BU HKAWM 19:18 - Jinghpaw Hanson Version Bible

¹⁸ san seng ai wa langai mi kungla pu matsun hte dai ntsin hta kapru la nna, sum ntsa e mung, arai ni yawng hta mung, sum kata e rawng nga ai ni hpe mung, masha nra, ri nhtu hte si ai mang, majoi si ai mang, masha lup re ai ni hkra ai wa hpe mung, lapri bun na rai wu ai:

Jinghpaw Common Language Bible 2009

¹⁸ Shawng na lang hta san seng ai wa gaw kungla pu matsun langai la nna hka hta tsing la nhtawm sum hpe mung, dai hta rawng ai arai ni yawng hpe mung, dai yang ma masha ni hpe mung, lapri bun na rai wu ai. Lahkawng lang ngu na hta san seng ai wa gaw masha nrut nra, si mang hte lup re ai ni hpe hkra ai wa hpe lapri bun na rai wu ai.

BU HKAWM 19:18 ပူးပေါင်းရင်းမြစ်များ

SHAKAWN KUNGDAWN 51:7

Husup hte ngai hpe jaseng ya nna, ngai san wa na nngai. Ngai hpe kashin ya nna, hkyen hta grau ngai hpraw wa na nngai.

SHAKAWN KUNGDAWN 51:9

Nye a yubak kaw na, na a myi man kayin kau nna, Nye a shut hpyit ai nlang hte hpe, arut kau ya e.

ESAIA 52:15

shing rai shi gaw, amyu baw law law hpe kamawng shabra kau na ra ai; hkawhkam ni mung shi a man e tinang n-gup pat kau na mara ai: kaning rai nme law, shanhte hpe garai n tsun dan ai lam shanhte mu lu nna, garai n na yu ai lam chye na lu na mara ai.

BU HKAWM 19:17

Shing re ai rai yang, n san n seng ai wa a matu, wan hte nat la ai htingrai hkungga wan wu kau mi la nna, lwi ai hka na ntsin hpe wan hta kayau la nhtawm;

BU HKAWM 19:19

shing rai dai san seng ai wa gaw, n san n seng ai wa hpe masum ya du ai shani mung, sanit ya du ai shani mung, lapri bun na rai nna, sanit ya du ai shani hta e dai wa hpe shawan shasan na rai wu ai: dai wa gaw shi a hpun palawng hkrut nhtawm, hkum shin kau nna, shana de du jang san seng na ra ai.

BU HKAWM 19:9

Dai upra a wan wu hpe san seng ai masha langai ngai sa magawn la nna, dap shinggan seng ai shara e tawn da na rai wu ai; dai hpe Israela kashu kasha ni a shawa hpung a shawan shasan ai ntsin hpaw la na matu kyem da na rai mu ai: dai gaw htingrai hkungga rai nga ai.

YAWHAN 17:17

Na a tengman ai lam hta, shanhte hpe shachyoi shapra ya mu; na a mungga gaw, tengman ai lam rai nga lit dai.

YAWHAN 17:19

Shanhte hkum nan, tengman ai lam hta chyoi pra nga mu ga, ngu nna ngai gaw shanhte a matu mara, nye hkum dai shachyoi shapra tawn se ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?

HEBRE 9:19

Kaning rai nme law, Mawshe gaw jep ai tara hte maren htet da mada yawng hte hpe amyu masha ni e tsun dan ngut jang, dumsu kasha sai, bainam sai hte ntsin, chyaw jahkyeng ai sagu mun, maihkaw nhtan mi la nna, laika hpe mung, amyu masha ni yawng hte hpe mung, lapri bun let,