BU HKAWM 2:31 - Jinghpaw Hanson Version Bible

³¹ Shing rai Dan hte seng ai hti lawm ai ni gaw sen mi mun manga e hkying sanit kru tsa rai ma ai. Ndai ni gaw tinang dawnghkawn hte rau hpang ningdim e hkan na rai nga ai.

BU HKAWM 2:31 ပူးပေါင်းရင်းမြစ်များ

BU HKAWM 10:25

Dai hpang, dap yawng a hpang jahtum dap ngu na Dan dap a hpung daw wa ni gaw tinang a dawnghkawn hte rau rawt sa wa ma ai: dai dap a agyi gaw Amishadi a kasha Ahiza rai nga ai.

BU HKAWM 2:16

Shing rai Rubin dawnghkawn hte seng ai hpung daw wa hta hti lawm ai ni gaw, sen mi mun manga e hkying mi mali tsa manga shi rai ma ai. Ndai ni gaw numshawn hpung a hpang tut na ni rai nga ma ai.

BU HKAWM 2:24

Shing rai Ehprim dawnghkawn hte seng ai hpung daw wa hta hti lawm ai ni gaw, sen mi hkying matsat e latsa rai ma ai. Ndai ni gaw masum ngu na hpung rai nga ai.

BU HKAWM 2:30

Shi hte seng ai wunawng wuwa ni hta hti lawm ai ni gaw mun manga e hkying masum mali tsa rai ma ai.

BU HKAWM 2:9

Shing rai Yuda dawnghkawn hte seng ai hpung daw wa hta hti lawm ai ni gaw, sen mi mun matsat e hkying kru mali tsa rai ma ai. Ndai ni gaw numshawn shawng na ni rai ma ai.