS) 1:11

Yehowa ning nga ai: Edom amyu a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shi gaw matsan hpa n dum ai, kahpu kanau wa hpe nhtu hte hkan shachyut let, pawt sindawng ai hte tut tut amya je kau nna, masin galoi n si hkraw ai.

MALAHKI 1:2

Ngai nanhte hpe tsawra ni ai, nga nna Yehowa tsun ai. Nanhte mahtang, Nang anhte hpe kaning rai tsawra n ta? nga nna san myit dai. Ataw, Esaw gaw Yaku a kahpu, n rai ni? rai timung ngai Yaku hpe tsawra nngai:

BU HKAWM 13:26

Bai wa ma yang shanhte gaw Mawshe yan Arun hte Israela kashu kasha hpung ting nga ai Paran mali Kadesha ngu ai shara de du wa nna, dai yan hte shawa hpung ting hpe shiga tsun dan let, dai mung na namsi ni madun dan mu ai.

BU HKAWM 20:15

anhte a ji wa Egutu mung de yu wa ma ai rai nna dai yang na na wa anhte nga kau saga ai; Egutu masha ni mung anhte hte anhte a ji wa ni hpe zingri zingrat di mi ai:

BU HKAWM 20:22

Shaloi shanhte gaw Kadesha kaw na htawt nna, Israela kashu kasha ni a shawa hpung ting gaw Hora bum de du ma ai.

TARA JAHPRANG 23:7

Edom masha hpe chyawm gaw n ju n yawt rai lu na n rai; shi gaw na hpunau wa rai nga ai: Egutu masha hpe mung n ju n yawt rai lu na n rai: nang shi a mungdan hta manam tai nga yu nit dai.

YAWSHU 2:10

Kaning rai nme law, Egutu mung na nanhte pru wa ai shaloi, Nawng Hkyeng hka hpe Yehowa shahkyet kau ai hte, Yawdan hka wora hkran e nanhte atsai awai hpya kau ai Amori hkawhkam Sihon yan Oga hpe nanhte di ai amu lam ni anhte na saga ai.

YAWSHU 2:9

“Yehowa ndai mungdan nanhte hpe jaw kau sai mung, nanhte hpe anhte hkrit mak mat nna, nanhte a majaw mung masha ni nlang minla byaw mat masai mung, ngai chye ni ai.

YAWSHU 9:10

Yawdan hka sinpraw hkran, Hesbon e dung ai hkawhkam Sihon hte, Ashtarot e dung ai Bashan hkawhkam Oga ngu ai Amori hkawhkam yan hta galaw ai lam yawng mayawng hpe mung anhte na ma saga ai.

YAWSHU 9:9

Shaloi shanhte gaw, “Na a Karai Kasang Yehowa a amying ningsang majaw, na a mayam ni nachying tsan ai mung kaw nna du ra ga ai: shi a gumhkawng ai shiga hpe mung, Egutu mung e galaw ai lam yawng mayawng hpe mung,