BU HKAWM 20:13 - Jinghpaw Hanson Version Bible

¹³ Israela kashu kasha ni Yehowa hte ndang kalang hkat timung, shi shanhte hta shagrau sha a shara rawng nga ai majaw, hka dai hpe Meriba ngu wu ai.

Jinghpaw Common Language Bible 2009

¹³ Israela amyu masha ni dai Madu hpe aput angun ai hte shi chyoi pra nga ai lam shanhte hpe madun dan nu ai gaw Meriba e byin nga sai.

BU HKAWM 20:13 ပူးပေါင်းရင်းမြစ်များ

SHAKAWN KUNGDAWN 81:7

Ru tsang hkrum yang nang shaga nna, ngai nang hpe mawai la de ai; Mu ngoi ai nsen hte ngai nang hpe htan ya de ai: Meriba hka makau e, ngai nang hpe chyam yu de ai. [Selah.]

SHAKAWN KUNGDAWN 81:8

Nye a amyu e, madat u, ngai matsun tsun da na nngai. Israela e, nang nye a ga hpe chye madat taw e!

SHAKAWN KUNGDAWN 95:8

Meriba hte, nam e nga ai Masa a makau na zawn, Nanhte a myit masin hpe hkum shaja myit.

PRU MAT 17:7

Dai Kaw e Israela kashu kasha ni gaw, “Yehowa anhte hta nga nga ai kun, n nga nga ai kun,” nga nna Yehowa hpe chyam dinglik yu ai hte ndang kalang hkat ai lam a majaw, shara dai hpe ‘Masa’ ngu nna mung, ‘Meriba’ ngu nna mung shamying mu ai.

ESAIA 5:16

Zaw nawng zaw wa up ai Yehowa chyawm gaw, tara hte shagrau ai hkrum nna, Chyoi pra re ai Karai Kasang gaw, dinghpring ai hte chyoi pra na ra ai.

EZEKELA 20:41

Nanhte bra nga ai amyu ni hta na mung, nanhte ayai kau hkrum ai mungdan ni hta na mung, ngai nanhte hpe shinggyin la nna zuphpawng shangun yang, manam pyaw ai baw hpe zawn, ngai nanhte hpe hkap la nna, maigan amyu ni a man e, nanhte a jaw e, arawng sadang dan hkung na nngai.

EZEKELA 36:23

Maigan amyu ni a ka-ang e, nanhte awu asin di kau ai, nye a galu kaba ai mying hpe ngai shagrau sha-a na nngai: ngai gaw nanhte a jaw e shanhte a man e, shagrau sha-a ai hkrum nngai shaloi e, ngai Yehowa rai nga ai hpe, maigan amyu ni chye lu na mara ai,” nga nna Madu Yehowa tsun ai.

EZEKELA 38:16

mungdan hpe sumwi ka-up ai zawn, nye a amyu Israela hpe lung gasat na ndai; shing rai, Goga e, maigan amyu ni a man e na a jaw e ngai shagrau sha-a ai hkrum ai shaloi, shanhte ngai hpe chye lu hkra, hpang jahtum ai aten e ngai nang hpe nye a mungdan de woi jashawn na nngai.”

TARA JAHPRANG 32:51

kaning rai nme law, Zin nam mali, Kadesha shara na, Meriba hka kau e, Israela kashu kasha ni a hpawng ka-ang e nan ngai e n shagrau n sha-a myit dai.

TARA JAHPRANG 33:8

Lewi hpe gaw, Na a Htumim hte Urim tengman ai ai wa lang nga ai; Masa shara e nang shi hpe dinglik yu nit dai, Meriba hka makau e nang shi hte ndang hkat yu nit dai: