BU HKAWM 20:11 - Jinghpaw Hanson Version Bible

¹¹ Mawshe gaw shi a lata sharawt nna, dai lunghkrung hpe dawhkrawng hte lahkawng lang kayat wu ai: shaloi ntsin law law wa pru wa nna, shawa masha ni hte shanhte a yamnga ni ntsin lu lu ma ai.

Jinghpaw Common Language Bible 2009

¹¹ Dai hpang Mawshe gaw dawhkrawng sharawt nna dai lunghkrung hpe lahkawng lang kayat dat wu ai hte hka shi kaba langai kahpawk pru wa nhtawm amyu masha ni yawng hte yam nga ni hka lu lu ma ai.

BU HKAWM 20:11 ပူးပေါင်းရင်းမြစ်များ

1 HKAWHKAM LABAU 15:13

Shawng de lang mi nanhte n hpai nna, tara hte maren shi hpe n tam ai majaw, anhte a Karai Kasang Yehowa anhte hpe ari jaw mi ai,” ngu nna tsun mu ai.

1 HKAWHKAM LABAU 15:2

Shaloi Dawi gaw, “Lewi masha ni hta kaga, Karai Kasang a sakse sumpu hpe kadai mung mai hpai na n rai: Karai Kasang a sakse sumpu hpe hpai na hte, shi a man e tutnawng daw jau na matu, Yehowa shanhte hpe lata la mu ai,” nga ai.

SHAKAWN KUNGDAWN 105:41

Lunghkung hpe shi hpaw nna, ntsin pru nga ai; Hkraw ai shara e hka zawn, dai lwi nga ai.

SHAKAWN KUNGDAWN 114:8

Shi gaw lunghkrung hpe hka lawng, Nhpai lung hpe, hka hpaw shara shatai wu ai.

SHAKAWN KUNGDAWN 74:15

Hka deng hte hka shi hpe nang shalwi nit dai; Tut tut a lwi nga ai hka nu ni hpe, nang shahkyet kau manu ai.

SHAKAWN KUNGDAWN 78:15

Nam na lunghkrung ni hpe shi jaga nna, Sung la ai hka hta na zawn, shanhte hpe shalu mu ai.

SHAKAWN KUNGDAWN 78:16

Dai nlung hta na hka shi shapraw dat nna, Hka nu zawn ntsin lwi shangun mu ai.

SHAKAWN KUNGDAWN 78:20

Yu mu, dai lunghkrung hpe shi kayat wu yang, Hka kahpawk pru wa nna, hka shi ni lwi ma ai. Muk mung, shi jaw lu na a kun? Shi amyu a matu ashan san ya lu na a kun?” nga ma ai.

PRU MAT 17:6

Yu u, Horeb bum na lunghkrung ntsa hta na a man e ngai tsap nga na ring ngai; nlung dai hpe nang kayat na wu ai rai nna, amyu masha ni lu na matu, dai nta na ntsin lwi pru na ra ai,” ngu nna tsun wu ai. Mawshe mung Israela a agyi salang ni a man e shing di galaw wu ai.

ESAIA 43:19

Yu mu, amu ningnan ngai galaw na nngai; ya pyi byin pru na ra ai; dai hpe nanhte n chye myit ni? Gaja wa, nam mali hkan e nmaw lam, hkraw hkun ai shara e hka nu hka shi, ngai shapraw na we ai.

ESAIA 48:21

Shi shanhte hpe akrin daleng hku woi wa yang, shanhte hpang kara hkrum ma ai n rai: shi shanhte a matu lunghkrung hta na ntsin lwi shangun wu ai: shi gaw lunghkrung hpe pyi shaga nna hka lwi nga ai.

HOSEA 13:5

Hkun hkraw ai shara ngu ai, nam mali e, ngai nang hpe chye ni ai.

JAW JAU 10:1

Ya Arun a shadang sha Nadab yan Abihu gaw tinang hte seng ai wan ban pa la nna, wan bang nhtawm, lawban mara ngut jang, Yehowa a man e Yehowa hkang da ai wan n re ai, wan shaje hte nat jau mu ai.

BU HKAWM 20:8

“Dai dawhkrawng la nna, na nhpu Arun hte sa nhtawm shawa hpawng hpe jahpawng tawn u: shing rai shanhte a man e dai nlung hpe, tinang a ntsin shapraw na tsun u; shaloi dai nlung hta na nang shanhte a matu ntsin shapraw lu na ra ai; shing rai, dai shawa hpung hta shanhte a yamnga ni hpe nang ntsin jaw lu lu na ra ai,” ngu wu ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

1 KORINHTU 10:4

yawng gaw wenyi luhpa ra ra lu ma ai: kaning rai nme law, shanhte kaw hkan nang nga ai wenyi lunghkrung hta na, shanhte lu ma ai rai nna, dai lunghkrung gaw Hkristu rai nga ai; dai lam hte hpe nanhte n chye na ai nga na hpe, ngai n ra nngai.

TARA JAHPRANG 8:15

wan lapu hte n-gawgawk sawng nna lu na ntsin kata kawsi hpang gara let ai shata, dai hkrithpa mali kaba a ka-ang hku nang hpe woi wa nna, nhpai lungkring hta na ntsin shapraw jaw ai wa;

YAKU 1:20

kaning rai nme law, masha a masin pawt ai gaw, Karai Kasang a dinghpring ai lam hpe shachyen nga lu ai n rai.

TARA AGYI 15:19

Karai Kasang chyawm gaw Lehi shara na hkamwam hpaw ya wu ai rai nna, dai kaw na ntsin pru wa ai; shaloi shi ntsin lu ngut jang, nsa awai lu nna bran wa ai: dai re ai majaw hkamwam dai hpe Em-hakore ngu nna shamying da wu ai: dai gaw dai ni du hkra Lehi shara e nga nga ai.

1 SAMUELA 15:19

Yehowa a ga n madat ai mi, masha hpyen ni a rai htawm wa nna, Yehowa man e n shawp ai amu shapraw ai gaw, hpa majaw rai ta?” ngu nna tsun wu ai.

1 SAMUELA 15:24

Shaloi Shawlu gaw, “Ngai shut ni ai; masha ni hpe hkrit nna, shanhte a ga madat kau ai majaw, Yehowa a ga hpe mung, na a ga hpe mung, tawt kau ni ai.