BU HKAWM 19:19 - Jinghpaw Hanson Version Bible

¹⁹ shing rai dai san seng ai wa gaw, n san n seng ai wa hpe masum ya du ai shani mung, sanit ya du ai shani mung, lapri bun na rai nna, sanit ya du ai shani hta e dai wa hpe shawan shasan na rai wu ai: dai wa gaw shi a hpun palawng hkrut nhtawm, hkum shin kau nna, shana de du jang san seng na ra ai.

Jinghpaw Common Language Bible 2009

¹⁹ San seng ai wa gaw n san n seng ai wa hpe masum ya shani mung, sanit ya shani mung lapri bun na rai wu ai. Sanit ya du ai shani hta shi gaw dai wa hpe jasan jaseng na rai wu ai. Dai wa mung shi a hpun palawng ni hkrut nhtawm hka shin kau ai hte shana de du jang san seng na ra ai.

BU HKAWM 19:19 ပူးပေါင်းရင်းမြစ်များ

NINGPAWT NINGHPANG 2:2

Karai Kasang gaw sanit ya nhtoi hta e shi galaw ai amu magam hpe shangut wu ai: shi galaw nu ai amu mahkra ngut masai rai nna, dai sanit ya nhtoi hta ban nga ai.

PRU MAT 19:10

Dai rai nna Yehowa gaw Mawshe hpe, Dai amyu masha ni hpang de yu wa nna, dai ni, hpawt ni nhtoi hta shanhte shachyoi shapra nna, shanhte a hpun palawng hkrut shangun u;

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

JAW JAU 14:7

manggang jasan jaseng hkam la ai wa hpe sanit lang lapri bun nna, dai wa hpe san seng ai ngu na rai wu ai: u hkrung hpe gaw dat kau na rai wu ai.

JAW JAU 14:9

Dai sanit ya du ai shani e shi a kara hte nhka mun, myi kaw mun re ai hkum na mun yawng shangun kau nhtawm, shi a hpun palawng hkrut kau nna, hkum shin ai hte san seng na ra ai.

BU HKAWM 19:12

dai wa gaw masum ya du ai shani e tinang hkum hpe dai hte shawan shasan kau nna, sanit ya du ai shani e san seng na ra ai: masum ya e tinang hkum n shawan yang gaw, sanit ya du timung san seng na n rai.

BU HKAWM 19:13

Si mang hkra da nhtawm, tinang hkum hpe n shawan kau ai wa gaw, Yehowa a sumpan sum hpe wu sin kau nu ai: dai zawn re ai wa hpe Israela amyu hta na sumri dan kau ya na rai myit dai; shawan shasan ai ntsin lapri n hkam ai majaw n san n seng rai nga ai; n san n seng ai gaw shi hta naw kap nga ai.

BU HKAWM 19:18

san seng ai wa langai mi kungla pu matsun hte dai ntsin hta kapru la nna, sum ntsa e mung, arai ni yawng hta mung, sum kata e rawng nga ai ni hpe mung, masha nra, ri nhtu hte si ai mang, majoi si ai mang, masha lup re ai ni hkra ai wa hpe mung, lapri bun na rai wu ai:

BU HKAWM 31:19

Nanhte gaw dap shinggan e sanit ya tup naw but nga mu: masha sat ai wa, si mang hkra ai wa kadai mung, bawng ni hte hpawn, masum ya shani hte sanit ya shani hta tinang hkum hpe jasan jaseng mu ga.

BU HKAWM 31:24

Sanit ya nhtoi hta, tinang a hpun palawng nanhte hkrut kau nna, san seng na mara ai: shing rai nna dap de bai shang lu na rai myit dai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

HEBRE 10:22

n hkru n hkra ai myit dum chyalu hte lawt hkra, anhte a kraw lawang hpe lapri bun nna, anhte a hkumhkrang hpe mung san seng ai ntsin hte kashin kamun kau ngut jang, tengman ai myit masin hte, hkum tsup re ai makam masham hte, anhte sit shang wa ga:

1 YAWHAN 1:7

Shi gaw dai nhtoi hta rawng nga ai hte maren, anhte mung dai nhtoi hta hkawm nga yang gaw, anhte langai hte langai kanawn mazum ai ni rai nga ga ai hte, shi a Kasha Yesu a asai gaw, anhte hta na yubak nlang hte hpe jasan jaseng kau ya mi ai.

YUDA 1:23

kaga nkau mi hpe wan hta na kare la mu ai zawn, hkye hkrang la mu; bai kaga nkau mi hpe, hkrit kang ai hte matsan dum nga mu; rai timung dai hkum shan hta na matsat shabat kap ai palawng hpe pyi, n dawng n yawt rai nga mu.