BU HKAWM 19:13 - Jinghpaw Hanson Version Bible

¹³ Si mang hkra da nhtawm, tinang hkum hpe n shawan kau ai wa gaw, Yehowa a sumpan sum hpe wu sin kau nu ai: dai zawn re ai wa hpe Israela amyu hta na sumri dan kau ya na rai myit dai; shawan shasan ai ntsin lapri n hkam ai majaw n san n seng rai nga ai; n san n seng ai gaw shi hta naw kap nga ai.

Jinghpaw Common Language Bible 2009

¹³ Si mang hkra ai wa kadai mung tinang hkum hpe n jasan ai sha naw nga nga ai wa gaw shi hkum hpe hka n jaw bun ai majaw n san n seng nga ai. Shanhte gaw dai Madu a Sum hpe awu asin di ma ai rai nna shing re ai wa gaw Karai Kasang a amyu masha kaw na sumri dan kau ai hkrum na rai wu ai.

BU HKAWM 19:13 ပူးပေါင်းရင်းမြစ်များ

PRU MAT 30:33

Dai hte shabung nna hpaw ai wa hte, dai hpe yu maya hta chya ai wa kadai rai timung, tinang amyu hta na sumri gadoi kau ai hkrum lu na rai nga ai,” ngu wu ai.

GA SHAGAWP 14:32

Tara n lang ai wa gaw tinang a n hkru ai hta kadawng mat nga ai; Dinghpring ai wa chyawm gaw, si wa yang, pyi, shingbyi shara mu nga ai.

EZEKELA 44:26

Jasan jaseng ngut ai hpang, nhtoi sanit ya tup naw ban nga ra ai.

JAW JAU 15:31

Ning rai, Israela kashu kasha ni, shanhte a ka-ang na nye a sum hpe awu asin rai nna, tinang a n san n seng ai hta si ai n hkrum mu ga, shanhte hpe tinang a n san n seng ai lam hta na nanhte jahka la na rai myit dai, ngu wu ai.

JAW JAU 20:3

Nye a chyoi pra ai nta hpe awu asin rai nna, nye a chyoi pra ai mying ningsang jahpoi na, tinang kasha hpe Molok hpara hta nawng jau ai majaw, dai wa hpe ngai ate nna, shi a amyu hta na sumri dan kau ya na we ai.

JAW JAU 22:3

Nanhte a shu mashi shu masha prat dingsa hta, Yehowa a matu Israela kashu kasha ni shachyoi shapra ai chyoi pra ai arai ni hpe, tinang hkum n san n seng da ninglen sa htep ai hkinjawng gaw, nye a man e sumri dan kau ai hkrum na wu ai, ngu nna shanhte hpe tsun mu: ngai gaw Yehowa rai nga nngai.

JAW JAU 22:4

Arun a kashu kasha ni hta na manggang gang ai, ari ri ai, kadai rai timung, garai n san n seng dingsa chyoi pra ai arai ni hta sha lu na n rai. Si mang hte seng ai n seng n pra ai arai hkra ai wa, azu tung ai wa,

JAW JAU 5:17

Bai masha langai ngai Yehowa hkum da ai lam lama ma galaw hkrup ai rai yang, tinang shut n dum ai rai timung ra rawng nga ai rai nna, de a yubak gun lu na rai wu ai.

JAW JAU 5:3

Bai, shinggyim masha hta kap ai n san n seng ai hpa hpe rai timung n dum shami hkra kau nna, dai hpe bai chye jang shi mara lu nu ai.

JAW JAU 5:6

dai shut kau sai mara a matu yubak raw ai hkungga di na, sagu yi kasha, shing n rai bainam yi kasha la sa nna, Yehowa a man de yubak raw ai hkungga matu sa jaw lu na rai wu ai; shing rai hkinjawng wa gaw, dai wa a mara matu htingrai htingrat ya na rai wu ai.

JAW JAU 7:20

Yehowa hte seng ai mahku hkungga shan hpe n san n seng rai da ninglen sha ai wa kadai mung, shi a amyu hta na sumri dan kau ya ai hkrum na ra ai.

JAW JAU 7:21

Masha hta na wu sin ai arai, yamnga hta na matsat shabat hpa hte, n san n seng ai hpa baw matsat shabat rai timung hkra da nhtawm, Yehowa hte seng ai mahku hkungga shan sha ai wa kadai mung, shi a amyu hta na sumri dan kau ya ai hkrum lu na wu ai, ngu wu ai.

BU HKAWM 15:30

Israela kashu kasha wa rai timung, amyu kaga wa rai timung, dingsa sa shut ai rai yang gaw, Yehowa hpe n gawn n sawn re ai rai nga ai majaw, dai wa gaw shi a amyu hta na sumri dan kau ya ai hkrum lu na rai wu ai.

BU HKAWM 19:14

Bai, sum kata e masha si yang hkan na lam gaw: dai sum kata de shang ai ni hte sum kata e rawng nga ai ni yawng, sanit ya tup n san n seng rai nga ai.

BU HKAWM 19:18

san seng ai wa langai mi kungla pu matsun hte dai ntsin hta kapru la nna, sum ntsa e mung, arai ni yawng hta mung, sum kata e rawng nga ai ni hpe mung, masha nra, ri nhtu hte si ai mang, majoi si ai mang, masha lup re ai ni hkra ai wa hpe mung, lapri bun na rai wu ai:

BU HKAWM 19:19

shing rai dai san seng ai wa gaw, n san n seng ai wa hpe masum ya du ai shani mung, sanit ya du ai shani mung, lapri bun na rai nna, sanit ya du ai shani hta e dai wa hpe shawan shasan na rai wu ai: dai wa gaw shi a hpun palawng hkrut nhtawm, hkum shin kau nna, shana de du jang san seng na ra ai.

BU HKAWM 19:20

N san n seng ai wa shi nan tinang hkum hpe shawan shasan na n galaw yang gaw, Yehowa a chyoi pra ai nta hpe shawu jasin wu ai majaw, shawa hpung hta na sumri dan kau ya ai hkrum lu na rai wu ai: shawan shasan ai ntsin a lapri bun ai n hkam wu ai majaw, shi hta n san n seng naw rai nga ai.

BU HKAWM 19:9

Dai upra a wan wu hpe san seng ai masha langai ngai sa magawn la nna, dap shinggan seng ai shara e tawn da na rai wu ai; dai hpe Israela kashu kasha ni a shawa hpung a shawan shasan ai ntsin hpaw la na matu kyem da na rai mu ai: dai gaw htingrai hkungga rai nga ai.

BU HKAWM 8:7

Shanhte hpe ning di jasan jaseng na rai ndai: htingrai ntsin hte shanhte hpe lapri bun nna, hkum ting na mun shangun kau ai hte, hpun palawng hkrut kau nna, tinang hkum jasan jaseng shangun na rai ndai.

BU HKAWM 9:13

Wu sin mat ai mung n rai, sumtsan sa mat ai mung n rai re ai mi, shalai dat ai poi n shang lawm ai nga nga ai wa gaw, shi a amyu hta na sumri dan kau ya ai hkrum lu na rai nga ai: madat da ai ahkying hta Yehowa matu kumhpa n la sa ai majaw, dai wa gaw shi a yubak hkrum sha na rai nga ai.

YAWHAN 8:24

Dai majaw, nanhte gaw tinang a yubak hta si na marin dai, ngu nna ngai nanhte hpe tsun ni ai: kaning rai nme law, ngai dai wa rai nga nngai hpe, nanhte n kam myit yang gaw, nanhte tinang a yubak hta si na myit dai,” ngu mu ai.

HEBRE 10:29

dai rai yang gaw, Karai Kasang a Kasha hpe kabye shingkawt kau nna, tinang hkum hpe shachyoi shapra ya ai ga shaka a asai hpe awu asin di kau ai hte, chyeju madun ya ai Wenyi hpe n kaw n law di kau ai wa gaw, dai hta grau ai ari gade hkrum ging ai, ngu nna nanhte nawn da myit ta?

HEBRE 9:10

dai lam ni gaw, shahpa, luhpa hte kashin kamun ai lam amyu myu hte nawng, htung nnan jashawn na aprat garai n du laman e, gan tawn da ai, hkum shan hte seng ai ahtung ahki sha rai nga ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:11

N ding n hpring ai wa gaw, n ding n hpring ai hku naw hkan nga u ga; n san n seng ai wa gaw, n san n seng naw rai nga u ga; dinghpring ai wa gaw, dinghpring ai hku naw shachyen nga u ga; chyoi pra ai wa gaw, naw chyoi pra nga u ga.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.